Vi fann 2372 artiklar i dette arkivet.
Jula nærmar seg, og det betyr endra opningstid for mange butikkar inn mot julehøgtida, og ikkje minst i romjula. Kårvatn Fjellutstyr er ikkje noko unntak i så måte, og har sendt oss sine opningstider for tida fram mot jul og for romjula.
På grunn av tømmerdrift i Svinvikhamrane, vil det i ein periode framover ikkje vere mogleg å parkere på lunneplassen ved starten av Svinvikrunden, kan Tore Svinvik fortelje. Tømmerdrifta tek til onsdag 13. desember, og det er da viktig at ingen parkerer på lunneplassen, slik at bilane ikkje blir til hinder for tømmerdrifta.
Fredag 15. desmber, mellom klokka 12:00 – 17:00, inviterer Lia gard til årets siste bakeriutsal. Dette markerer dei, i år som i fjor, med ein liten konkurranse. Bestiller du varer i kommentarfeltet på Lia gard si Facebook side, er du med i trekninga av ei julekorg med mykje god julebakst!
Og Brage Einum frå Surnadal, er av dei nissemennene som slit mest på arbeid før jul. Fredag 15. desember klokka 19:00 er han tilbake i Storstuå på Surnadal kulturhus, denne gongen saman med Travelin’ Strawberrees.
I går hadde Start 4H sal av kornband framom Matkroken Todalen. Start 4H melder at dei framleis har nokre kornband att, om nokon vil kjøpe. Start 4H har fleire kornband for sal, så kva med ei julegåve til den som har alt?
Det er Koret Prosjekt 17 som er hovudaktør, når Todalen Sokneråd inviterer til «vi syng jula inn» i Todalen kyrkje søndag 10. desember klokka 15:00. Same julekonsert blir også arrangert same dag i Åsskard kyrkje klokka 19:30.
I kveld var det Øyagrenda sin tur til å tenne julegrana si. Julegrana står ved Øyabrua på Øyagrendsida, men pyntegjengen har også lyssett postkassehuset sitt med, slik at det også lyser opp no i adventstida.
Tradisjonen tru, vil Start 4H laurdag 9. desember, i tidsrommet frå klokka 11:00 til klokka 14:00 selje kornband utom Matkroken Todalen. Så da blir det mogleg å sikre seg ein «godbit» til småfuglane, så dei kan kose seg med no i adventstida.
På ettermiddagen i dag var det først adventsmiddag i ungdomshuset, arrangert av Todalen Idrettslag, før det var tenning av Todalen bøgdalag si julegate mellom Matkroken Todalen og Talgø, og det var bra oppmøte på båe arrangementa.
Surnadal formannskapet vedtok i sitt møte 28. november budsjett- og økonomiplan for perioden 2024 – 27 for Surnadal kommune. Dokumentet er no lagt ut til offentleg gjennomsyn, og den som ønsker det, kan koma med uttale til formannskapet sitt forslag til budsjett- og økonomiplan.
Stangvik historielag sitt årsskrift for 2023 er no ferdig, og blir i desse dagar sendt ut til laget sine medlemmer. Årsskriftet vil også vere å få kjøpt, mellom anna på Matkroken Todalen. Årsskriftet kan også kjøpast direkte frå historielaget ved å kontakte Einar Grønnes på telefon 918 94 944 eller Marit Haugen på telefon 480 49 218.
Nordvik Grendalag inviterer til førjulsbasar i Nordvik forsamlingshus søndag 10. desember klokka 17:00. Grendalaget lovar skikkeleg basarsøg og fin førjulsstemning.