Forfattararkiv for

I Romådalen etterlyses 7 kalvar som er sporlaust borte frå beiteområdet. Olav Halle som eig dei 7 kalvane fortel at dei 7 kalvane ikkje har vore sett sia 7. august, da dei gikk på Husbystølen. Det er både raude og svarte kalvar som er borte, og Olav Halle no sin lit til at nokon har sett dei. Kalvane har det meste av sommaren gått som eigen flokk i Romådalen, men fryktar no at dei har gjort ein avstikkar.

Søndag kl 17 er det storkamp på Bordholmen. Da møter Søya/Todalen G14 laget til Molde 1, og dei treng ein solid heiagjeng og supportarstøtte! Fotballgruppa reklamerer med både bakels og kaffe samt utlån av tråbilar føre og under kampen.   Velkomne!

Laurdagens bygdadag i Halsa samla eit stort publikum i og omkring Halsahallen på Vågland. Bernt Jørgensen (79) var ein av utstillarane som hadde utestand ved Halsahallen. Her stod han med eit breidt utvalg av produkt som han hadde laga i snekkarverkstedet heime på Skogtun. Han hadde også med nokre strikka og hekla produkt som kona Lovise hadde laga. Bernt hadde fått stand i «traffikk-åra» på vegen inn til Halsahallen.

Talgø-bedrifta Møretre i Surnadal søkjer etter ledar til elementavdelinga. Dei er ute etter ein person som skal lede salget og produksjonen av element til landbruksbygg, garasjar og støyskjermar m.m. og kontorstad er på MøreTre sitt anlegg i Surnadal.

Laurdag er det bygdadag i Halsa. Det skjer i og rundt Halsahallen på Vågland, og dei har eit rikhaldig program med utstillingar, konkurransar, mat og underhaldning. Det er 10. gong dei arrangerer Halsadagen og programmet har aldri vore meir omfattande enn i år. Kjøreavtstand frå Todalen til Vågland er er ca 65 km og tek […]

Sekretær i «Eldremiddagen» Martinus Torvik skriv i ein e-post til oss at dei ønskjer å bli medlem i Todalen.no. Det takkar vi for, og ønskjer dem velkomne som medlemar! Vi har no etter kvart vorte mange og fleire er i kjømda. Eldremiddagen starta på igjen etter sommarferien sist onsdag, og da var dei 20 i talet som var samla i Sanitetshuset til bacalao, og kaffe etterpå.

Onsdag 8. september kl 19.30 held Halsesamlinga almannamøte i Gammelskulen. Samtidig er det også høve til å sjå seg rundt i Halsesamlinga, og det blir enkel traktering på møtet. Alle todalingar har møterett til almannamøtet, som følgjande saker på saklista:

Tysdag 7. september startar Todalen Sanitetsforening på igjen med medlemsmøte. Det skjer i Sanitetshuset og startar kl 19.30, og dei ønskjer både nye og gamle medlemar velkomne. Foreninga har fått mange nye medlemar dei siste åra, men det er plass til enda fleire, seier sekretær May Elisabeth Holten til Todalen.no

For dei vaksne var det nok vandringa med Jon Bojer Godal som fanga størst interesse, medan dei små var mest interessert i dei 7 lamaene som gikk på beite nedmed naustet i Svinvika. Det var Todalen historielag i samarbeid med Stangvik historielag som arrangerte familiedagen i Svinvika, og Jon Bojer Godal ga oss ei interessant inføring i gamle byggeskikkar på vandringa mellom dei gamle husa i Svinvika. Det er i dag 25 hus som høyrer til garden, og mange av dei er riktig gamle.

Frå Randi og Vidar Sogge har vi fått bilde frå Stavganggruppas tur til Storhaugen torsdag. Dei starta frå lunningsplassen oppi Brusetbotnå og gikk opp etter skogsvegen som går opp til Skarsmyra, og vidare utover igjen til trimposten på Storhaugen. Derifrå er det ein flott utsikt utover Todalen, og den var det mange som vart imponert over. På Storhaugen vart det fotografering, og sjølvsagt tid for å nyte niste og ein kaffedråpe frå termosen. Nedatt gikk turen etter turstien som kjem ned like ovafor lunningsplassen.

Torsdag kveld var første omgang med lagseriestemne etter sommarferien. Det var bra oppmøte, og Frode grønmyr har sendt oss bilde fra aktivitetane på Bordholmen denne kvelden. Han vil at fleire skal nytte høvet til å ta idrettsmerket no, da dei skal ha lagseriestemne kvar torsdag fram til 23. september. Han skriv: «Torsdag starta lagseriestemne opp att etter sommarferien. Denne kvelden var det til saman 13 som deltok. Det blir fire gongar til i år, og siste gong blir 23. september. Da blir det utdeling av premie til alle som har vore med.

Det blir sagt at alle snakkar om vêret, men at ingen gjer noko med det…! På baksida av eit avisutklipp frå 26. august 1955 som Ragna Kvendset har sendt oss, fann ho ein bit av ein artikken om nokon som hadde tenkt å gjera noko med det. Da var orkanen «Edith» på veg mot land, og sjefen for den amerikanske vêrvarslinga vurderte om han skulle slippe ei atombombe midt i stormsentret som ei muleg løysing.