Forfattararkiv for

Årsmøte i Todalen Idrettslag blir halde i Todalen Ungdomshus torsdag 15. mars 2018 kl. 19:00, melder styret i laget. Den fullstendige saklista for årsmøtet er ikkje klar enno, men det blir vanlege årsmøtesaker og eventuelt innkomne saker. – Fullstendig saksliste blir tilgjengeleg frå seinast 8.mars. Innkomne saker må vera meldt til styret innan 1.mars.

Det er over halvmeteren med tele i vegbanen i Falla. Dette hindrar arbeidet med å ferdigstille vegarbeidet forbi Kufalla. Men no er arbeidet såpass ferdig, at det er opna for trafikk etter nyvegen på kveld og helg, når det ikkje er arbeid på anleggsstaden. men den trafikken går på eige ansvar, og med stor forsiktigheit.

I år er det 15. gong at Surnadal sparebank dreg i gang sin næringslivsdag. Jamt og trutt har talet på deltakarar auka på, og i år er det alt påmeldt 160 deltakarar – tre veker før næringslivsdagen blir arrangert tysdag 27 februar. I år bys det på eit interessant knippe foredragshaldarar, med Therese Johaug i spissen, og med Bente Krangnes Edvardsen som ny konferansier så ligg det an til ny suksess.

Anders Talgø og Terje Nordvik er initiativtakarar for å kome i gang att med sjakk på søndagskveldar. Det var gjort eit forsøk før jul, men da var det midt i førebuingane til jul og laber interesse. Komande søndagskveld kl 19:30 blir det gjort ein nytt forsøk – da må du som er interessert i sjakk måte opp dersom det skal bli noko meir.

Uttaket av masse i samband med utbetringa av vegen i Falla gir mykje overskotsmasse som kjem til nytte på fleire frontar. I fleire veker er det køyrt steinmasse til Nordvik, og denne veka blir det fylt opp på Kvennsetøran, like ved Talgøfabrikken. Det er mellom 1- og 2.000 m3 som skal fraktes hit, fortel Inge Skogheim, som er prosjektleiar for arbeidet.

Surnadal Golfklubb kaller inn til årsmøte på Thon hotell Vårsøg, mandag 26. februar kl 19:30. Vanlige årsmøtesaker – bla videre for å lese mer…

Styret i Surnadal Arbeiderparti kallar inn til årsmøte tysdag 20. februar kl 20:00.  Det skjer på Kantina på Surnadal sjukeheim, og på agendaen står vanlege årsmøtesaker og enkel servering.  Alle er velkomne til årsmøtet, melder styret.  

Laurdag kveld foregikk det flyging med drone i Husbygrenda. Men flygeturen gikk nok ikkje heilt etter plana, for drona hamna i eit tre – og vart hengande der. Drona kjempa for livet, for motorane gikk og det lyste i drona i fleire timar etter at ho krasjlanda i treet.

Laurdag stod I.L. Søya som arrangør av sonerenn på Vang Skiarena, og samla heile 76 deltakarar i dei yngste klassane. Arrangementet var velsigna med finvêr og som venta var det yngste klasse – 8 år og yngre som samla flest deltakarar med 48 som fullførte den 500 meter lange løypa.

Nytt år og tid for årsmøte, melder Surnadal Røde Kors, som har sendt ut innkalling til årsmøte for 2018. Det skjer i Røde Kors-huset på Bøvra måndag 12. februar kl 19.00.

Surnadal kino vil no vise film på fleire dagar og med eit betre utval enn før. Filmane om Per Fugelli og Winston Churchill er av dei som vil ha premiere i dei komande dagane.
Det vil, i alle fall ei tid framover, bli vist film fast på torsdag og laurdag. Og i tillegg vil det bli kino på dagtid. Som t.d. førstkomande måndag da filmen om Winston Churchill, «Darkest Hour», blir vist for første gong på kinoen. Filmen vil også bli vist måndag kveld og på andre dagar utover neste veke. Filmen er av dei som har fått flest nominasjonar til Oscar i år, m.a. som beste film og beste mannlege hovudrolle (Gary Oldman).

Til no er det køyrt ut rundt 6000 m3 med stein og anna masse frå anleggsområdet i Falla, seier Gudmund Ole Vatn til Todalen.no. – Vi trur at den siste salva er skoten i dag, og no står det att utkjøring av massen frå den siste salva. Muligens må vi skyte ut litt i botnen for å jamne ut litt, men det blir berre småtteri i tilfelle. Dermed skal det være klart for å opne for trafikk av større bilar i veke 6, og etter kvart vil da trafikken kome i gang att som normalt.