Vi fann 3445 artiklar i dette arkivet.
Surnadal Pensjonistlag inviterer torsdag 25. november klokka 11:00, til ny «Bøy og tøy» i Meierisalen på Landbrukshuset. Det er fysioterapeut Oda som rettleier på torsdagens «Bøy og tøy». Det gjer godt med litt bøying og tøying no før jul. Etterpå blir det kaffe og sosialt samvær for den som vil.
Fredag 26. november, mellom klokka 12:00 – 17:00, er det igjen ope bakeriutsal hos Lia gard. Her er det mykje godt å få kjøpt, både grovbrød og kaffebrød.
Nordvik Grendalag fekk god respons på sin digitale basar. Totalt vart det selde grendalaget 650 lodd. I dag var det trekning i den digitale basaren, og alle gevinstane vil bli delt ut til vinnarane. Styret i Nordvik Grendalag takkar alle som har kjøpt lodd og støtta grendalaget. Trekningslista ser du nedanfor: eller her som pdf-fil: […]
Smitteutbrotet i Midtigrenda barnehage med forgreining til Surnadal barne- og ungdomsskule. Tre nærkontaktar til ein smitta person i Midtigrenda barnehage har i kveld, som forventa, fått bekrefta smitte med positivt svar på PCR-test.
I ei pressemelding frå kommuneoverlegen no i føremiddag, får vi statusoppdatering på koronasituasjonen i Surnadla kommune akkurat no. Over helga kan vi starte ei ny arbeidsveke med betre oversikt og kontroll på smittesituasjonen som oppstod. Det har vore hektisk smittesporing og stor testaktivitet med mange berørte i alle aldrar. Kommuneoverlege Bjørn Buan melder at samtlege per i dag har milde symptom og at dei fleste smitta er vaksinerte.
Bernt Bøe har sendt oss ein e-post der han fortel at «Gamle Nordmør» no er i kjømda. Det er Bøfjorden Historielag som gjev ut «Gamle Nordmør», som i år kjem ut for 10. gong og er på 88 sider. Boka inneheld variert lesnad, og har historiske tilbakeblikk frå fleire plassar, mellom anna frå Todalen.
Som eit direkte resultat av at det er stigande smittetrend i Surnadal kommunen, vart det i dag gjort lokalt vedtak om smittekarantene og forlenga isolasjonstid. Smitten skjer på tvers av alder og vaksinasjonsstatus. Kommuneoverlegen si vurdering er at vidaresmitte til husstandsmedlemmar som igjen smittar andre utanfor husstanden, er det som driv pandemien vidare lokalt. Vedtaket gjeld frå i dag (18.11.) klokka 16:00 til torsdag 25. november klokka 12:00.
Alpingruppa i Surnadal Idrettslag kjem laurdag 20. november til Matkroken Todalen for å selje alpingruppa sin adventskalender. Salet går føre seg i tidsrommet mellom klokka 10:00 – 12:00. Det skjuler seg totalt 41 gevinstar ford bak dei 24 lukene, så her er det gode sjansar for å vinne fine gevinstar!
Kommuneoverlegen informerer i ei pressemelding i føremiddag om at det er meldt om fleire positive hurtigtestar for Covid-19, både ved Midtigrenda barnehage og Surnadal barne- og ungdomsskule. Kommuneoverlegen gjev nedanfor ei statusoppdatering for situasjonen ved Midtigrenda barnehage og Surnadal barne- og ungomsskule, og kva tiltak som er igangsett i samband med dei positive hurtigtestane.
Årets utgåve av tradisjonsrike «Jul på Nordmøre» er klar. Det er 86. gong at heftet kjem ut. Utgjevar er Nordmøre og Romsdal Ungdomslag. Juleheftet vil bli å få kjøpt ved Matkroken Todalen ganske snart.
Ein person, som er elev ved Surnadal videregåande skule, har i dag testa positivt på hurtigtest for Covid-19 ved Surnadal opplyser kommuneoverlege Bjørn Buan i ei pressemelding no i ettermiddag. Bekrefta svar på PCR-test føreligg førebels ikkje. Alle elevar og tilsette dette vedkjem har gjennomført hurtigtestar, utan at det er gjort ytterlegare positive funn. Undervisninga vil difor fortsette som planlagt blir det opplyst i pressemeldinga.
I ei pressemelding frå Surnadal kommune no i ettermiddag, kjem kommuneoverlege Bjørn Buan, med bakgrunn i auka koronasmitte, med novemberråd til innbyggarane i Surnadal kommune. Pressemeldinga, som er underskriven av kommuneoverlege Bjørn Buan, kan du lese nedanfor.