Vi fann 3617 artiklar i dette arkivet.
Det blir sommarleirar i regi av kyrkja òg i sommar. Årets sommarleirar blir i Oppistu Torvik og på Vaulen på Nordmarka. Det blir 2 overnattingsleirar for deg som er ferdig med 2.-4.årstrinn i Oppistu Torvik og ein overnattingsleir for deg som er ferdig med 5.-7.årstrinn på Vaulen på Nordmarka.
Opprinneleg skulle fjellgruppa i Surnadal Pensjonistlag ha vore på tur til Strengen i dag. Men på grunn av at det framleis er snø i delar traseen opp til Strengen, måtte fjellgruppa finne eit nytt turmål. Valet fall på Austre Nordmarksvegen. Det var totalt seksten turdeltakarar på dagens tur.
I ei pressemelding frå Friluftsrådet Nordmøre og Romadal no i ettermiddag får vi informasjon om eit heilt nytt tilbod i Stikk UT! Familien, nemleg Stikk UT! SAMMEN. Bakgrunnen for konseptet er at Frilutsrådet ønskjer at fleire «seniorar» skal kome ut på tur, og håper difor at «Stikk UT! SAMMEN» prosjektet skal bidra til nettopp dette.
Dersom du har mistanke om at du kan vere smitta av covid-19, men ikkje har direkte symptom, og difor ønskjer å teste deg, så kan du no gjere dette hos Midtnorsk HMS-senter i Surnadal. Frå og med denne veka tilbyr nemleg Midtnorsk HMS-senter hurtigtesting av covid-19. Dette er eit godt supplement til testtilbodet Surnadal kommune sjølv kan tilby.
I ei pressemelding frå Kristiansund og Nordmøre Turistforening (KNT) no i ettermiddag, får vi vite at KNT startar eiga fjellsportgruppe. – Bratte forsvarlige turer får sin egen gruppe gjennom KNT Fjellsport. Fokuset ligger på klatring, brevandring, randonee og andre fjellaktiviteter som krever spesiell kompetanse, heiter det mellom anna i pressemeldinga frå KNT.
Det var Ingri Bruset sitt bidrag Påskefjellet som fikk flest stemmer av bileta for april månad, og dermed vant seg ein ny kaffekopp med Todalen.no logo på. Tusen takk til dykk alle som sender inn bidrag til dagens bilete.
Laurdag ettermiddag vart OBOS-ligaen sparka igang att, etter ein «lang» vinterpause. Først ute var kampen mellom Ålesund og Bryne, som vart spela på Color Line stadion i Ålesund. Her fekk 16-åringen Nikolai Søyset Hopland sin debut på dette nivået. Nikolai er sonen til Anne Søyset frå Heimstad i Hallsetgrenda, og bestemor er Marit Sanden Søyset. Bestefar, Alf Søyset, var i si tid ein habil og ivrig fotballspelar og seinare lagleiar og hjelpemann på Todalen sitt fotballag i mange år.
Tysdag 18.mai arrangerer Fjellgruppa i Pensjonistlaget tur til Øvre Surnadal. Turdetaljane er ikkje heilt klare enda, men det blir tur og oppmøte på parkeringsplassen nedanfor Øye kyrkje klokka 10:30, for samkøyring opp til Åmot og parkering ved fabrikken til Ingolf Dønnem, der det er ordna med løyve for parkering.
Så var det endelig klart for årets første tur for stavgang-gruppa. Vanligvis har vi vært i gang rundt 20. april, men pga. Coronarestriksjonene og full vinter i april ble starten noe utsatt. Stavgang-komiteen måtte dessverre konstatere at Bitten og Kristian Ranes gjekk ut i år, og Brynhild og Svein Tjelle kom inn. Bitten og Kristian har lagt ned en stor innsats gjennom mange år, og vi takker for arbeidet de har lagt ned for gruppa. Når det er sagt er vi sikre på at Brynhild og Svein blir verdige arvtakere.
Fjellgruppa i pensjonistlaget opna årets sesong med tur frå Kallset og utover til Kvalnesvika i Bøfjorden. Vêrgudane varta opp med strålande solskin og varme i lufta, så det vart ein fin tur for dei totalt 32 som var med på turen. Så ein kan trygt seie det vart ein storfin start på årets sesong for fjellgruppa til Surnadal Pensjonistlag.
Beitesesongen nærmar seg med stormskritt. Lia Gard vil i år, som i fjor, leige ut geiter for landskapspleie. Lia Gard har i år omlag 40 geiter for utleige. Geitene er perfekte for alle som ønskjer ein økonomisk og berekraftig metode for lanskapspleie. Lia gard tilbyr utleige av geit til kommunar, kraftselskap, idrettslag, hytteforeiningar, gardbrukarar, bedrifter og private som ønskjer å utføre landskapspleie.
Torsdag gjorde Per E. Gjeldnes Maskin ferdig siste parsell av Toåa tursti. Fram til no har det vore ein omlag 200-250 meter lang smal grus-sti som stod att før turstien kunne reknast som heilt ferdig. No har altså denne parsellen òg fått same universelle utforming som resten av turstien, frå gapahuken ved Båthølen og nedover til Hallsetbrua. Den universele utforminga gjer at òg folk med rullestol og barnevogn no kan bruke heile turstitraseen og dermed få full glede av Toåa tursti.