Vi fann 7054 artiklar i dette arkivet.
Torsdag den 13. august var stavganggruppa i Surnadal Pensjonistlag på tur til Koia, hytta til Olina Halle ved Tovatna i Storlidalen. Vi startar frå kulturhuset på Skei, og i strålande sol med Sverre Kjølstad ved rattet ber det mot Kvenna og over fjorden, og om ikkje lenge er vi på rasteplassen på Gjøra der vi tek ein kafferast. På Lønset stig Harald Storli på minibussen, og på heile turen fram til hytta fortel han interessante historier og om alt vi ser.
Sandkaia i Sissigrenda er ikkje akkurat den travlaste hamna til kvardags, men fredag føremiddag låg MS Freifjord der for å losse singel og sand til Gjeldnes Maskin. MS Freifjord kom frå Herøy på Sunnmøre, og var lasta med 1050 tonn med knusagrus og singel, fortalte Per E. Gjeldnes, som kjørte grusen over på depoet som […]
Laurdag kveld kl 24 er det definitivt slutt på årets fiskesesong i Toåa. Første veka var det labert, men i resten av sesongen har det vore bra fiske, fortel leiar i Todalen elveeigarlag Ola Bruset til Todalen.no. Det har spesielt vore bra med små- og mellomstor laks, og laksefiskarane har vore godt nøgd med årets resultat.
Søndag 16. august kl 19.30 er det klart for Sommerkonsert i Stangvik kirke. Det er Magnhild Frydenlund Brøske på piano og Marie Guillot på fløyte som byr på variert musikk fra 1900-tallet.
Fra Paris til Stangvik – Begge musikerne har sin avsluttende musikkutdannelse fra musikkonservatorium i Paris. Magnhild, som er fra Stangvik, er utdanna pianist fra Griegakademiet i Bergen med professor Audun Kayser som lærer. Deretter fulgte 3 år med klassisk piano ved Conservatoire National Regional de Versailles og professor Francois Chaplin.
Langtidsvarslet på yr.no viser endeleg at det er sommartemperaturar på gang, med temperaturar som viser oss 20-talet. I avisa blar vi opp heilsides annonse for Hageland – med nettopp sommarsalg på både hagemøblar, sommarblomster og grønplanter med store rabattar. Ein telefon til May Britt Dyrli, som er dagleg leiar for Talgøbutikkane bekreftar at det no går mot slutten for sommarsesongen på Hageland. – Ho fortel at på tross av at det har vore ein dårleg og kald sommar over heile landet, så har dei klart seg bra.
Har du sett den gule septikbilen – snart er han nok på tur til deg. Robin Sørland og Simon Osvold Surnde skal nemleg innom kvar einaste septiktank i Todalen og tømme for faststoff. Dersom du må grave fram lokket så begynner det å haste no – og er ikkje tanklokket gravd fram så blir det nok ein ekstra kostnad dersom det blir ekstratur!
Valkampen er forlengst i gang, og tysdag var det besøk frå «Youngstorget» i Todalen. Da var nemleg Anniken Huitfeldt på besøk i Viastua, saman med ordførar Lilly Gunn Nyheim samt politikarar og bondelagsleiarar både frå eigen kommune og frå nabokommunane på begge sider av fjorden. Tema for dagen var landbrukspolitikken. Ola Kvendset som nyleg har teke over heimgarden Viastua, var saman med kårfolket Gudmund og Wenche Kvendset vertskap for følget, og det vart servert graut og bakels til kaffen på terrassen i gardstunet.
Denne veka vart det lagt spilder nytt tak på Naustådalssetra – tida var koma for det no. – Dei gamle konstruksjonane hadde gjort nytta gjennom mange generasjonar og etterkvart kom det også litt fukt inn. Og når taket ikkje er tett så blir det utriveleg for både hus og folk. Så i år vart bestemt at det måtte takast eit tak, fortel Gudmund Kårvatn.
– Ein fantastisk tur, seier Marit Hagen frå Hamar som torsdag 6. august gjekk tur retur Bjøråskaret i det flotte sommarveret vi opplevde. Ho har gjennom mange år hadde ein draum om å koma dit ein gong i livet for å finna att eit spesielt motiv som hennar far tok bilete av. På besøk i Todalen fekk ho endeleg dette ønsket oppfylt. Men det krevde stor innsats av ein som er 75 år og ikkje går turar i fjellet kvar dag.
Eigedommen Byteng Gnr 143 Bnr 13 er lagt ut for muleg sal. Eigedommen ligg i privat bustadfelt i Øyagrenda, og er bygd i 1981 og er oppført i 1 etasje og har full kjellar. Byteng er bygd på sjølveigartomt på 1121 m2 og består av bustadhus med bruttoareal på 137 m2 og tilhørande garasje bygd 1985, med bruttoareal 32 m2.
Torsdag den 6. august var stavganggruppa i Surnadal Pensjonistlag på tur til Sjøasetervatnet. Tor Magne Halset hadde ordna med skyss, og han var sjølv sjåfør på bussen og fortalde heile vegen om plassane vi køyrde forbi, ma. om fiske i Karlvika og om opphavet til Eilertholet.
Laurdag er det gubbetrim igjen, og no intensiverer vi oppkjøringa til returkampen mot Bøfjorden, melder Ivar Helge Kvendset i TILs trimgruppe. Trening foregår på Bordholmen frå kl 12.00 og utover.