Vi fann 7039 artiklar i dette arkivet.
I kveld klarte Sindre Bruset å kvalifisere seg til svart belte i Taekwondo. Både Sindre sjølv, og trenaren hans Kjell Gunnar Polden, var veldig stolte etter prøven gjennomført. Sindre er sannsynleg vis den første todalingen som har klart krava til svart belte, og han har sist vinter gjort det bra i fleire konkurransar både nasjonalt […]
Det er nok mange som stundar etter å starte våronna i hagen no, men det har nok vêrgudane sett ein effektiv stoppar for den siste tida. Med nysnø på plena og kuldegrader om natta så er det lite som minner om hagestell, sjølv om Hageland Surnadal er ope alle dagar – søndagar inklusive for at du skal kunne drive i hagen. Søndagar er butikken open frå 12 til 17.
Rododendronblomstringa er godt i gang, og vi inviterer til foredrag om rododendron i kafèen med Ole Jonny Larsen, som mellom anna har gitt ut fleire bøker om temaet. Han vil gi eit «grunnkurs» i rododendron, og kallar foredraget «Rhododendron for dummies».
Kyrkjegardsdugnaden torsdag kveld var fort unnagjort. Mellom 40 og 50 kom for å delta på dugnaden, og med effektiv leiing var dugnaden ferdig i løpet av eit par timar. Da var kyrkjegarden og området rundt ferdig rydda og raka og det vart tid til ein lang kaffepause før alle dro kvar til sitt.
Hausten 2013 var alt klart for å opne Hett & Svett som er Todalen I.L. sitt treningssenter i dei gamle lokala til Todalen postkontor. Og jammen har det vore bruka, det bekreftar servicemannen frå Sportsmaster, Kjell Berge, som torsdag har gått gjennom og teke full service på alle apparata.
Laurdag opnar porten i Svinviks arboret for ein ny sommarsesong. Det er nok på tide, for dersom det kjem litt meir varme no, så blir det nok full rulle med rododendronblomstring i arboretet. Den kalde vêrtypen vi har hatt dei siste dagane har gjort at blomstringa nærast har stoppa opp – sist natt hadde vi kuldegrader i arboretet, fortalte Maja Frønes. Onsdag kveld var det dugnad i samarbeid med Surnadal Hagelag og med god deltaking var det fort gjort å rydde og rake rundt omkring i arboretet.
I Todalen har skuleborna lang tradisjon for å hjelpe til med plakatar for å marknadsføre 17. mai-feiringa. Det var det velvilje for i år også, så i dag har det vore storstila plakatproduksjon i skulen. Resultatet kan du sjå på biletet på framsida der heile gjengen har stilt opp for fotografering med kvar sin plakat.
Det er nok mange som har lurt på kva slags byggverk som har vakse fram på austre del av banen på Bordholmen. No er det nok alle som ser at det dreier seg om ein ballbinge, og den er bygd med tanke på Todalsdagen, fortel Knut Bergli i fotballgruppa. – Den blir nok eit populært supplement på Bordholmen som kan brukast heile sommarhalvåret.
Svinviks arboret og Surnadal Hagelag inviterer til den årlege vårdugnaden i arboretet førstkomande onsdag (8.mai) frå kl. 18.00. Bed og stiar skal ryddast og gjerast klar til opning den 11.mai. Etter endt arbeidsøkt blir det kaffe og ein matbit. Ta med egna redskap. Alle er velkomne på dugnad.
Måndag kveld hadde J11 Kvass/Ulvungen/Søya/Todalen sin første seriekamp på Bordholmen i år, og det var Surnadal 1 som var på besøk. Til tross for at det berre var nokre få varmegrader var det stor fotballglede og godt humør i gjengen som entra grasmatta på Bordholmen.
På grunn av snø/føretilhøva på kyrkjegarden er dugnaden som er tillyst i kveld utsett til torsdag 9. mai kl 17.30, melder soknerådet. Ta med høveleg reiskap og kom på dugnad, så får vi gje kyrkjegarden eit eit løft før sommaren tek tak.