Forfattararkiv for

Frivilligsentralen i Surnadal inviterer til onsdagskafe i lokala til Frivivilligsentralen onsdag 26. april klokka 15:00 – 18:00. «Dess fleire me er saman, dess trivlegare blir det!»

Todalen sokneråd inviterer til gudsteneste i Todalen kyrkje søndag klokka 11.00. Liturg er Torbjørn Brøske medan Bernt Bøe er organist. 

Onsdag 26. april klokka 19:00 kjem Teatret Vårt til Surnadal kulturhus med forestillinga «Danse med Skjebnen». Dette er eit underhaldande musikkteaterstykke basert på songane til Dance With a Stranger. Etter strålande tilbakemeldingar frå publikum over heile fylket, kjem stykket no altså til Surnadal kulturhus. 

Fredag 28. april, mellom klokka 12:00 – 17:00,  inviterer Lia gard igjen til bakeriutsal. Så da blir det mogleg å sikre seg både grovbakst og noko til kaffekosen til 1. mai. 

Kyrkja i Surnadal inviterer til «Felles middag» på kyrkjelydshuset onsdag 26. april klokka 16:30. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.

Surnadal Hornmusikk held fram 125-årsfeiringa si, og kjem til Todalen ungdomshus laurdag 22. april klokka 19:00. Billettsalet tek til klokka 18:30. Da vil vi få høyre nokre av låtene hornmusikken spela under jubileumskonserten sin på Surnadal kulturhus i januar. 

Styret i Todalen bøgdalag kallar inn til årsmøte i Todalen ungdomshus torsdag 27. april klokka 19:00. No er sullstendig sakliste klar, og blir pressentert nedanfor. 

I går kveld var dei fleste laga, organisasjonane og bedriftene i Todalen samla i Sanitetshuset for å sluttføre «Beredskapsplan for Todalen». Arbeidet med plana tok til rett før påske, og kunne i går kveld sluttførast. Det er viktig å ha ei beredskapsplan for å vere førebudd om alvorlege hendingar som til dømes: isolasjon på grunn av ras over veg, straumutfall, flaum/naturkatastrofar og krig oppstår.  

Konfirmasjonen nærmar seg, og før sjølve dagen, blir konfirmantane samla til samtalegudsteneste, der dei har sentrale oppgåver. Tysdag 18. april var konfirmantane i Åsskard, Todalen og Stangvik samla til samtalegudsteneste i Åsskard kyrkje, og dei som var der, fekk ei fin oppleving!

Søndag 23. april er Verdas bokdag. Surnadal bibliotek markerer dette med «bokloppis» i foajeen på Surnadal kulturhus frå fredag 21. april klokka 11:00 til og med søndag 23. april. 

Under Vårsøghelga laurdag 27. mai klokka 13:00, inviterer Vårsøghelga til «boksøg» med Guri Sørumgård Botheim, leia av Svein Sæter. Dette er eit arrangement i samarbeid med Møre og Romsdal forfattarlag, og det blir musikalsk innslag ved Sigurd Brørs. 

Jan Ove Ekeberg har hatt stor suksess med sine bøker med handlinga lagt til vikingtida. Tysdag 25. april klokka 19:00 kjem han til Surnadal kino på kulturhuset.