Forfattararkiv for

Julekabareten «Fær hæll i mot» fylte Todalen ungdomshus til siste plass, da Todalen Idrettslag arrangerte årets julekabaret 3. juledag. To framsyningar måtte til for å skaffe plass til alle som ville få med seg julekabareten, der kveldsframsyninga nok må seiast å vera mest populær. Men tilsaman var kabareten vist til nærare 250 publikumarar denne gongen. Dei som deltok på kveldsframsyninga fekk også sjangsen til ei kulinarisk oppleving og fekk seg ein svingom på kjøpet.

Nærare hundre store og små todalingar trossa vinterkulda og tok runden rundt bygda 3. juledag. Godt påkledd og med trimgruppas gløggstasjonar som mål, la folk ut på vandring og tok kulda med godt humør. Trimgruppa i Todalen Idrettslag var arrangør, og det var nok mange som tykte det var godt å komme ut og få rørt seg litt etter fleire dagar med mykje god julemat. Turen rundt bygda var reint så sosial, og ein trefte mange kjente på runden, for det var både ”innfødde” og utflytta todalingar og andre i følgjet.

Kvelden før kvelden var det hektisk øving til julekabareten «Færr hell i mot». Så langt er det meste av billettane til hovudframsyninga selt, medan det er ein del billettar att til framsyninga som startar kl 15. Uhenta billettar har gjort at det har vorte nokre billettar ledige til siste framsyninga kl 20, så her gjeld det å hive seg rundt og ta turen til ICA Todalen. Programsjef Svein Åge Saksen fortel at underhaldningsgjengen er i rute og har fått det meste på plass no og reknar med full trykk på premieren kl 15.

Natt til førte juledag vart det «årsverste» med med minimumstemperatur på nærare 20 kuldegrader. Jon Bruset fortel at det er lågaste temperaturen han har registrer på desember sidan han starta målingane for 20 år sidan. I løpet av dagen har det skya over litt, og temperaturen er i skrivande stund komen på 12-talet. Men det kalde […]

Frå Birgitte Kvendset med familie i Santa Rosa, California, har vi fått julekort med julehelsing til alle Todalingar og andre kjente. Vi helsar attende, og håpar at jula ikkje er så kald i Santa Rosa som i Todalen. Klikk deg vidare så får du sjå heile julekortet.

Surnadal kulturhus melder at kulturkalenderen for januar 2011 er klar. I Storstuå er det konsert med TrondheimSolistene den 19., men hovudattraksjonen er no UKM- Ungdommens kulturmønstring den 29. januar. Elles er den mykje omtalte filmen «Kongen av Bastøy» sett opp med 6 visninger frå 14. – 26. januar. Til slutt kan nemnast «Vinjes Ferdaminne» og Fotoutstilling […]

I kveldens TV-program «Kvelden før kvelden» på NRK1, møter vi mellom anna 10-åringen Torstein Snekvik frå Kvenna. Programmet går frå kl 20.05 og fram til kl 22.00. I programmet hjelper han Trond Viggo med juleribba.

Frå Eirik Husby har vi fått ei litt spesiell julehelsing. Bandet han spelar i “Snow On A Mountain” held på og spelar inn ny plate, og han har laga ein demo som han ønskjer å dele ut som ei julehelsing til todalingane. Han har sørga for at det er kome eit antal slike demoar til ICA Todalen, og da er det berre å være raskt ute så får du deg ein. Her gjeld det å være raskt ute, for her gjeld regelen om “Først til mølla…”. Nedafor kan du lese e-posten vi har fått frå Eirik:

Nå oppdatert med nedlastbar demo fra Snow On A Mountain, som ein julegave til alle todalingar.

Etter det siste snøfallet er det fint føre for å starte skisesongen for den som vil ha litt førjulstrim. Arnt Ivar Brøndbo er ein av mannskapet som i vinter skal sørge for å halde idrettslagets trimløyper opne og i god stand. Han fortel at det er fine forhold i lysløypa no, og at det elles er køyrt opp løype frå butikken og opp til Lauvåsveien. I løpet av helga vil det også bli køyrt opp løyper på Tjønnmyra, og frå Innerdalsmerket til Tristeinan. Så da er det berre å finne fram skiutstyret og «Blåswixen» så er du igang!

Ny fin isbane er laga ved klubbhuset på Bordholmen. Den er ikkje så stor, men den er stor nok både til å lære seg å gå på skeiser og kanskje det kan bli både ishockey og lengdeløp (kortbane i så fall). Knut Bergli, Ivar Helge Kvendset og Dan Roger Pedersen har laga isbane på asfalten […]

Billettane til julekabareten «Fær hell i mot» går unna. Søndag kveld var det selt over hundre billettar til kveldsframsyninga, medan salget til dagframsyninga var noko mindre. Underhaldningssjef Svein Åge Saksen er godt nøgd med salget og reknar med at det etter kvart blir to fullsette framsyninger. Han fortel at dei no er i god gjenge med øvingane og at det meste vil kome på plass i løpet av veka.

Dei siste åra har Surnadal Sparebanke invitert til juletreff for både «innfødde» og utflytta sambygdingar. Det skjer i år også – denne gongen er arrangementet lagt til Vårsøg hotell. Banken ønskjer med Juletreffet å bidra til marknadsføring av kommunen vår både heime og ute, ikkje minst er det viktig at dei som bur andre stader i landet er gode ambassadørar for kommunen. Dei håpar difor at du setter av eit par timar onsdag 29. desember (5. juledag kl 15.00), og tek turen innom ”nye” Vårsøg Hotell og blir med på Juletreffet.