Vi fann 7179 artiklar i dette arkivet.
Todalen sokneråde har programmet klart for vinteren og våren 2016. Det startar med høgmesse i Todalen kyrkje søndag 24. januar, men høgdepunkta i programmet er nok friluftsgudstenesta på Haugligardane 2. påskedag og konfirmasjonsgudstenesta på frigjeringsdagen 8. mai. Heile programmet kan du laste ned som PDF-dokument her.
I april gjorde SNO uttak av ein skadejerv i nærleiken av Todalen. No har dei fått analysert alle Dna-spor som er henta inn i form av skit, hår, vev etc og da viser det seg at dei har samla prøvar frå eit vidt område for denne jerven som har følgjande identitet i SNOs ruller: JI403047, Ind 3521. På kartet kan du sjå kvar dna-spora er registrert.
13. og 14. februar inviterer Todalen idrettslag og Norges Skiforbund til NM i Randonee i Todalen. Da ventar vi heile norgeseliten til Todalen for å delta, seier rennleiar Nils Ove Bruset, som fortel at arrangementet skal gå i Dalalia ved Kårvatn. Det er lite som minner om skirenn i Dalalia i dag, men vi har god tru på at det skal bli nok snø i løpet dei komande 5 vekene, seier Bruset. Laurdag er det NM individuelt for alle klassar, medan det søndag blir randoneecup vertikal. No er program og invitasjon klar….
Laurdag var det første strikkekafè i Sanitetshuset på nyåret. Sjølv om det var 15 kalde på gradstokken ute, var det godt og varmt i møterommet i Sanitetshuset, og strikkepinnane gikk jamnt og trutt attåt praten rundt borda. Sidan i fjorhaust har det våre omtanken for flyktningane som har vore drivkrafta for sanitetsdamene i Todalen. Rett […]
I skrivande stund er det 13,9 kuldegrader ute, og det ligg nok godt tilrette for at det kan bli enda kaldare i løpet av natta. Yr.no melder 10 kuldegrader for Todalen, både i natt og utover laurdagen. Så skal det bli litt mildare utover søndagen, men det er faktisk meld kaldvêr heile den komande 10-dagersperioden. Kl 20 i kveld var det -14,7 på gradstokken oppå Storfossen, medan det i Innerdalen er -16,6 grader – og det er sikkert andre plassar det er betydeleg kaldare i distriktet vårt?
Søndag kveld kl 19.30 startar sjakken på att etter juleferien i Kaffekroken. Sjakkgjengen satsar på annakvar søndagskveld også i det nye året, fortel pressetalsmann Trygve Halle. Han fortel at det er viktig å møte opp komande søndagskveld slik at ein får diskutert om det er interesse for å arrangere turnering utover vinteren og våren.
Onsdag kveld – 6. januar – held treningssentret Hett & Svett stengt for rundtvask frå kl 18.30 og utover kvelden, melder TILs trimgruppe. Dei reknar med å bli ferdige til rundt kl 20, så etterpå blir det ope for trening igjen. – Hett & Svett held til i bygget som tidlegare var bruka til postkontor ved sida av Matkroken Todalen.
TrondheimSolistene kjem til Surnadal kulturhus på fredag kl. 19 for å feire nok eit nyttår saman med nordmøringane. Kammerorkesteret har gjesta kulturhuset på Skei tolv gonger før og den årlege nyttårskonserten har vorte ein kjær tradisjon for mange på indre Nordmøre.
Med kuldegradene kom snøproduksjon i gang i Sæterlia. No får vi håpe at det blir kuldegrader nokre dagar, slik at snøkanonane får lagt eit grunnlag for å kome i gang med skiaktivitetar etter kvart. Etter yr.no å dømme er det meldt kuldegrader i heile 10-dagersperioden, med ein topp på 11-13 kuldegrader frå onsdag til fredag. Men det er ikkje meldt nedbør i denne perioden.
Surnadal Sparebank arrangerer næringslivsdag torsdag 14. januar i Surnadal kulturhus. Dei byr på ei rekkje interessante foredragshaldarar som bidreg til eit interessant og aktuelt program gjennom heile dagen. Den mest profilerte er nok Eva Joly, som er mest kjent for sin kamp mot korrupsjon og økonomisk kriminalitet – men vi får også høre lokale kjendisar..
Gubbetrimmen er klar for 2016-sesongen alt førstkomande måndag (4.1.), med oppmøte i gymsalen i skulen kl 20.00. Gamle og nye trimmarar er velkomne til å bli med oss inn i ein ny trimsesong – som alt er på plass i aktivitetkalenderen!
Per Gjeldnes – eller «Per gravar» i dagligtale – ante nok fred og ingen fare da han stakk innom Matkroken i dag. Nok feiring av 60-årsdagen hadde han ikkje lagt opp til, men Terje N. hadde ordna seg med både blautkaker og gåve. Dermed vart det feiring med kaffe og blautkake til ein fullsett kaffekrok og kanskje i overkant med styr og ståk etter jubilantens meining.