Forfattararkiv for

Torsdag var det Lucia-dagen, og det har nok vore markert mange plassar. Slik også i Todalen oppvekstsenter, der 2. klassen gjekk Lucia med lys og stjernegutar og song for alle klassane og rektor på skulen.

Adventstreff på Stangvik Aldersheim denne veka. Pårørande og gjester frå kommunen og legesenteret var inviterte og på plass. Flotte ungar frå Stangvik; Oda, Johanne, Mette, Trym og Håkon, song, dansa og kosa seg i lag med oss. Vårt kjære husorkester, Guri og Lars frå Vang, gledde oss med tonar til julesongane og fleire lydarslåttar.

Salget av royalbehandla furuprodukt har teke av skikkeleg for Talgøselskapet MøreTre. MøreRoyal har vorte eit merkenamn som blir lagt merke til og som alle kjenner til som driv med byggeverksemd. På eit par år er salget fleirdobla, og no investerer Talgø nærare 40 millionar i nytt bygg og nytt produksjonsutstyr. Tysdag kom båten til Surnadal hamn med rundt 200 tonn med utstyr til det nye royalanlegget.

Søndag 16. desember kl 15.00 inviterer Todalskoret til julekantate i Todalen kyrkje. Den har dei kalla «I denne søte Juletid», og den er eit samarbeid mellom Todalskoret, Åsskard kyrkjekor og BareBarokkBandet. Der blir det altså kantate, julesongar og det blir rikeleg høve til å ta del i allsongen.

Jon Bruset er på trimtur til Storhaugen rett som det er. I dag hadde det nyleg vore besøk på trimposten da han kom dit, da det var ferske gaupespor i snøen. Mikkel rev hadde også visitert trimposten, men fara etter han blir litt puslete samanlikna med gaupespora. Vi har fått mange meldingar om observasjon av gaupe dei siste åra, så vi kan vel rekne med at den har vorte «fastbuande» i Todalsnaturen.

Å treffe jerven når ein er til fjells er ikkje lengen den store sensasjonen, og observasjonar av jervspor har nærast vorte dagligdags. Ola Bruset tok søndag ein ettermiddagstur til Brusetsetra, og der trefte han jerven. Han fortel at det var generelt lite spor å sjå på turen opp lia etter turistlina, men vel oppe på Tårnet kunne han sjå at det hadde vore eit yrande liv i høgda. Der var det spor etter både hjort og elg, i tillegg var det og spor etter oter, mår og to jervar.

Deltakarar frå Surnadal folkedanslag besøkjer om lag kvar 6. veke Stangvik aldersheim, og den 4. desember var dei der på førejulsbesøk. Som vanleg vart vi godt mottekne, og snart ljoma gammeldansmusikken gjennom rommet, og dansen var i full gang.

Et 20-talls personer hadde funnet veien til Nordvik forsamlingshus for å overvære underholdningskvelden med musikkorpset Blæst`n onsdag den 5. desember. Etter at Eva Tørset hadde introdusert korpset kom høydepunktene slag i slag. De startet med en vals som heter Kveld i Trollheimen, deretter Norwegian Sunset fra Flåklypa, Ut på tur, Tanta til Beate og Bred dina vida vingar. Jan Sturla Jensvold trakterte trekkspillet da (Blæstn`s Blandakor) framførte Trondheimsnatt, og (Blæstn`s jubelkor) fulgte deretter med Voi voi med tillegg av Magne Lillegård på slagverk. Etter applausen å bedømme var det tydelig at de to sistnevnte falt godt i smak blant publikum.

Todalen Historielag har alt starta arbeidet med årsskriftet for neste år. Eit tema som vik bli i fokus i neste årsskrift er gamle kjørty, – bilar, traktorar og motorsyklar. Historielaget vil i samband med dette etterlyse gamle bilete av slike kjørety frå Todalen, som vi kan skanne og bruke i årsskriftet.

Etter langtidsvarselet på yr.no blir det kaldvêr heile veka, og langt uti neste veke. Etter meldingane blir det kaldast torsdag, da det meldes om -12 grader. Det har og vore kaldt i helga, med temperaturar rundt -10 til -12 grader. Natt til måndag var det minimumstemperatur på -12,9 grader på Skogly, og dermed den kaldaste natta hittil i vinter. Men den rekorden står kanskje for fall i løpet av veka.

Heilt sia Svinviktunnelen vart bygd i 2002 har det vore problem med stein og lausmasse som har kome ned i vegbanen frå skjæringa på oversida av vegen. Det har tidlegare vore gjort minst 2 iherdig forsøk på å ordne opp i dette, utan at det har lykkast. I haust har det ved fleire høve vore stein i kjørebanen, men det har enno ikkje skjedd noko skade på bilar eller trafikkantar så lagt vi kjenner til. Da vi hadde ei åtvaring på Todalen.no den 19. november vart det imidlertid fart på sakene, og Statens vegvesen sette prioritering på saka etter påtrykk via Surnadal kommune.