Forfattararkiv for

Ved passering av Pilskaret i formiddag så måtte vi kjøre i gangfart på grunn av alle hola som har dukka opp igjen. Todalen.no hadde ei sak på dette i mars, og fekk da kjapp respons fra Kolo Veidekke om at her skal det ordnes opp, og det vart etter nokre dagar vart det fylt på grus slik at vegen vart farbar igjen. Utover våren og sommaren har det gradvis vorte verre og nå var det altså tid for å følgje opp saka. På tur ned bygda igjen var jammen Kolo veidekke komne til Pilskaret.

Trimgruppa i Todalen I.L. melder at dei startar på med sykkeltrim igjen onsdag 15. august. Regisstrering skjer som vanleg på Bordholmen frå kl 18.00 og utover. Det er høve til å sykle dit du vil, men du må innom Bordholmen for registrering. Der reklamerer dei for open koisk med salg av kaffe, bakels og andre forfriskningar.

Søndag arrangerte Stangvik Historielag kulturvandring til Kvennbøtæla. Guider var Lars Steinar Ansnes og Torbjørn Polden, med god hjelp av Gustav Kvendbø og Gudrun Bele. Omkring 20 personar møtte opp i Kvenndalen på kanskje den finaste verdagen hittil i sommar. Turen gjekk så til Kvennbøsetra og vidare innover Tæla til heimre gjetarhytta og ned til Garden i Kvenndalen.

Del hagegleda med andre, er mottoet til Hageselskapet som står attafor det landsomfattande arrangementet «1000 opne hagar». Mange av Hageselskapets medlemar over heile landet har søndag 12. august invitert til open hagedag. Her i Todalen har Johan Todalshaug Hals i Todalshaugen delteke i arrangementet, og har gjennom søndagen teke mot besøkande i det flotte hageanlegget han har laga.

Denne helga er det siste sjangse for å besøke Svinviks arboret for i år. Det betyr at sommaren er på hell, men du kan enno ta turen til arboretet laurdag og søndag som er dei to siste opningsadagane. Begge dagar er det ope mellom kl 12-17. Søndag 12. august arrangeres også «1000 opne hagar» i regi av hagelaga, og Surnadal hagelag melder at det her i kommunen er to private hagar som blir opne for publikum denne dagen – nemleg i Todalshaugen hos Dordi og Johan Hals og i Bøfjorden hos Marta og Oddmund Gravvold.

Pakkhuset Kro på Todalsøra melder at det blir open pub laurdag 18. august frå kl 21.00 og utover. Derimot er det ikkje ope i kveld laurdag 11. august, melder vertskapet Erling og Synnøve.

6 år gammle Kristian Boge Tveit frå Vaksdal i Hordaland fekk i dag sin første laks på heile 8,2 kg i Toåa. Her ser du ein stolt liten kar med fangsten. Litt arbeid vart det å hale den i land og i følge fiskaren så hoppa laksen 5 gonger og raste ut att minst ein gong, så litt hjelp frå pappa Ørjan måtte til på slutten.

Vaulens venner inviterer til deltaking i slåttaarbeid på markagarden Vaulen på Nordmarka førstkomande helg. Det skjer ei helg i august kvart år, og er med på å halde slåttemarka rundt husa i hevd og tek vare på kulturlandskapet. Det er anledning å møte opp både lørdag og søndag. Båtskyss kan ordnes frå Solåsvatnet og Krokvatnet kl 08.30 begge dager. Det er fint om dei som eventuelt møter opp tar kontakt med Even Sande tlf 90035895.

I helga har Svanhild Hogstad (Steinarstua) utstilling og salg av Fuchsia på Todalshytta. Ho starta laurdag, og skal fortsette søndag. Det var mange som var innom for å sjå den imponerande utstillinga av Fuchsia, og mange var nok interessert i å kjøpe. Svanhild fortel at det finns eit førtital variantar av Fuchsia, ho viste da også mange forskjellige variantar og storleikar i utstillinga. Dei største var eit par meter høge og var rundt 10 år gamle.

Etter ein relativt bra sesong for laksefiske i Toåa, har det den siste veka vore heller svakt fiske både for laks- og sjøaure. Det er bra vassføring i elva, men om det er temperaturen eller om det har andre årsaker strides dei lærde om. Men Erik Greger frå Knatter i Nord-Odal har stått tyrufast i elva, og vi slo av ein prat med han ilaurdag ettermiddag.

I ettermiddag har Søya-Todalen-Kvass/Ulvungen J13 møtt Bergen Nord/Hovding i semifinalen i B-sluttspelet på Ekebergsletta. Tross i stor optimisme og kampvilje vart Bergen Nord/Hovding for sterke i semifinalen, og kampen endte med tap 1-3. Mari Gjul utlignet for STKU like etter pause, men bergensjentene kom sterkt attende og vann fortjent. Men J13-jentene kan være stolte av resultatet dei har oppnådd under Norway Cup og vi er imponert over den store innsatsen og prestasjonen.

På grunn av regnvær og overvatn på Ekeberg er kampen som skulle gått torsdag kveld utsatt. J13-lagets kvartfinale B mot Lillestrøm er flytta til fredag kl 09.00. Så får vi håpe på betre tilhøve og full fart fredag. Vi ønskjer lykke til!