Vi fann 2472 artiklar i dette arkivet.
Sokneråda i Stangvik, Todalen og Åsskard inviterer søndag 25. september til busstur til Nidarosdomen i Trondheim. Første post på programmet blir gudsteneste i Nidarosdomen, før det blir lunsjbuffé på Ni Muser. Etterpå blir det guida omvisning i Nidarosdomen.
Friluftsrådet Nordmøre og Romadal arrangerer i perioden 1. – 11. september Stikk UT! Festival i dei fleste kommunane i regionen. Friluftsrådet Nordmøre og Romsdal, i samarbeid med Fellowman Surnadal, Todalen sanitetsforening og Todalen Idrettslag, inviterer derfor til Stikk UT! Festival i Toåa tursti fredag 9. september klokka 18:00.
I går vart det nok ein finvêrstur for Fjellgruppa i Surnadal Pensjonistlag. Da gjekk nemleg den vekentlege fjellturen til Knyken. «Det må vera noko med fjellufta! Da vi starta på dagens tur var vi 29, men på Knyktoppen hadde vi vorte 31! Ikkje verst for ein såpass godt tilårskommen gjeng!», kan Kristian Ranes i Fjellgruppa muntert fortelje.
Surnadal kommune er i ferd med å lage nye retningsliner for motorferdsel i utmark, for perioden 2022 – 2026. Derfor har Hovudutval for miljø, areal og teknikk (MAT), vedteke å legge ut sitt forslag til nye retningsliner for motorferdsel i utmark, til offentleg ettersyn.
Stavganggruppa i Surnadal Pensjonistlag inviterer til stavgangtur til Roparen torsdag 8. september klokka 11:00. Parkering på parkeringsplassen ved Surnadal Alpinsenter i Sæterlia.
Etter at Todalen Idrettslag, for ei stund sia, montert elektronisk dørlås på Hett & Svett, har døra ved eit par høve vore slått så hardt att at batteria på innsida av døra har sprotte ut. Når dette skjer er det ingen som kjem seg inn for å få trena, før batteria er på plass att.
Onsdag 7. september klokka 18:00 er det klart for lokaloppgjer i fotball på Bordholmen stadion. Da spelar Søya/Todalen sitt G10 lag mot Surnadal G10. Det er fleire todalingar på båe lag, så her får ein garantert sjå mange kjente fjes!
Stavganggruppa i Surnadal Pensjonistlag fekk ein skikkeleg finvêrstur til Kvenndalen i går. 22 stavgangarar gjekk frå gapahuken og opp til Trollmyran. Derifrå hadde dei fin utsikt innover dalen.
Det er overskrifta på ei melding vi har fått frå Omsorgs-beredskapsgruppa i Surnadal, ved Todalen sanitetsforening og Surnadal sanitetsforening. «Vi kan alle oppleve store og små kriser der vi bor. Av og til er det behov for frivillig innsats og at noen kan bistå kommuner og nødetater når det trengs. Vi opplever oftere strømbrudd, men også leteaksjoner, brann, langvarig tørke eller evakueringshendelser. Her kan Omsorgsberedskapsgruppene i Norske Kvinners Sanitetsforening (NKS) bistå. I 150 kommuner med over 3500 aktive medlemmer.»
Surnadal Husflidslag inviterer også i år til «Barnas arbeidsstue», med oppstart onsdag 21. september klokka 18:00. Her får dei unge deltakarane lære forskjelleg typar husflid åtte onsdagskveldar utover hausten.
Tysdag 6. september inviterer Fjellgruppa i Surnadal Pensjonistlag på til Knyken. Oppmøte på parkeringsplassen nedanfør Øye kyrkje klokka 09:00, MERK tidspunktet! Herifrå blir det samkøyring opp til parkeringsplassen oppmed Skeisnebba.
I kveld arrangerte Barne- og ungdomsgruppa i Todalen Idrettslag friidrett på Bordholmen stadion att. Det var ikkje det heilt store oppmøtet, men det har nok samanheng med at fleire var opptekne med fotballkampar og overnattingstur på ungdomsskulen. Men aldersspennet var til bra, med deltakarar frå 9 – 18 år.