Forfattararkiv for

Rindalslist gikk heilt til topps i Gjensidige Cup på Syltøran laursdag. Det slo ut PipiLife som da kom på andreplass, medan Talgø 1 var med heilt til bronsefinalen, der dei slo vertslaget Gjensidige. Dermed vart det 3.-plass og bronse på Talgø 1. Det andre laget til Talgø – Talgø2 – vart nr 3 i si pulje om kom dermed ikkje med i sluttspelet, men også dei gjorde ein fin innsats på banen. Dei to Talgølaga var samansett av folk frå Talgøbedriftene i Surnadal og Rindal.

Jaktlaget som driv på sørsida av bygda fekk både hjort og elg i dag. I ytre og øvre delen av Øyalia vart det ei hjortkolle og to elgar. Elgane var ein fjorskalv og ein årskalv. Det var to debutantar som var heldige i dag, da Ola Ansnes tok sin første hjort, og Torbjørn Larsen fekk sine første elgar. Det er nok fleire jaktlag som har nytta høvet til å ut på storviltjakt i dag, men vi har ikkje fått rapport frå andre lag.

Etter ei klår og kald natt var det rim på marka i dag tidleg. Det elektroniske termometeret viste 0,0 grader som minimumstemperatur, men på marka har nok temperaturen tippa under nullen. Det er første natta at nullen er tangert, men det blir nok fleire etter kvart no. Det er også kome litt snø på toppane, og det skjedde nok natt til 15. september etter som vi har observert. Det er nok normalt at det er nattkaldt i klåre haustnetter i september.

Vi har fått e-post fra Toril Redalen, der hun forteller at hun er kommet med på utstillingen i år også. Lørdag 17. september åpner ustillingen, og Toril inviterer alle todalinger i Oslo-traktene til åpning, så her er det bare å stille opp! Toril skriver i e-posten: «Hei! Jeg kom med i år og! Kan dere invitere alle todalinger i Oslotraktene på åpning? På grunn av ærefullt juryarbeid for Nordmørsutstillinga i morgen kan jeg ikke dra selv, men om noen todalinger i Oslo har tid til å «representere», så blir jeg glad! Utstillinga står til desember, så folk har god tid på seg! Verket som ble antatt heter «Multitask», og er en installasjon i porselen, tre og tekstil.» Hermed er du invitert!

Stavganggruppa i Surnadal pensjonistlag la torsdag 15. september turen til Fellesbeita i Surnadal. 38 mm regn på onsdag og 32 mm om torsdag gav ikkje dei største forventningane til ein vellukka stavgang-tur. Men der tok vi feil! 21 vart med på turen, og det var på det næraste opphaldsver på både oppovertur og nedovertur. Målet for turen var den romslege hytta brukt av røktarane i Fellesbeita. Gunnhild Mogstad hadde drege opp i førevegen og fyra opp i omnen, og det var godt og varmt da resten omsider kom etter.

Onsdag kveld var siste kveld med sykkeltrim på Bordholmen. Med unnatak av ferietida har det vore sykkeltrim annakvar onsdag i sommar. Tilsaman har det vore 7 kveldar og over 150 deltakarar, noko trimgruppa er godt nøgd med når ein tek omsyn til at det har vore fleire regnverskveldar på terminlista. Ei gulrot for å få […]

Onsdag kveld er det siste kveld med sykkeltrim, og da blir det også trekning i trimlotteriet som har pågått medan sykkeltrimmen har vore arrangert i sommar. Det blir trekning ca kl 19.30 etter at sykkeltrimmen er ferdig. Elles blir det open kiosk med salg av kaffe, brus og bakels med meir. Kom og bli med på siste sykkeltrimmen, oppfordrar trimsjef Jostein Bruset!

I seine nattetimar vart resultatet av soknerådsvalet i Todalen klart. Det skulle velgast 2 nye representantar for 4 år, og det vart Ildri Sjøland Øyen og Knut Halset som vart faste medlemar i soknerådet. I tillegg har dei med seg Terje Nordvik og Signe Grønmyr som har 2 år att.

Torsdag 8. september la 40 personar frå Stavganggruppa turen til Nordviksetra, og Elen og Johan Nordvik stilte velvillig opp som guidar og opna seterhusa for oss. Vi parkerte bilane på parkeringsplassen til Nordviksetra, og dei fleste gjekk innom setra for å setta frå seg ryggsekkene før den vidare turen opp mot Seterhaugen. Sola vermde denne fine dagen, og mange valde ein la-a-ng pause før den brattaste stigninga under Seterhaugen – og snudde der.

10. september er ein magisk dato for dei som driv jakt i Todalen. Da startar nemleg småviltjakta for dei som jaktar rype, storfugl og orrfugl, samt at det er startdato for hjort og elgjakt. Det er nok mange som puslar med pakking av ryggsekk og pussing av våpen for klargjering til jakta og jakttur saman med gode jaktkameratar. Når det gjeld småviltjakta er det nok særleg lirype og fjellrype det blir jakta på, og her rapporteres det om meir rype i fjellet i år en i fjor.

Søndag 11. september kl 20 er det premiere for jubileumsskriftet for Todalen kyrkje som i år fyller 150 år. Dette er eit samarbeidprosjekt mellom Todalen historielag og Todalen sokneråd, og det er Bernt Bøe som har ført det i pennen. I tilleg har eit utvalg frå Todalen historielag vore med og samla bilder og informasjon til jubileumsskriftet. Søndag kveld vil altså redaksjonkomiteen saman med forfattaren presentere det ferdig resultatet for dei som er interessert, fortel Maren Ansnes som er ledar i Todalen historielag.

Vi trudde mesta at det var asfaltering av Ansnesvegen som var på gang da Veidekke passerte utover forbi Todalsøra med ei kollonne på 6-7 bilar med utstyr for asfaltlegging i morgontimane. Men det var nok vel optimistisk å tru det, så ved nærare ettersyn så stoppa bilkollonna på Ansnessaga. Og der var det asfaltering av […]