Foto: Jo Gjeldnes
Hopp under nyhetssakene

Fastelavnsris på gang….

Jon Olav Ørsal Måndag 9. februar 2015

Fastelavn nærmar seg no med stormskritt, men det er sanitetskvinnene godt forebudd på. Søndag trossa dei regnvêret og dro til skogs for å finne bjørkeris, og måndag var ein gjeng samla i Sanitetshuset for å lage bukettar – pynta med fargerike fjær og NKS-logo. Fredag og laurdag er dei på plass på Matkroken for å selge fastelavnbukettar for ein 50-lapp.

fastelaven_sanitetskvinner_3388

Produksjonslinje for fastelavnsris: Frå venstre Karit Kvendset, Liv Larsen, Åse V. Redalen, Jenny Kvendset, Sigrun Ørsal og Marit S. Søyset. Foto: Jon Olav Ørsal

Inntekta går sjølvsagt til drift av det lokale laget og litt til NSK sentralt for fjær og logomerker. Da Todalen.no var innom Sanitetshuset var dei godt i gang med produksjon av bukettar av bjørkeriset, og det foregikk ved langbordet – på rekkje og rad. Eldst i produkjonslinja var Jenny Kvendset, som i år er 94 år. Men det såg ikkje ut som alderen hemma produksjonstakten akkurat.

JennyKvendset_3403

Jenny Kvendset (94) produserer fastelavnsris med vante fingrar. Foto: Jon Olav Ørsal

Sog sagt er det salg på Matkroken førstkomande fredag og laurdag i opningstida til butikken, og da er det berre å stikke innom og kjøpe ein flott og fargerik bukett for ein 50-lapp – så er du med og støttar arbeidet til Todalen sanitetsforening!

SigrunOrsal_3393

Sigrun Ørsal med ferdig bukett – med fjærpynt og NKS-logo. Foto: Jon Olav Ørsal

Publisert: 9. februar 2015, 20:12