Forfattararkiv for

Statens Vegvesen melder nå i ei pressemelding om at arbeidet med å renske rasstedet startar på ettermiddag i morgen, onsdag. Dette er den klart mest effektive måten å renske opp på, men kan desverre medføre at Todalen kan bli utan strøm ein kortare periode. Svorka vil under dette arbeidet være i beredskap på begge sidene , skriv dei i ei pressemelding no i kveld.

Surnadal Røde Kors har fått oppdraget med å dirigere trafikken i Svinvika i forbindelse med rutegående skip MS Maursund. Surnadal kommune, i samråd med lensmann Per Gjeldnes såg på eit tidleg tidspunkt at ei dirigering av ombordkjøyring av nyttekjøretøy og personbilar måtte være på plass.

Her kjem dei nye tidene som er oppsatt med skyssbåtenTollesund som blir gjeldende fra og med i morgon tidleg kl 06.00. Kommunen har opprinneleg kjøpt 7 turar tur/retur Todalen-Kvanne, men ser at behovet begrensar seg mest til Svinvika og tek heller og sett opp to til Svinvika mot ein til Kvanne. Denne oppsette ruta kan bli endra når dei ulike skulane i kommunen tek til igjen i uke 34.

Surnadal kommune har på formiddagen i dag hatt beredskapsmøte vedrørende rassituasjonen i Todalen. Og der vart det bestemt at kommuneledelsen ønsker nok eit møte med todalsbefolkninga. Her vil mest truleg to representantar frå Statens Vegvesen delta. Både Knut Nauste og Ole Johan Tønnesen har meldt sin ankomst til Surnadal i morgon, så varaordførar Lilly Gunn Nyheim rekna det som sjølvsagt at dei vart med på møtet til Todalen, for sjølv å besvare spørsmåla rundt situasjonen med vegprosjektet.

62 lag, med 3 på venteliste fordelt på 94 kamper. IL Søya er klare for Søya Cup 24. august. Med såpass mange lag er det naturleg nok ei utfordring med gunstige banetidener for samtlege lag, og klubben skriv på si nettside no at best muleg løysing no er oppsett, utan at dei er heilt fornøgd på alles vegne.

Mannskapet på Kystverkets båt MS Oljevern 01, ber båtfolk som ferdast på fjorden om fortsatt å vere varsamme. Kystbåten held framleis på med opprydding på fjorden og i strandkanten etter raset, og har enno eit par dagar att. Det mest iøyenfallende vraktømmeret er no ikkje så godt synleg lenger, men skipsførar Egil Eide på MS Oljevern 01 fortel at mykje ligg under vatn enda. I rasområdet har dei ikkje tilgang på opprydning enda.

Styrar ved Todalen Barnehage, Jorunn Nordvik har som fleire i Todalen studert rutebåtavgangar nøye for å få sett opp ein turnus for sine ansatte ved Todalen Barnehage. Så langt er ho ikkje i mål med sine lister med opprinneleg mannskap, då fleire ansatte kjem utanfrå Todalen. På fredagens infomøte fekk ho derimot lovnad på å kunne utvide åpningstida på barnehagens åpningstider, utan at dette gjekk på bekostning av sitt budsjett. Ho fekk også tilbud frå ein tidlegare pensjonert ansatt som kan stille som ekstra i kommande veke for å lette på vaktordningane.

I kveld er det konsert i Svinviks Arboret med Valkyrien Allstars i forbindelse med Norsk Vandrefestival. Arrangørane gjer så godt dei kan for å tilrettelegge for todalingane, og har fått utvida rutetidene med ein siste avgang frå Svinvika klokka 22 inn til Todalen.

Mange frivillige har dei siste dagane stått på for å få Todalen på rett kjøl igjen etter raset onsdag. Mange som uavhengige frivillige, og nokre organiserte som Todalen Sanitetsforening, Røde Kors og det lokale brannkorpset. Og ikkje minst Arnt Ivar Brøndbo som gjekk av si ordinære vakt som ambulansesjåfør rett før raset gjekk, og var dermed i Todalen ulykkesdagen. Han er no ein av dei som er med og bidrar til at folks liv og helse ivaretas i bygda.

Posten stoppar ikkje opp sine forsendelsar fordi om vegen er borte. Posten blir levert på rutebåten og så frakta over fjorden til Matkroken. Der blir den utlevert over disk av betjeninga. Ordninga blir slik fram at bilfraktinga over fjorden er komme i orden.

Surnadal kommune sa i dag ja til at rutebåten som er oppsett med 7 avgangar frå Todalen til Kvanne skal anløpe Svinvika på kvar tur. Skiltet som står oppe ved krysset inn til Todalen kan difor være litt misvisande med tanke på tidlegare informasjon.

Fredag var det nytt informasjonsmøte med representantar frå Surnadal kommune på Todalen Skule. Varaordførar Lilly Gunn Nyheim leia møtet og dei ulike etatane som har vore involvert i etterarbeidet i forbindelse med raset på onsdag, orienterte om kva som har vore gjort, og vidare arbeid framover. Det som vart hovedtema, var nok løysninga med båttransport, der det hadde vore ein intens føremiddag på komunehuset tidlegare på dagen.