Forfattararkiv for

Helgemesse – også kalla «Allehelgens» – er ein av dei sterke søndagane i kyrkjeåret. Mange stader blir dette dagen for å minnast og for å la lyset skine. Søndag var konfirmantane med og gjorde dagen meiningsfylt for mange. Liturgisk sett er vår helgemesse tilpassa ein lokal påbegynt tradisjon.

I 1977 ga Vårsøg med Henning Sommerro i spissen ut sin debutplate «Vårsøg». Den ble ein stor suksess, og vinylutgåva har i lengre tid vore eit ettertrakta samleobjekt, ikkje minst på grunn av tittelmelodien, som er ein av våremest spela songskattar. No kjem songane i si originale form for første gong ut på CD. På plata finn vi folkekjære melodiar som «Vårsøg», «Nordmørsminne» og «De er trygge til juli Sauda». Alle i sin opprinnelege versjon.

Frå sekretæren i Eldremiddagen, Martinus Torvik, har vi fått e-post med påminning om arrangementa dei har i Sanitetshuset kvar onsdag. Han skriv: «Eldremiddagen held fram med sine onsdagsmiddagar til og med 5. desember. Den dagen serveres årets julemiddag. Matretten blir tradisjonell og velsmakande, og med alle fire kokkane i aksjon. Ellers vil vi nemna at […]

Kari, Åse og Liv Jorunn er i hvertfall i rute med julebaksten. Laurdag var det full mobilisering på kjøkkenet til Kari Kvendset på Sandstad, og da var det potetlefse som stod på programmet. Her var det storskala produksjon, med 2 kjevlebord og 2 takker til steiking, og det dufta godt nystekt potetlefse. Det var mesta slik at ein kom i ei lett julestemning.

Den store jubileumsfeiringa fortsett, og i førmiddagstimane laurdag var det «stinn brakke» i kaffekroken på Matkroken L. Hals. Der vart det servert moltkrem og nystekte bakels til alle kundar som var innom butikken. Laurdag er siste dag i den intense feiringa av 100-årsjubileet til L. Hals, som har på gått sia måndag. Laurdag kl 16 er feiringa slutt, og det blir markert med fyrverkei, når eit skikkeleg rakettbatteri går i lufta.

Redaksjonen for Todalen.no er godt nøgd med besøket på nettstaden. Hittil i år har vi hatt over 238 000, som er ei auking på over 28%. Antal sidevisningar i 2012 kjem til å passere 500000 i løpet av helga, og antal forskjellige besøkande er så langt i år på over 32000 – også ei auke på heile 34%.

Jula nærmer seg med stormskritt, og dei første julemessene er alt annonsert. Det er no vel 7 veker til jul, og det kjem nok til å bli kamp om kundane og kjøpekrafta i tida fram mot jul. 5 driftige damer arrangerer i år julemarked i Sanitetshuset. Det skjer laurdag 17. november, og dei har litt av kvart å by på når dei setter i gang.

Søndag var det basar på alderheimen i Stangvika. Det var pårørandeforeninga som samla troppane til sin årlege basar for å få inn pengar til drifta av foreninga. Dei hadde stort basarbord med mange flotte gevinstar, og i løpe av nokre ettermiddagstimar fekk dei inn heile 12.000 kroner til foreninga. Dei bydde på kaffe og kaker til gjestane, og trekkspell og song vart det også, fortel Borghild Talgø til Todalen.no. Men viktigast av alt var den god samtalen rundt borda og det vart eit fint avbrekk både for bebuarane og for dei beøkande.

100-årsfeiring er ikkje kvardagskost i Todalen, men måndag var dagen komen for L.Hals Eftf som starta verksemda på Todalsøra den 29. oktober 1912. Dagen var behørig feira med kaffe og blautkake til alle kundane som var innom butikken. Det skal dei fortsette med heile veka til endes, fortel innehvavar Terje Nordvik. I løpet av måndagen vart det servert kaffe og blautkake til eit par hundre kundar som var innom butikken. Jubileet vart også markert med mange gode jubileumstilbod, mellom anna er det rabatt på bensin og vanleg diesel denne veka da pumpeprisen er sett ned med 1 kr literen.

Start 4H runda av 2012-sesongen med haustfest søndag kveld. Den siste veka har nok vore travel for 4H-arane, for til haustfesta skal prosjektoppgåva vera ferdig, og dei skal lage utstilling til oppgåva. Det var lagt ned stor flid i utstillingane, og dei hausta mykje ros for gjennomføringa av prosjektoppgåvene, da Torill Sandnes frå Møre og Romsdal 4H delte ut merker og diplom til dei 15 som fullførte oppgåva.

Snøvêret dei siste dagane i kombinasjon med kaldvêr i natt har gjort at småbåthamna er islagt. Det er meldt kaldvêr dei første dagane, men utover veka skal det bli mildare igjen. Det ligg enno nokre båtar i hamna, men tida er nok koma for å runde av båtsesongen for i år. Asgeir Longva var i full gang med å ta opp båten søndag ettermiddag da Todalen.no var bortom småbåthamna på Kvennset.

No er alt klart for ei storstila 100-årsfeiring, fortel Terje Nordvik i L. Hals Eftf. Måndag 29. oktober er det nemleg 100 år sia gründaren Lars Hals opna butikk på Todalsøra, og det skal feirast skikkeleg – ei heil veke til endes. da blir det feiring med gratis kaffe og blautkake til alle kundane som er innom butikken denne veka. Og laurdag rundar han av feiringa med bakels og moltekrem til kaffen. Gjennom heile veka er det mange gode jubileumstilbod i butikken, og på HalsOil-pumpa er det rabatt både på bensin og vanleg diesel.