Vi fann 7212 artiklar i dette arkivet.
Frå måndag 5. oktober justerer Byggmakker Surnadal og Hageland Surnadal sine opningstider. Byggmakker er på kvardagar open frå 07 – 17 og laurdag fra 09 – 15, medan Hageland på kvardagar er ope frå 09 – 17 og laurdagar i tidsrommet 09 – 15.
Det var jamn trafikk oppover Dalavegan i samband med salet på Kårvatn Fjellustyr. Dei fleste var nok utgått på handel, men det var også mange som kombinerte og nytta det fine haustvêret til å ta seg ein tur til Nauståfossen eller oppover lia til Naustådalen. På «låven» hos Kårvatn fjellutstyr var det i allfall mange kundar som var ute etter ein go’handel på klær eller skiutstyr, som fortsett både søndag og heile neste veke.
Torsdag 1. oktober besøkte stavganggruppa i Surnadal Pensjonistlag bunkerane ved Røsmoen på Skei. Vi startar ved Coop Extra på Skei og går eit stykke i retning det gamle Svorka-bygget før vi svingar ned mot Røsmoen, forbi Stykket, heimplassen til Hans Hyldbakk, og dreier opp mot bunkerane.
Som ei oppsummering på sesongen som er ferdig må eg tilstå at eg er litt misfornøgd med sommarvêret vi har hatt i år – spesielt når vi samanliknar med sommaren som var i fjor. Det har medført at vi har stor nedgang i talet på fotturistar og drop-in-gjestar, men lyspunkta har vært laksefiskarane og konsertane.
Hos Laila og gjengen på Kårvatn Fjellutstyr er sommaren definitivt slutt – no ryddar dei bytikken og lagar eit skikkeleg haustsal. Sjølv om det enno kan bli mange fine haustdagar så ordnar dei seg på ein ny vintersesong. Laurdag og søndag startar haustsalet og det varer heile neste veke fram til laurdag 10. oktober, og Laila reknar med at det blir mykje folk – for ho har mykje fine varer å by på – og gir opptil 80% avslag på enkelte varer!
Den siste tida har det vore jobba med tilrettelegging for bustad- og hyttefelt i området Øygarden på Nordvik. No er planane komen så langt at det er varsla start i planarbeidet for bustadfelt med 15 tomter, hyttefelt for 20 tomter, småbåthamn for 50-60 båter og eit areal for næringsbygg i det same området.
Laurdag opna Surnadal kunstforening «Utstilling ved lauvfall» i Surnadal kulturhus. Det er i år 11. gong dei arrangerer haustutstilling, og det var stor interesse og mykje folk som kom på opninga. I år er det to todalingar som har bilder med på «Lauvfall» – Sissel Halset Storslett har to og Reidar Østvik har ett bilde som har sluppet gjennom nålauge.
Kristoffer var dagens mann på Talgø og Kårvatn jaktlag da han felte ei 11-spiring under jakta søndag. Det skjedde i Skrøåsvalia, utafor Storsvaet i retning Talgønebba, og Kristoffer fikk tak på kronhjorten under jaginga. Ein hjort til vart observert under jaginga, med den glapp forbi jagarane.
Vi går mot slutten av september, og får stadig fleire tegn på at hausten er her, og ein ny vinter er i anmarsj. Laurdag morgon var det atter nysnø i fjella, og lauvskogen har fått litt gulfarge – og tida er nok komen ettersom vi hadde haustjamndøgn sist onsdag. Denne veka kom også vegstikkene på plass langs vegkanten….
Torsdag 24. september drog stavganggruppa i Surnadal Pensjonistlag til Flessen. Her vart vi godt mottekne av Ole Flessen, som fortalde om plassen og stadene rundt. Fint vêr hadde vi heile dagen, men på grunn av gravearbeid kom vi oss ikkje så langt at vi kunne sjå heilt ned i Båtvika. Trist at vi ikkje kunne få visa fram denne fine plassen nedmed fjorden!
Både fredag og laurdag denne veka , og neste veke, driv Todalen sanitetsforening førehandssal av lodd på Matkroken Todalen. Søndag 4. oktober er det basar og trekkjing, fortel Kari Kvendset. Ho har fellesliste der alle gevinstane er med og kvart lodd kostar kr 50. Folk er dyktige til å støtte oss, og vi kan rapportere […]
Lokalt vart det samla inn kroner 111.805 til Demensaksjonen 2015, – og det er ny rekord for Surnadal kommune, fortel leiar Liv Botten i Surnadal demensforening og helselag. Ho nyttar høvet til å takke alle givarar, bøssebærarar for det flotte resultatet.