Forfattararkiv for

I dag var det første skuledag for dei samanslåtte skulane Todalen og Stangvik, som frå i dag av er lokalisert på Evenshaugen. I tillegg var det første dag med samlokalisering av Todalen og Evenshaugen barnehagar. Frå i dag av består Todalen og Stangvik oppvekstsenter av ein barnehage med 32 ungar og ein skule, for 1. – 7. årstrinn, med tilsaman 78 elevar. Samstundes var dette første skuledag for 7 spente elevar, som starta skulegangen på 1. årstrinn.   

Den tidlegare annonserte kyrkjegardsdugnaden tysdag 24.august klokka 17:00, blir flytta til torsdag 26.august klokka 17:00. Grunnen til dette er dårlege vêrmeldingar tysdag med mykje nedbør. Som tidlegare annonsert så er det denne gongen dugnad for å slå graset på kyrkjegarden og fli den opp til konfirmasjonsgudstenesta laurdag og til hausten som står på programmet. Ta difor med kantkløppar eller anna høveleg reiskap. 

Laurdag og søndag arrangerte Surnadal Golfklubb klubbmesterskap på Surnadal golfpark på Mo. Her gjekk Tove Hilstad Garte og Stian Kooyman til topps i kvar sin klasse. Det var totalt 28 deltakarar på helgas klubbmesterskap, som gjekk over 2 x 18 hol. Kooylman sette ny banerekord med 142 slag totalt på båe dagane. Garte spela heim sitt femtande klubbmesterskap.  

Onsdag 25.august klokka 18:00, arrangerer Trimgruppa i Todalen Idrettslag sykkeltrim. Oppmøte og start frå Bordholmen stadion. Ruta for sykkeltrimmen blir bestemt ved oppmøtet på Bordholmen. Det blir open kiosk. Trimgruppa ønskjer alle velkomne på Sykkeltrim!

Laurdag 28.august klokka 13:00 er det konfirmasjonsgudsteneste i Todalen kyrkje. Todalen sokneråd opplyser at det er begrensa med plassar i kyrkja denne dagen, slik at dei som ønskjer å vere med på konfirmasjonsgudstenesta, må melde seg på. Påmelding skjer til Frode Grønmyr på telefon 480 68 543. Påmeldinga gjeld ikkje for dei som er invitert av konfirmantane, dei er allereie registrert, 

Regjeringa har, etter anbefaling frå FHI, beslutta at alle som er  fødde i årskulla 2004 og 2005 skal få tilbod om koronavaksine, når no snart alle over 18 år er vaksinerte. Denne nyheita har mange ungdommar venta på. 

Måndag 23.august er det skulestart for elevane i grunnskulen i Surnadal kommune. At skuleåret 2021/22 tek til så seint, heng saman med at skuleruta i grunnskulen, følgjer skuleruta for den vidaregåande skulen i Møre og Romsdal, og at dei og har ein sein skulestart i år. Alle skulane startar på grønt nivå, med tanke på […]

Risiko for alvorleg sjukdom blant gravide som blir smitta med koronavirus er låg, samtidig viser internasjonale studier at gravide har noko auka risiko for alvorleg forløp av koronasjukdom, og at denne risikoen aukar utover i svangerskapet.

Det er mange sesongar sidan sist Søya stilte med eige seniorlag (utan skråstrek) i fotball. Men i år er det påmeldt eit senior fotballag i 6.divisjon. Tysdag kveld var gjengen samla for å skrive kontrakt og planlegge sesongen. Dei fleste av spelarane på årets Søya-lag er rutinerte karar med, ei allereie, lang karriere attom seg.

Denne veka starta Todalen Idrettslag utsendinga av faktura for medlemsskap for 2021. Dei som er registrert med e-postadresse får fakturaen som PDF-fil vedlagt i e-posten, medan dei som ikkje er registrert med e-post enno, får fakturaen som vanleg papirfaktura i postkassen sin. Kontingenter for 2021 er kr. 150,- per medlem. 

I går gjekk Fjellgruppa i Surnadal Pensjonistlag sin tur til Svarthammaren oppi Knykja. – Hadde eg visst kor langt det var, ha eg ikkje vorte med!, sa ei av turdeltakarane etter turen i går. Utsagnet kom da turgåarane var komne til bilane att og turen var over, men ho angra ikkje på at ho vart med.  

Onsdag 18.august klokka 17:30 blir det friidrett på Bordholmen stadion. Det er Barne- og ungdomsgruppa i Todalen Idrettslag som står som arrangør. Det blir lengde med tilløp, stille lengde, kast med liten ball, 60-meter, 400-meter og bogeskyting.