Forfattararkiv for

Føre helga fekk vi besøk av Martinus Ranheim her på aldersheimen. Han hadde med seg ferske eksemplar av Stangvik Historielag sitt årsskrift for 2011 som vi fekk. Takk for gåva! Martinus las om Stangvik rundt 1890 ut ifrå eit bilete og eit måleri. Teksta er skrive av Terje Ramsøy-Halle og vi fekk mykje historie rundt gardar, heimar og hus! Mange av oss var kjente med noko av stoffet, men fekk høre mykje nytt! Vi var lydhøre på Blåstua denne føremiddagen.

Til trekking av årets vinnar av sykkeltrimmen, har idrettslaga i Todalen, Søya, Bøfjorden, Øvre og Nedre Surnadal levert sine lister til Folkehelsekoordinatoren i Surnadal kommune. Vinnaren i år er Brit Hansen, som var registrert på ei liste frå Søya idrettslag. Ho fekk eit gåvekort frå Helse og Familieeininga i kommunen, til bruk på Intersport, pålydande kr.5.000, skriv Surnadal kommune på si heimeside.

Det er nok mange som lurar på kva som skal skje i Viastua, der det er stor byggjeverksemd med utgraving og støyping av store grunnmurar etter kvart. Det er Ola som satsar på ei framtid som mjølkeprodusent, og no utvider han fjøset med ca 500 m2. Det skal bli plass til nærare 50 mjølekyr, og mjølkerobot til rundt 1,5 mill. kroner er allereie på plass og teken i bruk. Ola er ikkje redd for å satse, for han seier at det er heilt sikkert at vi treng mat i framtida også. Innan 2050 må verda doble matproduksjonen dersom det skal bli nok til alle. Noko av dette skal produserast på Kvennset!

Tone Søyset Døving torsdag kveld den nye singel-CD’n «Julenatt – Julesanger fra Nordmøre». Det skjer i Surnadal kulturhus kl 19:00, der det blir ein liten konsert med gratis inngang. Da blir det også høve til å kjøpe plata, og få den signert – ei høveleg julegåve til den som har alt! Julenatt inneheld 2 juleklasikarar; «Mitt hjerte alltid vanker» og «Juleverset», samt den nye songen «Måneskinn».

For ein måndads tid sia hadde todalen.no er lita sak om om Johan K. som flådde og reinska sauhau, som seinare skulle bli ein delikatesse til middagsbordet. Han ga da sterke signal om at det skulle kome ein ivitasjon til å småke denne delikatessen. Invitasjonen kom i helga, og søndag ettermiddag var det klart for middag med sauhau som meny. Etter at sauhaua hadde koka vel og lenge var det klart for servering, saman med potet, gulrot og kålrabistappe og sjølvsagt tilhørande sauefeitt. Og det var godt!

I TV-serien «Hunder i arbeid» på TV-Norge er det i kveld kl 19.30 ettersøksjakt som er tema. Opptak til denne serien er gjort i Rodal og Engdal, der Storli Jaktlag driver jakt etter hjort og elg, fortel Ragnar Halle som er jaktsjef i Storli jaktlag. Kanskje blir det todalingar å sjå på skjermen også?

Klubben i mitt hjerte 2011 arrangeres av Norges Idrettsforbund, Nordea, P4 og Dagbladet, og her har du anledning til å være med å stemme frem din klubb, og det er muligheter for å vinne sportsutstyr for store verdier. «Stemmelokalet» åpent på Dagbladet.no fra kl.00.01 lørdag 12.november, og her kan du stemme helt til kl.12.00 fredag 25.november. Her kan du enkelt gi din stemme til Todalen I.L.

Laurdag 19. november arrangerer Indre Nordmøre Forsvarsforening temadag om beredskap i Sanitetshuset. Det å være i beredskap handlar om å være forberedt, og ledar i INF Olav Jostein Holten fortel at årets temamøte er lagt til Todalen denne gongen. Til foredragshaldar har dei fått Anne-Lise Johnsen frå Eide til å kome til Todalen for å orientere om beredskap.

Avslutningskveld for spillere, trenere og foreldre i Todalen Ungdomshus onsdag 23. november kl 19.30. Foruten mat og drikke, blir det utdeling av diplomer og premier, heder og ære, pokaler til toppscorer og «årets spiller», samt visning av en film fra årets sesong!

I natt har temperaturen har det vore godt under nullen. Den lågaste minimumsterperaturen vi har fått rapport om i morgontimane er mellom 5 og 6 kuldegrader på Kvennset. Den rå skodda vi opplevde i går kveld har nok dekorert både tre, hus og anna ting i løpet av natta i kombinasjonen med nattfrosten. Det er sikkert mange som har vore ute med kamera i dag, og vi tek gjerne mot slike bilde dersom vi får dem i e-postboksen vår i løpet av dagen. Vår e-postadresse er red@todalen.no.

På vårparten overtok Talgø Invest AS som majoritetseigar i Bindalsbruket på Terråk. Bindalsbruket produserer Trenor dører, og marknadsfører inner- og ytterdører gjennom byggvarebutikkar over heile landet. Arne Rudningen som har vore innkjøpssjef hos Talgø, tok over som dagleg leiar for Bindalbruket og er no godt i gang med snuoperasjonen ved bedrifta. Han fortel at denne prosessen har gått etter plana, og at det no er ei veldig fin utvikling ved bedrifta.

Bygdebokkontoret etterlyser skjema frå utflyttarar. Bygdebokkontoret i Surnadal har i løpet av året sendt ut ganske mange spørjeskjema til utflyttarar frå Todalen og Stangvik. En god del har kome tilbake i utfylt stand, men det er også mange som enno ikkje har fylt ut skjemaet sitt. Har du eit slikt uutfylt skjema liggjande, ber vi deg no så fint vi kan om å leite det fram og fylle det ut. Send det deretter til bygdebokkontoret.