Forfattararkiv for

I går gjekk Fjellgruppa i Surnadal Pensjonistlag sin vekentlege tur til Todalen og Ansnesssetra, altså i Vangsgutland. Og dei fekk ein skikkeleg finvêrstur denne nest siste sommardagen. 

I går kveld kom det ny forsyning med bøker til «minibiblioteket» i gapahuken i Båthølen. Det er Ragnhild A. Moe som har teke på seg å vere bibliotekar i «minibiblioteket». Biblioteket har vorte eit populært tilbod for mange dei som går seg tur i Toåa tursti.  

Laurdag 10. september inviterer Nordmøre Forsvarsforening alle sine medlemmer til den tradisjonelle historiske sommarturen sin. Årets sommartur går til Sunndalsøra. Oppmøte på Skei klokka 09:30, for vidare transport til Sunndalsøra. Dei som vil køyre direkte til Sunndalsøra, møter på Sunndal Rådhus klokka 10:45. 

I ei pressemelding frå Surnadal bibliotek, får vi opplyst at biblioteket på kulturhuset no utvidar opningstida, og at biblioteket no også vil vere ope på fredagane att. Det er også gjort endringar på opningstida på måndagar, ved at biblioteket no vil vere ope mellom klokka 14:00 – 18:00 på måndagane.  

Torsdag 1. september klokka 11:00 inviterer Stavganggruppa i Surnadal Pensjonistlag til stavgang i Kvenndalen. Oppmøte ved bommen på Kvennbøen for samkøyring til gapahuken, der det blir parkering, for så å gå vidare derifrå. 

Kulturlandskapsprisen 2022 går altså til Gudmund og Cathrine Kårvatn. Det opplyser Statsforvaltaren i Møre og Romsdal i ei pressemelding i dag. Det er Statsforvalteren i Møre og Romsdal som deler ut prisen. – Garden deira, Kårvatn, ligg øvst i Todalen i Surnadal kommune. Garden vert driven imponerande allsidig og godt for folk og fe, seier Statsforvaltaren i pressemeldinga.

Todalen Sokneråd inviterer til hausttakkefest i Todalen kyrkje søndag 4. september klokka 11:00. Det blir også utdeling av bøker til 4 og 6-åringane. Liturg er Torbjørn Brøske medan Bernt G. Bøe er organist. 

Natacha Nordvik på Liatun, undrar på om nokon har sett katten hennar Simba? Simba er ein kastrert hankatt på eitt og eit halvt år, og han er glad i folk. Han har vore borte sidan torsdag sist veke, og Natacha lurer på om nokon har sett han?

Onsdag 31. august klokka 18:00, inviterer Barne- og og ungdomsgruppa i Todalen Idrettslag alle i Todalen, på Nordvik, og resten av Todalen og Stangvik skulekrins, til friidrett på Bordholmen stadion. Det blir lengde (med og utan tilløp), kast med liten ball og springing av 60 og 400 meter. 

Martinus Ørsund, hos Statnett SF, melder at det frå i dag og fram til fredag, vil bli bli detonert eksplosivar i ei høgspentmast langs Auralinja, frå Todalen litt opp i lia mot fjellet. Grunnen til dette er naudsynt arbeid som følge av eit havari. Statnett SF beklagar den korte fristen for varslinga, men havariet gjer det naudsynt å få gjort dette arbeidet med ein gong. 

Fredag 2. september, mellom klokka 12:00 – 17:00, inviterer Lia gard til bakeriutsal. Her er det mogleg å få kjøpt både grovbakst og ein godbit til helgakaffen.   

Årets utgåve av Søyacupen vart arrangert på Søyabanen i dag. 64 lag med spelarar, både jenter og gutar, i alderen 6 – 12 år, spela totalt 97 kampar. Ramma rundt Søyacupen var som vanleg bra, og når dei i tillegg fekk med seg vêrgudane på laget, så vart det ein vellykka cup med gode fotballminner for både spelarar og publikum.