Ukategorisert Arkiv

Styret i Surnadal Jeger og Fiskerforening kallar inn til årsmøte torsdag 16. mars klokka 19:00 i skyttarhuset på Angråmyra skytebane. Vanlege årsmøtesaker. Det blir servering av pizza, brus, kaffe og kake!

I ei pressemelding frå Svorka no på sein føremiddagen, blir vi informert om at Svorka Installasjon blir etablert og vil vere operativt frå 1. september i år. Dette skjer gjennom ei samanslåing av El-Co og Real Installasjon, to selskap Svorka har eig hundre prosent av sidan i fjor haust. Svorka Installasjon vil ha hovudkontor i Rindal, med avdelingskontor i Surnadal, Meldal og på Orkanger.

Styret i Surnadal Arbeiderparti minner om sitt årsmøte torsdag 16. februar klokka 19:00 på Thon hotel Surnadal. Vanlege årsmøtesaker. Tidlegare stortingsrepresentant Asmund Kristoffersen frå Tingvoll, deltek på årsmøtet som gjest. 

Surnadal Blades, som har med fleire todalingar på trening og kampar, var laurdag på trening og treningskamp i ishallen Arena NordVest i Kristiansund. Frå Todalen var det Jakob, Nicole og Hallvard, Lars Ailo og Mikael som deltok denne helga. Først var det trening saman med hockeymiljøet i Kristiansund, før dagen vart avslutta med treningskamp mot IL. Braatt. I tillegg var Lisa og Natasha med på treninga og ikkje minst som ivrige supporterar under treningskampen.

I statsbudsjettet for 2023 fjerna regjeringa momsfritaket for elektroniske nyheitstenester frå 1. januar. Det betyr at prisen på TV-pakkane frå dei ulike leverandørane aukar litt. For dei med TV-pakkar frå Svorka, aukar prisen på TV-pakkane med 22 kroner frå 1. februar. Dette melder Svorka på sine heimesider.

Styret i Surnadal kunstforening kallar inn til årsmøte onsdag 22. februar klokka 19:00 i lokala til Surnadal frivilligsentral på Skei. Vanlege årsmøtesaker.

Onsdag 1. mars klokka 11:00 – 13:00 inviterer Vindel og Surnadal kommune til «Etablerarlunsj» på Surnadal kommunehus. Så har du ein gründerdraum? Treng du hjelp til å komme i gang med bedrifta di? Lurar du på kva midlar og tenester det er mogleg å søke for bedriftsutvikling? Da er dette rette plassen den 1. mars!

Torsdag 2. februar klokka 11:00 – 12:00, inviterer Surnadal Pensjonistlag på nytt til trim i Trudvang. Dei har fått med seg fysioterapeut Oda til å leie treninga, og å vise fram gode øvingar, som gjer godt for kroppen!

I kveld hadde Barne- og ungdomsgruppa i Todalen Idrettslag invitert til «Barn i løypa» i lysløypa på Tjønnmyra. Finn Ranes i Barne- og ungdomsgruppa rapporterer om strålande forhold for å gå på ski i lysløypa. 

Fergetrafikken på rute 1061: Kvanne – Rykkjem er innstilt fram til klokka 07:30. Grunnen til innstillinga er høg sjø ved Rykkjem fergekai, noko som gjer det særs vanskeleg å legge til der. Også rute 1072 Halsa – Kanestraum var innstilt fram til klokka 06:30 på grunn av høg sjø.  

Fredag 3. februar, mellom klokka 12:00 – 17:00, kan Liagard endeleg inviterer bakeriutsal att. Odin har denne gongen teke på seg «spanderbrokja» og kan lokke med ein «giveaway», der han gjev bort sunne og gode varer til ein heldig vinner. Vinaren blir trekt ut blant dei som førehandsbestiller innan onnsdag 1. februar klokka 18:00.

Surnadal kino kan veka som kjem lokke både med «godteposar» på lerretet og frå kiosken! Seniorfilmklubben inviterer til noko heilt fabelaktig, og Surnadal kino «krydrar» resten av veka med krutsterke opplevingar.