Forfattararkiv for

No nærmar det seg julegrantenning på Holmen. Heile pålen ligg no i horisontalt vater og er klar til å bli heva. Vi har hatt Erling Talgø på telefon no i kveldinga, og han har god tru på at pålen kjem opp i løpet av morgondagen, men han seier at dette er ein krevjande jobb og at montørgjengen treng fred og ro for å få til dette.

Rute 46 Kvanne – Rykkjem: Sambandet blir midlertidig innstilt på grunn av tekniske problemer. Normal drift er gjenopprettet fra kl. 16:00, melder Fjord1.

Søndag 15 desember åpner «Stikk Ut Ski» for denne skisesongen, og Friluftsrådet, og skikretsen viderefører dette flotte skitur-tilbudet i hele fylket!
Det er over 20 kommuner, over 40 skiklubber, samt noen Skisentre og Løypelag, som er med på dette gode samarbeidet om å legge til rette for skiglade barn, unge og voksne!

Stangvik sokneråd minner om gudstenesta i Nordvik forsamlingshus søndag 15. desember kl. 11. Det er Torbjørn Brøske som forrettar gudstenesta, og ved orgelet finn vi nytilsett organist Bjørn Vevang. Skuleborn vert med i gudstenesta. Alle er velkomne til kyrkjekaffe etter gudstenesta.

Sjømannskirka i Arguineguin på Kanariøyene arrangerer kvart å adventsgudsteneste i friluft på Norskeplassen, som ligg i fjella mellom turistbyane Porto Rico og Arguineguin. I fjor var det Torbjørn Brøske som var sjømannsprest ved kyrkja der, men i år var det Eyvind Skeie som var prest. Like tru mot tradisjonane var todalingane Jenny og Edmund Talseth og Randi og Vidar Sogge.

Når Bernt Bøe og P17-koret inviterer til julekonsert da veit du at julestemninga er på gang, og at jula egentlig nærmar seg med stormskritt. Søndag kveld var julekonserten i Todalen kyrkje, og i tillegg til P17-koret var konserten forsterka med Nina Ryan Braaten som gjestesolist og med koret Pønsj frå Kristiansund – og sjølvsagt kasta veteranen Tor Strand frå Tingvoll glans over arrangementet med orgel og piano.

I dag starta det fysiske arbeidet med å montere Todalspålen som skal bli Noregs høgste juletre på ein holme. I dag tidleg var det samling til svart kaffe og konfekt, og briefing for arbeidet med montering av sjølve Todalspålen. Det er Sollid Mek. som har laga fundament og påle, og ei stor stjerne som skal stå i toppen av pålen. Etter ein rask gjennomgang av prosjektet så starta arbeidet.

Fredag var det markering på Surnadal Ungdomsskule i samband med MOT-prisen som Surnadal kommune mottok tidlegare i haust. I samband med prisutdelinga hadde kommunen besøk av Regine Oen Hatten (leder MOT kjerneaktivitet) frå MOT Noreg, og Gunn Anita Gjøvik (regionleder Møre og Romsdal / Nordfjord ). På programmet for dei to stod intervju med sentrale aktørar i MOT Surnadal, mellom anna kommunaldirektør Knut Haugen og filming med tanke på vidare arbeid og motivering.

Det var ordførar Margrete Svinvik som delte ut Eldrerådets Eldrearbeiderpris til Surnadal Pensjonistlags stavganggruppe under lagets julemiddag på Nordmøre folkehøgskule sist onsdag. Stavganggruppa fikk prisen for det viktige arbeidet som blir gjort for at eldre skal halde seg i god form – med varierte turmål i skog og mark i sommarhalvåret, og innendørs trim i vinterhalvåret. – Dette er eit lågterskeltilbod for folkehelsa og eit sosialt treffpunkt, eit godt tiltak, sa ordførar Margrethe Svinvik.

Tysdag kveld var det rekordarta isforr ved Kårvatn. I elveløpet til Toåa er det heilt fullpakka av is, og Gudmund Kårvatn seier at han aldri har sett så mykje is i elva. Det danna seg ein ispropp i Hjellhølen, rett nedafor Kårvatn, og derfra innover til svingen ved Myrvang er elveløpet heilt fullpakka.

Vokalensemblet Pønsj er hovudattraksjon når juletonar fyller Todalskyrkja søndag kveld. Dertil blir Nina Braaten og arrangørkoret Prosjekt 17 å høre.
Sekstetten Pønsj vart danna i 2015. Songarane er eller har vore medlemmer av det kjente koret Ensemble Dali. Gruppa syng både julemusikk og andre ensemblesongar. – Vi har konsertert fleire stader i Midt-Norge og også i utlandet, seier Eilif Odde, TK-journalisten og songaren som i haust kontakta P17 om denne konserten. – No gled vi oss stort til å besøke Todalen!

Tysdag kveld er turen komen for julegrantenning i Brusetmarka. Det skjer i Trudvangkrysset kl. 18.00 og her blir det servering med julegløgg og mykje anna godt.  Alle er velkomne til ei triveleg adventsstund i lokalmiljøet.  Arrangør er Brusetmarka vel.