Forfattararkiv for

Eit av programinnslaga på Kleivakvelden fredag var opplesing av eigne dikt med elevar fra 6. klasse. Ein av dei som vart uttekne til å delta var Tore Talgø Roaldset fra Todalen oppvekstsenter. han hadde skrevet om «Poteten som ville bli poet». Diktet lyder slik:

I Øyalia er det stordrift med granhogging denne veka. Det er Solli Skog frå Surnadal som har «gått laus» på eit av granfelta til Ståle Ansnes oppi Øyalia. Til saman skal det hoggast rundt 1000 kubikk gran, og det går fort unna med ei stor hogstmaskin og to lastbærarar. Martin Solli hos Solli Skog fortel at dei hogg 150-200 kubikk pr dag og da er dette prosjektet jobb for ei stor veke.

Laurdag kl 16.00 skjer det i Svinviks arboret. Da står «Tonar i blomsterland» på programmet. Straumsnesgjeldingen Unni Boksasp og hennar orkester lanserer plate, og byr på rivande og tøffe tolkingar av tradisjonelle songar frå Nordmøre. I tillegg før vi høre Oppdal mannskor med variert repertoar. Billettpris 200,-/100,-

I pinsehelga er det duka for ny Vårsøghelg. Programmet startar torsdag 20. mai med offisiell opning av Vårsøgutstillinga i kulturhuset, der Elling Reitan er årets Vårsøgkunstner. Vidare er det program kvar dag, fram til søndag 23. mai. Vårsøghelga rundar da av med «Karra og kvinnfolk. Mmm…!» i Storstua på Kulturhuset. Svinviks arboret deltek i årets Vårsøg-program med «Tonar i blomsterland» laurdag 22. mai kl 16.00, der får vi høre straumsnesgjeldingen Unni Boksasp m/orkester og Oppdal mannskor.

Har du artige og gode bilete frå feiringa av nasjonaldagen, så send dem til oss. Vi veit at det blir teke mange bilete på ein slik dag, og vi tenkjer å lage eit fotogalleri der vi viser innsendte bilde frå våre lesarar.  Klikk på «Kontakt oss» for å sende bilde og noen ord om kva/kven […]

Feiringa forsette vidare utover dagen. Først med gudsteneste i Todalen kyrkje, vidare vart det blomsterhelsing på bautaen og folketog til skulen. Det var Sokneprest Bernt Venås som heldt preken i kyrkja, der det var eit syttitalls tilhørarar. Inger Johanne Iversen sørga for blomsterhelsing frå Surnadal kommune på minnebautaen på kyrkjebakkan. Folketoget frå kyrkja og opp til skulen hadde i år følge av «Trollheimen janitsjar», eit korps som var nyetablert for høvet.

Feiringa av nasjonaldagen er forlengst komen igang i Todalen. Det tradisjonelle biltoget, eller «skrommeltoget», samla i år rekorddeltaking med rundt 60 kjøretøy som nok er rekord. Det var kjøretøy av alle slag, både traktorar, mopedar, russebilar og andre nye og gamle bilar. Og sjølvsagt var det mykje folk, både store og små. Biltoget starta ved ICA Todalen på Kvennset og køyrde oppover bygda til Gammelfabrikken, der det var ein kort pause og så nedatt til Ungdomshuset.

6 av årets konfirmantar slo seg like godt saman og arrangerte felles attpålag i Ungdomshuset fredag ettermiddag. Nærare 100 gjestar vart det til saman og eit kjempeutbud med blautkaker og anna godt til kaffen.

I onsdagsavisa til Driva var det eit omfattande intervju med konsernsjef Terje Talgø, der han gjev uttrykk for at han har tru på framtida og at den skal gje rom for ny vekst for Talgø-konsernet. Han trur det blir behov for fleire tilsette etter kvart og at furua etter kvart kjem att i ei eller anna form. Han lettar også litt på sløret når det gjeld Todalsparken.

Frå Gudmund Kårvatn har vi fått opplysningar som tyder på at bjørnen har passert kommunegrensa og er komen over til Sunndal eller Oppdal. Det er observert bjørnespor ved Meskaret som ser ut til å kome frå Innerdalen. Spora gikk nedover lia mot Meskardvatnet og vidare mot Bjønnhjellan og Ottdalen. Så da tyder det på at bjørnevisitten i Todalen er over for denne gongen.

Todalen kyrkje var fylt til siste plass under konfirmasjonsgudstenesta på Kristi himmelfartsdag. Det fine vêret sette ein ekstra spiss på denne fine festdagen for dei 8 todalsungdomane som vart konfirmert i år. Det var sokneprest Bernt Venås som heldt gudstenesta, medan Ildri Sjøland Øyen var klokkar og Bernt Bøe var organist. Vi i Todalen.no gratulerer så mykje!

Måndag kveld var det dugnad på kyrkjegarden for å ordne og rydde til konfirmasjonen og 17. mai. Riktig bra frammøte gjorde at dugnaden var fort unnagjort, og jeg er imponert over dugnadsånda i Todalen, sa vaktmester Alf Faksnes som leda arbeidet sammen med soknerådsledar Ildri S. Øyen. Denne kvelden vart det retta opp støtter og ryddet etter ein lang og kald vinter.