Vi fann 7176 artiklar i dette arkivet.
Torsdag kveld vart årsmøtet i Søya og Todalen Skytterlag avvikla på kantina på Talgø. Som venta var det ikkje noko stor forsamling, men dei var iallfall god og vel vedtaksføre, og da gikk årsmøtet fort unna. Raude tal i rekneskapet er kanskje ikkje noko godt teikn, men sjølv om rekneskapen viste ein liten minus, så er nok auke i ammunisjonslageret ei god forklaring på det.
Senioruniversitetet inviterer til møte i Kulturhuset i Surnadal onsdag 21. november kl 11:00. Denne gongen er det Baking som er temaet, og konditor Elin Anita Aasland vil kåsere om temaet: Baking – kunst- og handverkfag – eller industrifag?
I det nye årsskriftet som Todalen historielag skal presentere komande søndag er det mykje godt stoff. Årsskriftet startar med ein artikkel om Leif Halse og hans liv og virke, både som «far» til Vangsgutane, som bygdebokforfattar, musikar, idrettsmann og ikkje minst kulturberar. Vidare er det ein artikkel om Dalavegen, om dei 5 søstrene i Andersstua der 4 vart jordmor. Det fortsett med mjølkerampar og mjølkekjøring, både med lastebil og med hest og vogn. – Vi har kika litt i heftet og kan like godt konkludere med at det er litt for ein kvar smak.
Vi skal ikkje blande denne saken borti Ole Paus, men det er likevel mat som er vårt tema. Da vi såg kraftforbilen frå Røv Mølle i aktivitet med lossing i Viastua, var temaet klart. – Det var Arne Bergheim frå Røv Mølle som sørga for at Viastukyrne fikk påfyll med kraftfor i dag, og 7,5 tonn kraftfor, med ekstra mykje fiber, vart blåst oppi kraftforsiloen.
Torsdag 15. november kl 19.30 avviklar Søya og Todalen skytterlag sitt årsmøte på kantina på Talgø-fabrikken på Kvennset. Det er vanlege årsmøtesaker som står på saklista for årsmøtet, melder leiar Håvard Halset til Todalen.no
Laurdag 17. november kl 13.00 er det klart for opning av ustillinga «Haustlys 2018». Det skjer i Galleri Finstuå i Surnadal Kulturhus, der Styrkår Brørs er hovudutstillar i tillegg til 6 andre lokale utstillarar.
Søndag ettermiddag er det nytt bokslepp for Todalen historielag. Da er det klart for premiere for årsskriftet for 2018, som da er klart frå trykkeriet og dermed klart for utdeling og sal. Heilt nytt denne gongen er det at boksleppet skjer på Gammelfabrikken i Brusetmarka.
Trimmen på Landbrukshuset som hittil har vore på onsdager blir av praktiske grunnar flytta til torsdagar kl 11. frå komande torsdag 15. november, melder Surnadal pensjonistlag, Stavganggruppa. Bli med og fyll på med trim på dei innendørs trimaktivitetane gjennom vintersesongen, oppfordrar leiar Kristian Ranes.
Hausten er den travlaste tida for oppussing og fornying, og det var stor interesse for interiørkvelden som Byggmakker og Hageland arrangerte tysdag kveld. Det var rundt 150 interesserte som var møtt fram, og vart traktert med tacosuppe før programmet starta opp etterkvart. Måndag kveld kjørte Byggmakker same programmet på Bytås med stor suksess – over 100 møtte opp der og.
I går og i dag har det pågått arkeologiske utgravingar i Hallagrenda. På ekra nedafor Pilskaret – ikkje langt unna skulen – vart det gjort funn under utgraving av tomt til redskapshus. Det er først og fremst funn av 5 bålgroper som har vekt interesse, men det er også eit par steinrøyser er litt spesielle, fortel arkeologane Einar Kristensen og Susanne Busengdal som representerer fylkesarkeologen. Er det «urhallingen» dei er på sporet av?
Det var søstrene Jenny og Ingrid som laurdag presenterte notat- og diktboka som søstra Magny hadde ideen til. Magny gikk bort så alt for tidleg i 2016 – berre 48 år gamal. Men ho rakk å skrive feire dikt og hadde klekt ut ideen til å lage ei notatbok, der ho kunne publisere dikta ho hadde skrive. Venner og familie har teke på seg å realisere dette bokprosjektet, og no er boka her. Boka vart presentert under dagens bokslepp i Kaffekroken på matkroken i Todalen.
Laurdag ettermiddag var tida inne for å runde av sesongen for Start 4H med tradisjonell haustfest i gymsalen. Her kunne dei by på både underhaldning og traktering, og ikkje minst presentasjon av prosjektoppgåvene dei har jobba med den siste tida. Det er sjølvsagt artig og triveleg å invitere både familie og venner for stolt å vise fram utstillinga.