Vi fann 2469 artiklar i dette arkivet.
Jugenstilsenteret & KUBE-museum i Ålesund har kjøpt seks keramikk skulpturar av kunstnaren Brit Dyrnes. Brit har sine røter frå Stangvik, og er i dag eigar av Rønnan i Stangvik. Kunstverka som Jugenstilsenteret har kjøpt inn har tema TILSTAND, og vart utstilt på Kunsthall Trondheim i 2019. Det er ei stor ære å bli kjøpt inn med heile 6 verk til dette flotte museet, seier Brit til Todalen.no.
Smittesituasjonen gjer at Surnadal kino går tilbabake til meir normal drift – men ikkje heilt! Sjølv om Surnadal kino framover vil vise fleire filmar, enn dei har gjort sidan nedstenginga 4.januar, er det under føresetnad av at ein følgjer smittevernkravet om å unngå aktivitetar som stimulerer til auka reiseverksemd mellom kommunane. Difor er kinotilbodet ved Surnadal kino berre tilgjengeleg for personar som er busett i Surnadal kommune.
2020 var eit bra år for daglegvarebransjen i Norge, med ein omsetningsauke på rundt 10%. Matkroken Todalen var ikkje noko unntak i så måte og kan vise til ein omsetningsauke på 10,6%. Matkroken Todalen auka omsetninga på daglegvarer frå 9 millionar i 2019 til 9,9 millionar i 2020.
Stortingsrepresentant for Senterpartiet, Jenny Klinge (45), har gjeve ut bok om det å vere distré. I boka kan vi lese mange historier, som sikkert ikkje var så morsomme der og da, men som i ettertid blir god underhaldning for lesarane av boka. Jenny og sambuar Råg bor på Nordvik, så sjølv om Jenny no reknar seg som nordvikgarding, vil ho etter eige utsegn, alltid òg i tillegg rekne seg som østbødaling. Sidan Jenny er medlem av Stortingen, så bor ho i Oslo mykje av året, men litt tid får ho saman med familien på Nordvik. Boka til Jenny er å få kjøpt på Matkroken Todalen og kostar kr. 199,-
Vi har fått melding frå Knut Bergli i Todalen Idrettslag si Barne- og ungdomsgruppe der han melder om fine forhold på skeiseisen på Bordholmen stadion. Parkeringsplassen og brøyta, slik at det er mogleg å parkere for dei som kjem køyrande.
Vi har fått melding frå Ola Dalsegg om at han akkurat er ferdig med å preparere løypene i lysløypa på Tjønnmyra. Ola rapporterer at det er kjempefine forhold for å gå på ski no. Så han oppfordrar folk til å ta ein tur!
I samråd med kommuneoverlegen har leiinga ved Surnadal sjukeheim innført nye tiltak som gjeld for besøkande og pårørande som har vore på reise til eller er busett i dei kommunane som no er råka av det muterte koronaviruset. Dei nye tiltaka gjeld frå fredag 29.januar.
I veke 5 fortsett vaksineringa av heimebuande personar over 85 år i Surnadal kommune. I veke 5 blir det 55 som vil få første del av koronavaksina. Dei som skal vaksinerast neste veke har allereie fått SMS om dette. Det er viktig at dei som har fått SMS om vaksinering, går inn på c19.no, loggar seg på med ID-porten og bekreftar at dei tek imot tilbodet om vaksinering eller ikkje, så raskt som moglen. Det er og mogleg å bekrefte dette ved å ringe Surnadal kommune sin vaksinetelefon: 913 79 001.
I dag fekk dei første 19 heimebuande personane over 85 år i Surnadal kommune si første sprøyte med koronavaksine. Vaksineringa vart gjennomført på scena i kulturhuset. Da går det rundt to veker før neste dose må takast, slik at vaksina verkar som den skal.
I går kveld arrangerte Barne- og ungdomsgruppa i Todalen Idrettslag årets tredje «Barn i løypa» i lysløypa på Tjønnmyra. Det var nypreparerte løyper og kjempefine forhold for skigåing. Oppmøtet var òg bra, og ungane fekk gått på ski, aka og prøvd litt slalåm.
Ola Dalsegg i Todalen Idrettslag si Barne- og ungdomsgruppe melder at det blir «Barn i løypa» i lysløypa på Tjønnmyra i kveld klokka 17:30. Han minner om 1-metersregelen og dei andre Koronareglane må følgast. Som følge av smitteverntiltaka blir det ikkje servert drikke, så dette må kvar enkelt ta med seg sjølv.
Ferske tal syner at vi vart 7 todalingar færre i 2020, noko som svarar til ein nedgang på 2,3% i høve til 2019. Det er folketalet i Todalen (Svinvik – Kårvatn) pr. 31.12.2020 samanlikna med 31.12.2019 som syner dette. Gjennomsnittsalderen auka frå 46 år (2019) til 46,8 år (2020). Fordeling mellom kjønna var 31.12.2020, 137 kvinner og 165 menn. Grunnen til at Svinvik blir rekna med i folketalet for Todalen, er at folketalet i Todalen følger gjeldande skulekrinsinndeling og ikkje postnummeret.