Vi fann 7209 artiklar i dette arkivet.
Godt føre ga god fart under dagens Norgescup i randonee på Kårvatn, men ingen kunne true Olav Bakketun Tronvoll i sporet opp til toppen av Tydalsnebba. Tronvoll var i tet heilt frå starten og forbi alle meldestasjonane oppover mot toppen. Dit brukte 1:21:16 og så bruka han 6minutt og 19 sekund på turen ned lia og i mål. Beste tid frå toppen og ned var det Martin bartnes som hadde, med 6:04 – han kom på 3.-plass i dagens konkurranse og var 6.38 etter i mål.
Fredag tok vi tempen på Kårvatn, arena for helgas NorgesCup i randonee. Her var alt under kontroll, både på butikken til Kårvatn Fjellustyr, på start og målområdet som ligg på bekkøya ved dalahaugen og mannskapet på som var i fjellet som vi hadde kontakt med pr telefon. Det er bra med snø – ein stor halvmeter på flat mark – både i start og målområdet, i Dalalia og i fjellet. Kort og godt fine forhold både for løparane og for publikum. Laurdag er det meldt sol og finvêr…..
Tidlegare i veka hadde vi ei sak om sanitetskvinnene i Todalen som produserte fastelavensris til aksjonen no i helga. Fredag og laurdag er dei på plass på «torget» på Matkroken L. Hals med både fastelavensris og eit flott fastelavenstre på vegkanten framfor butikken.
Den siste veka har det sjølvsagt vore knytta stor spenning til helgavêret. Regnvêret har trua heile Norgescup-arrangementet som går av stabelen på Kårvatn i helga. No ser det ut til at vêrgudane er komne på andre tankar, og etter vermeldingane på yr.no kan arrangementet bli den reinaste skifesta i Dalalia og oppover mot Tydalsnebba. Fredag blir løypa merka opp og kontrollert med tanke på eventuell rasfare. Laurdag er det klart til start!
Stangvik Jentekor har såvidt starta øvinga, og med roller frå «Kardemomme By» og «Hakkebakkeskogen» satsar Stangvik Jentekor på Egner-program denne våren. Øvingane er enno i startfasen – og det er plass til fleire aktørar til å bli med, fortel Bernt Bøe.
Denne helga går «Søndagsturen» til Vang skistadion på Kvanne (I tidsrommet 12-15). Denne turen passar spesielt godt for småbarnsfamiliar, men det er mange tilbud både til liten og stor. Du kan ta med ski og bruke løypene eller ta ein tur i skogen. Du finn også høvelege akebakkar dersom du heller vil det – eller du kan ta med barnevogn og ta ein luftetur i nærområdet til løyper og
Er du nyinnflytta til Surnadal kommune, så er det kanskje lurt å bli med på treff for nyinnflytta på Surnadal folkebibliotek på kulturhuset. Det skjer torsdag 12. februar, og da vil Øystein Hjelle Bondhus fortelje om kva aktivitetar Surnadal Idrettslag og andre idrettslag i kommunen driv med.
I dag skriv vi 10. februar, og ein skulle tru at det på denne tida var full vinter og godt med snø. Men slik er det ikkje – det er bar mark, med berre litt som ligg att på åker og eng. Jon Bruset har sendt oss 4 bilder, der motivet er Todalen – frå Storhaugen og nedover bygda. Alle bileta er tekne den 10. februar i tidsrommet 2010 – 2015. Han manglar 2012 og 2013, men da var det kanskje ikkje fotovêr av ein eller anna grunn.
Fastelavn nærmar seg no med stormskritt, men det er sanitetskvinnene godt forebudd på. Søndag trossa dei regnvêret og dro til skogs for å finne bjørkeris, og måndag var ein gjeng samla i Sanitetshuset for å lage bukettar – pynta med fargerike fjær og NKS-logo. Fredag og laurdag er dei på plass på Matkroken for å selge fastelavnbukettar for ein 50-lapp.
I morgon er du invitert til søndagstur i Halsa, eller nærare bestemt til bålkos ved Kaldbergvatnet. Opplegget er parkering ved Bårdset og fottur opp til Kaldsbegsvatnet – ein lett og fin familietur på ca 2 km etter skogsveg, – og ein tur som alle kan delta på.
Fredag var det mykje feiring i Todalen oppvekstsenter. For det første var det samefolkets dag – samenes nasjonaldag – det vart markert både med film og song i amfiet i gangen. Her var alle – både skuleelevane og barnehageborna – samla for å markere dagen. I tillegg feira dei at sola kom att til skulen […]
Torsdag kveld var redaksjonen på på skikkeleg utror for ein gongs skuld. Turen gikk på speilhålka til Budal like ved Støren, og hovudærendet var å besøkje budal.net som jobber med å etablere, eller rettar sagt revitalisere nettsida dei har i dag. Dit var vi invitert for å fortelje om Todalen.no, og korleis vi jobba for å halde nettsida aktuell «kvar einaste dag» som er vårt slagord.