Forfattararkiv for

I dag starta Talgø lagersalet på Vintra. På det 20.000 m2 store lageret som fungerer som lager for alle Talgøselskapa, er det dei neste dagane gjort om til eit gigantisk lagersal, der restar av møbelseriar og utgåande modellar, hagemøblar, inner- og ytterdører og mykje anna lagt ut til eit gigantisk restesal som varer tre dagar til ende.

For Olaug Kvendset stod valet mellom å satse vidare eller å gi seg med mjølkeproduksjonen. Valet vart det siste, og heilt sia i fjorhaust har gardstunet på Utigard Kvendset vore prega av byggeverksemd. Frå påske har det vore full trøkk på fjøsbygginga, og mesta før telen var borte starta Hallvard jr, Aasmund og Asgeir med grunnarbeidet og riving av dei gamle tårnsiloane, fortel Olaug. Med dette arbeidet hadde dei god hjelp av Per Gjeldnes Maskin. – For å få plass til bygge saman det nye mjølkfjøset med det gamle fjøset, måtte også Lundebekken flyttast og leggast i rør.

Tyske turistar har ved eit uhell fått eit garn på kroken i Todalsfjorden ved Nordvik.  Dei søker no etter eigarmannen og beklagar sterkt at dei kom i skade for å dra opp garnet.  Det er inga merking på garnet, men dersom det er nokon som kjenner det att, så er det berre å ta kontakt […]

På grunn av alle helgedagane var stavgangturen flytta fra til onsdag – og da samla stavganggruppa seg ved Sjøleet på Nordvik, og stavgangturen gikk etter vegen utover forbi Sjøtrøa og til Haltbakkan før dei snudde nasen heimover igjen. På tilbaketuren var det ein lang og god kafferast i gapahuken til Magnar Gjeldnes, før turen gikk […]

På frigjeringsdagen 8. mai var det fleire veteranar frå tysklandsbrigaden som fekk si påskjønning. I etterkrigstida var det mange som gjorde teneste i ein av dei 12 tysklandsbrigadene som hadde som oppgåve å stabilisere forholda i Tyskland etter krigen. No var det altså tid for å markere dette med ei påskjønning for utført teneste i internasjonale operasjonar. Dette markeres med ei medalje som var innstifta i 2000. I tillegg vart veteranmedaljen for tysklandsbrigaden som vart innstifta i 1990 delt ut.

Rute 46 Kvanne – Rykkjem:  Sambandet var innstilt frå kl 11 i dag.   – No er det normal drift i sambandet, melder Fjord1 kl 13.41.

No er Vatn Maskinstasjon i gang med oppryddinga etter anleggsarbeidet som har pågått i Falla i vinter. No er det fritt for tele i området, og dermed er det gode forhold for å fullføre arbeidet, seier dagleg leiar Gudmund Ole Vatn i Vatn Maskinstasjon. Han ber om at trafikantane utviser forsiktigheit ved passering i området.

I dag var det full rulle for Rossåa Settesfisk med utsetting av smolt i Toåa. Før helga vart 1600 2-årig smolt sett ut, og tysdag var tyren komen for rundt 2000 1-årig yngel. No startar dei ei farefull ferd som skal ende langt uti havet. Mange av dei vil nok bukke under på turen, men nokre vil nok kome att som små eller store laksar.

Det ser kanskje dramatisk ut når det blir kalla inn til ekstraordinært årsmøte i Todalen i.L., men det er ingen dramatikk i dette, seier leiar Nils Ove Bruset. Det er to saker på agendaen, og begge vart utsett på det ordinære årsmøtet da det var ønske om ei grundigare førebuing av sakene. Det ekstraordinære årsmøtet er lagt til Todalen ungdomshus måndag 7. mai kl 20.

Laurdag tok Nordvikgardingane eit skippertak for å samle plastsøppel både i strandlina og langs vegen. Klokka 10 gikk startskotet, og det var rundt 20 deltakarar frå starten, men fleire kom til etter kvart.  Det var strandlina frå Svinvika og heilt utover til Mulneset som vart rydda i dag. Gjennom TV og andre media har det […]

Eit sikkert vårteikn er Sanitetskvinnenes sal av maiblomster. I dag var May Elisabeth Holten på plass utafor Matkroken, der ho bydde fram fleire typar maiblomster. På biletet er det Marit S. Søyset som er kunde og sikrar seg maiblomster både til bilen og til jakkeslaget.

Laurdag stakk vi innom Krigsminnesamlinga på Åsen, der det var dugnad på andre dagen. Det samles mykje rusk og rask i løpet av vinteren, og når vi blir fleire er det fort gjort å rydde etter vinteren. I maidagane er det og stor aktivitet både i Indre Nordmøre forsvarsforening og på Krigsminnesamlinga, fortel Olav Jostein Holten som er leiar i foreninga.