Vi fann 3284 artiklar i dette arkivet.
I eit presseskriv frå Laget Vårsøg no i dag, blir vi informert om at Ole Magne Ansnes blir ny styreleiar i Laget Vårsøg. Ole Magne overtek som styreleiar etter Rune Dalager, som har vore styreleiar det siste året. Ole Magne vart valt til leiar på laget sitt årsmøte onsdag kveld.
I samband med at COOP er stor sponsor av VM på ski i Oberstdorf i Tyskland, er det no «Jubeldagar» i COOP-butikkane. Det blir markert med mange flagg og plakatar i og utanfor butikkane. I samband med dette, slår Matkroken Todalen, til med grilling av «VM-pølser» laurdag 27.februar mellom klokka 11:00 – 15:00.
Halset Vasslag sine abonnentar på Todalsøra har vore utan vatn sidan tysdag kveld på grunn av eit røyrbrot. No i ettermiddag vart røyrbrotet lokalisert. Det er eit gamalt jarnrøyr som har sprukke og må skiftast ut. Dette arbeidet må gjerast på fjærande sjø, så arbeidet kan først ta til i morgon rundt klokka 13:00. Håvard Halset i Halset Vasslag reknar med at alle abonnentane som er råka av røyrbrotet på Todalsøra, vil ha vatn i kranane att ut på ettermiddagen fredag.
Våren er tradisjon tru årsmøtetid. Todalen Idrettslag kallar inn til årsmøte torsdag 25.mars klokka 19:00 i Todalen ungdomshus. Vanlege årsmøtesaker. Fullstendig sakliste vil bli kunngjort 18.mars.
Søndag 28.februar klokken 14:30 er det duka for årets første gudsteneste i Todalen kyrkje. På grunn av dei nasjonale smittevernreglane, som vart innført 4.jaunuar, har det ikkje vore mogleg å arrangere gudstenester før no. Todalen sokneråd er difor glad for å kunne invitere til gudsteneste att.
Det var full trøkk og lang kø for å kome seg med heisen i Surnadal Alpinsenter søndag. Knappast at det har vore så mange i bakken før, og heiskøa var nok ekstra lang på grunn av krava til avstand på grunn av smittefaren. Heiskøa gikk utover plannen og svinga innover og meste rundt huset. Lyder Bævre som satt i kassa smilte nærast frå øre til øre og tykte dette var stas.
Surnadal kommune melder på sine heimesider om nye besøksrutiner ved Surnadal sjukeheim. Sidan alle bebuarane ved sjukeheimen no er vaksinert mot Covid19, lempar altså sjukeheimen på besøksrutinene ved besøk. Det blir òg høve til å gje kvarandre ein klem ved besøk. Så vi kan trygt seie at sjukeheimen «klemmer» til med ei skikkeleg gladmelding inn mot helga.
I samband med vinterferien neste veke, har Surnadal kino sett opp seks ekstra framsyningar. Framsyningane vil vere både på dag- og kveldstid. Allereie i kveld er det premiere på filmen «Wonder Woman 1984», som er ein film der premieren har vore utsett gong på gong, men som no altså endeleg får premiere.
Leif Arne «Laffen» Ness (52) frå Bjørnrud i Todalen er materialforvaltar i Sandefjort Fotball som spelar i Eliteserien. Vi hadde eit intervju med Leif Arne i oktober 2020, eit intervju du kan lese her: Lidenskapen som vart levebrød No har SFTV ved Tore Holden og Simen Hem laga eit portrettintervju med Leif Arne.
Som vi skreiv i ei sak sist fredag, så går Svorka no altså over frå Telenor til Telia som sin TV-leverandør. I ei pressemelding frå Svorka no i dag får du litt meir informasjon om kva denne overgangen inneber for deg som TV-kunde. Her er det og informasjon som skal gjere denne overgangen så smidig som mogleg for deg som kunde.
NVE melder gjennom varslingstenesta varsom.no om stor snøskredfare i Trollheimen torsdag 18.februar. Faregraden er sett til 4 – for regionen Trollheimen, Romsdal og Sunnmøre. På fredag ser det ut til at faregraden går litt ned att, men skal du på tur rett før helga, eller i helga, kan det nok vere lurt å følgje med på Varsom.no før du vel turmål. Grunnen til at det er så stor snøskredfare no, er eit svakt snølag høgt i snødekket. Dette gjer at det er stor fare for å utløyse snøskred.
Koronavaksineringa er godt i gang med prioriteringsgruppe 3 kor vi no vaksinerer personar på 80 år. Grunna begrensa tilgang på vaksiner blir det i neste veke eit kort opphald i vaksinering av nye personar i denne gruppa.