Ukategorisert Arkiv

I tråd med vedtak i hovedutval for helse og omsorg 16. mars 2017 blir eit forslag til forskrift om rett til langtidsopphald i sjukeheim for Surnadal kommune lagt ut til høyring i perioden 24. mars – 5. mai 2017.

Surnadal jeger og fiskeforening inviterer no til ein ny runde med jegerprøvekurs. Det vil bli oppstart 3. april kl 18.00 ved Surnadal vidaregåande skule. Det blir til saman 9 samlingar, inkludert på helg. Endelig program blir tilsendt når dette er klart.

Menigheitene i Surnadal, Rindal og Halsa har bruk for ungdommar mellom 16 og 22 år til sommerleirene på Gråhaugen fjellstue og Vaulen i veke 26 og 30-32.

I morgon er det tid for årsmøte i Todalen.no. Det skjer i Todalen ungdomshus kl 19.3o. Medlemmar i form av bedrifter, lag og organisasjonar og støttemedlemmar som har tegna personleg medlemskap er hjerteleg velkomne. Og så klart alle andre som ønsker å følgje med på kva som har rørt seg på nettportalen det siste året.

Klypa og Kjell «Kjellen» Bigset ladar kanonene, og sprengjer ut eit splitter nytt humorshow, og ankjem Surnadal kulturhus fredag 17. mars. Med Kjellen i hovudrolla og i fri dressur, er det duka for eit skikkelig oppgjer med det moderne liv. Gjennom Kjellen sine auge får vi eit unikt skråblikk på den til tider vanskelege reisa gjennom livet.

Då var avstemninga for månadens bilete for februar ferdig, og vi kan gratulere Ragnar Østvik som vinnar med biletet «Midtfjords». Vi gratulerer og lover at premien blir overbrakt ved første anledning. Dei siste dagane har vore fine vintardagar, så om du har teke eit bilete, send det gjerne til oss som dagens bilete.

Surnadal hornmusikk og koret VOX m/band inviterer i kveld til første oppsetning av Film- og musikalaften på Surnadal kulturhus. Etter eit godt førehandssalg av billettar er det i tillegg til kveldens og morgondagens forestilling sett opp ei ekstraforestilling laurdag 11. mars også.

Tysdag 14. mars er det tid for årsmøte i Todalen.no. Det skjer i Todalen ungdomshus kl 19.30, og det er sendt ut innkalling til medlemane i foreninga, som er lag, organisasjonar og bedrifter i nærområdet. Velkomne til årsmøtet er også våre støttemedlemmar som har tegna personleg medlemskap.

SIL Langrenn inviterer til sonerenn på Nordmarka Skisenter tysdag 14. mars kl. 18.30. Kveldens distanse er fristil. På grunn av at idrettslaget skal arrangere SpareBank1 Cup i slutten av mars, bruker dei dette rennet til å få testa tidtakarutstyret sitt. Det blir derfor tidtaking med brikke.

Då er det klart for å stemme fram vinnaren av månadens bilete for februar. Med så mange flotte bilete som vi får inn, kan det vera vanskeleg å begrensa antallet kandidatar, så for februar har vi plukka ut åtte bilete å stemme mellom. Vi takkar alle bidragsytarar til dagens bilete! Hugs årsmøte for Todalen.no 14. mars, kor vinnaren av årets bilete for 2016 også blir avslørt.

Fredag 3. mars kl 18 inviterer Kyrkja i Surnadal til samvær på Kyrkjelydshuset på Skei. Da vil dei markere kvinnenes internasjonale bønnedag 2017.

Mange små og store tok turen til Tjønnmyra og det fine lysløypeanlegget som no endeleg har oppkjøyrte skiløyper. Og da ikkje endeleg fordi ingen har orka å lage spor, men fordi vinterføret til dei grader har lett vente på seg.