Forfattararkiv for

Søndag 14.august er sommarsesongens siste opningsdag i arboretet. Det blir ein spesiell dag, fordi vi da er med på det landsdekkjande arrangementet «1000 åpne hager» gjennom Hageselskapet, og vi er på denne dagen også lagt inn under turprogrammet for Norsk vandrefestival som går no til helga, fortel Dordi Kjersti Mogstad i ein e-post til Todalen.no.

Fisket etter laks og sjøaure går mot slutten. Måndag 15. august er siste dag, etter at fisketida vart endra på grunn av faren for overfiske. Den siste tida har vassføringa vore i minste laget, men etter meldingane ligg det an til en god del regn tysdag og onsdag denne veka. På ein liten runde rundt bygda var det fleire fiskarar på elvekanten enn det har vore på lenge.

Kvanne var kommunesenteret da Stangvik vart lagt ned som kommune og delt mellom Surnadal, Sunndal og Tingvoll på midten av 1960- talet. Torsdagskvelden 11.8. kl 1900 inviterer Stangvik Historielag til en tur «gatelangs» og attover i tid til kommunesenteret, handelsstaden, samferdselsknutepunket og til de aktiviter dette førte med seg. Møt opp på Joker-butikken kl 19.00. […]

Mange kommunale vegar ventar på kantslått. Dalavegen frå Bruset til Kårvatn er ein av vegane der olderkjerra tek til å vekse innpå vegen. Med den store turisttrafikken opp til Kårvatn, skapar det lett farlege situasjonar og er nok heller ikkje det finaste du kan vise fram til folk som ferdes langs vegane.

Pakkhuset Kro på Todalsøra minner om at det er open pub i kveld, og ønsker alle velkomne frå kl 21 og utover.

Tor Kvande og Torbjørn Larsen var tysdag på tur til Snøfjellet og Skjerdigfjellet. Dei hadde med kamera, og frå Tor Kvande har vi fått e-post og fine bilder. Bilda er lagt ut i eit lite galleri nedarfor. Tor Kvande skriv i e-posten: «Tur opp via Tårnet til Snøfjellet og heimat langs ryggen på Skjerdingfjellet. Sender bilder frå ein fin tur gjennom tåkehatt og opp på fjell i hjertet av Norge.»

Etter tap i gårdagens kamper går begge laga ut av sluttspillet, skriver Knut Haugen på I.L. Søyas hjemmeside. «G16 tapte onsdag 1/64-finalen (A-sluttspill) mot Bjørndal IF på straffesparkkonkurranse, etter at det fortsatt stod 0-0 etter ekstraomganger. Og onsdag kveld møtte G14 bergenslaget Nordre Fjell 1/16-finale i B-sluttspillet. Kampen endte med tap 1-3, men våre gutter gjorde en kjempekamp med heroisk innsats mot eldre, fysisk sterke og store bergensere.»

Tysdag kveld treffer vi kjentfolk i programmet «Sommeråpent» på NRK1. Da er nemleg Torstein Snekvik gjest i programmet, som er direktesendt frå Operataket i Oslo. Programmet startar kl 21.30 og som sagt på NRK1.

T.I.L. trimgruppa minner om sykkeltrimmen onsdag kveld. Oppmøte på Bordholmen og start mellom kl 18 og 20. Kiosksalg med kaffe, bakels og forfriskningar.

Måndag gikk turen frå Todalen med Aursjøvegen som reisemål, via Sunndalsøra og oppover Litjdalen. Etter å ha betalt 70 kr i bompengar i Litjdalen bar det oppover dalen til vi etter ei stund forsvann i skodda. Vi kom ut av skoddeheimen like nedafor Holbudammen, og derfrå var det sol og fint sommarvêr med 17-18 varmegrader. Ved Holbudammen var det vedlikehaldsarbeid i gang på damanlegget og derfrå og ned til kraftstasjonen på Sjølseng går vatnet i tunell.

Ingrid Bergå saknar sykkelen sin etter pubkvelden for 2 veker sia. Det er ein plommefarga damesykkel som stod i garasjen, og som kom bort i løpet av natt til søndag. mest sannsynleg trur ho det er ein pubgjest på veg heim som er syndaren, men tykkjer det er utruleg frekt å gå inn i garasjen til folk for å ta seg ein sykkel.

Det var ikkje uventa at Drøpping gikk til topps i Nordmarkstråkket, men det var spenning heilt til mål da Kjetil Bolme, Are Siljan Børset, Arne Reiten og Benny Øverli utgjorde tetgruppa i sykkelrittet. Det var 98 syklistar som stilte til start i konkurranseklassen, og i tillegg var det mange trimmarar som tok turen over marka. Det var fint sykkelvêr, med overskya og høveleg temperatur. Det var det nok mange som sette pris på i bratta opp frå Dalsegg og opp på Nordmarka.