Forfattararkiv for

Gurispelet er nok hovudattraksjonen på Smøla om sommaren. No er det nok travle tider i Gurisentret, med førebuingar til årets arrangement som har premiere torsdag 18. juli. I år er det 4. forestillingar, og dei rundar av med siste forestilling søndag 21. juli. Dersom du har tenkt å få med deg årets Gurispel er det nok høg […]

Snøsmeltinga var på det næraste ferdig før laksefisket starta i Toåa. Lite nedbør og dermed lita vassføring i Toåa har nok bremsa laksefisket så langt i sesongen. Det siste døgnet har det regna jamt, og vassføringa er no på veg opp. Vêrmeldinga på yr.no spår meir regn utover veka, og det er no håp om at laksen finn vegen opp i Toåa, seier ledar i Todalen elveeigarlag Ola Bruset.

På ein tung og grå regnvêrsdag høver det godt med eit innslag frå den store verden, eller nærare bestemt frå Sjøgata i Mosjøen. Mosjøen er eldste byen i Nordland, og Sjøgata er som eit levande museum. Sjøgata er heilt unik, og her har dei klart å ta vare på miljøet og dei gamle trehusa samtidig som dei har klart å halde gata levande. Absolutt verdt å ta ein avstikkar dit dersom du er på traktene.

På tysdagar er det «bailldag» på Todalshytta. Sist tysdag var etterspørselen større enn forventa, og da måtte vi desverre seie nei til dei siste kundane, fortel Åse Grydeland Øyen. Ho er vertinne på Todalshytta på 11. året, og i løpet av disse åra er det berre 2-3 gong ho har gått heilt tom for ball. Komande tysdag reknar vi med at ho tek høgde for både nye og gamle baillkundar, og kokar i storkjelen.

Du kan skaffe deg mange rare hobbyar, men felles for alle hobbyar er at dei skal være artige å halde på med. Anders Hovde har funne sin hobby – nemleg tjærebrenning. Lokkarbekken ligg ved Middagshjellen på 800 meters høgde, ovafor Jenstad. For å kome dit må du først køyre til Gjøra og ta av mot fjellgardane. Vidare køyrer du opp til Jenstad, og fortsett etter bomvegen opp bratte bakkar til Middagshjellen. Her ved indre Lokkarbekken har Anders Hovde funne sitt paradis, der han driv tjærebrenning på hobbybasis.

Pensjonistgruppa i Fellesforbundet i Rindal var måndag på kulturcruise til Todalen.  På programmet hadde dei omvisning på Talgøs utstillingssenter i Brusetmarka, og  presentasjon av Talgøskonsernets 114-årige historie.  Vidare var ruta lagt til Kårvatn med ein kort stopp, og så middag med «kjøtt og påsse» på Todalshytta. Eit trettital pensjonistar frå Rindal og Surnadal deltok i […]

Det blir ein travel sommar for Ola Kvendset. Etter at snekkarane gjorde seg ferdig med nyfjøset i forrige veke, er det no full guffe med kalving i tida framover. To kalvar kom til verden i dag, og i resten av juli er det venta 14 kalvar til, og i august er det venta heile 20 nye kalvar. For kalvane er det også ein tøff kvardag, for dei kjem direkte til opplæring i å drikke frå bytte.

Ein fin avstikkar frå RV70 på tur gjennom Sunndalen, er turen opp til Åmotan og vidare utover til Vangshaugen. Laurdag vart denne turen sett på prøve i finvêret, og vi enda opp med uteservering av bacalao på KNT Vangshaugen. Med sol frå blå himmel og temperaturar godt over 20 grader vart det ein kjempefin dag.

Det blir open pub på Pakkhuset Kro laurdag 6. juli, med servering frå kl 21.00 og utover.

Todalsdagen var det fotball frå morgon til kveld, og vi har vist mange bilder derfrå gjennom våre reportasjar. Georg Aune i Rindal har filma eit par kampar, og har redigert film frå eit par kampar som han har sendt oss. det er første kamp i gruppespelet mellom Rindal og Molde og semifinalen mellom Rindal og Melhus.

Torsdag var det kaffelag og ferieavslutning på Talgø. Da vart det også markert at Anders Todalshaug går over i pensjonistenes rekkjer, med gåve frå Talgø Møbelfabrikk og blomsterhelsing frå alle tilsette. Anders hadde sin siste ordinære arbeidsdag denne veka, og blir formelt AFP-pensjonist frå 1. august.

Det er no sett fart på arbeidet med å få ferdig det nye treningssentret. Det blir i dei gamle lokala til Posten (-og før det BP’n), men i tillegg er lokala utvida med det arealet som var garasje bak postkontoret. Gunnar Nordvik og Lars Kvendset er i full gang med å sette inn nye vidauge i lokala, og i tilleg skal dei gjera klar og isolere taket og lekte ut for å legge panel på veggane. Resten av arbeidet blir dugnadsarbeid.