Todalen Sokneråd Arkiv

Søndag var det konfirmasjonsgudsteneste i Todalen kyrkje. I ei godt fullsett kyrkje heldt sokneprest Bernt Venås ei god preken til dei 5 ungdomane som no trer inn i dei vaksnes rekkjer. Dei fekk med seg mange gode råd på vegen, og seremonien markerte slutten på ein lang vinter med konfirmasjonsførebuing. Vergudane viste seg også frå si beste side og det var egentleg eit praktfullt syn mad alle bunadskledde kyrkjegjengararane.

Søndag 3. mai er det konfirmasjonsgudsteneste med sokneprest Bernt Venås i Todalen kyrkje. Gudstenesta starta kl 11.00, og det er takkoffer til kyrkjelydsarbeidet. Det er i år 5 ungdommar som skal konfirmerast i Todalen kyrkja denne dagen:

Utruleg mange todalingar og nokre utflytta todalingar møtte opp i går kveld når Todalen Sokneråd inviterte til den årlege dugnaden på kyrkjegarden. Og jobben såg ut til å gå unna rimeleg fort. Med ei kjapp oppteljing kom ein fort opp i mot 50 mann som hadde møtt opp for å ta vårpussen på kyrkjegardsområdet.

Måndag 27.april kl. 18.00 blir det vårdugnad på kyrkjegarden, melder Todalen sokneråd. Det er mange ulike oppgåver og det trengs folk med rive, trillebår, spett og spade! Ta med høveleg hagereiskap. Det er behov for å rette opp skeive gravstøtter, samt rydding etter vinteren.

Sokneråda i Halsa, Surnadal og Rindal inviterer alle born frå 7-14 år til sommarleirar på Gråhaugen fjellstue, som er ei privateid turistforeningshytte. Den ligg idyllisk til i Folldalen, der det ligg godt til rette for friluftsliv og anna aktivitetar.

Snart er det klart for årets happening for dei som skal konfirmerast, sjølve konfirmasjonsdagen. Konfirmantane har jamnleg hatt undervisning i samband med den kommande seremonien, og er no inne i aller siste fase. Så når det er gudsteneste i Åsskard kyrkje førstkommande søndag kveld, er det med unge aktørar i teneste. Her vil konfirmantane frå Stangvik, Todalen og Åsskard utføre både liturgi og musikk.

VOK – eller Sunndal kulturskoles vokalensemble – starta der dei slutta sist dei var i Todalen på konsertturné i 2013. Første post på programmet var «Voggevise» som er ein folketone, arrangert av Øystein Årva. Det var ein klårstemt gjeng som inviterte til konsert i Todalen kyrkje søndag kveld, med sin dirigent og korleiar Lone Eines. Og publikum tok vel i mot dei, sjølv om dei ikkje var så mange – med stort og smått var det eit trettital som hadde benka seg i kyrkja for å nyte korsongen.

Førstkomande søndag 12. april kl 18.00 kjem koret WOX for å halde konsert i Todalenen kyrkje. «Ei blanding av mykje godt» har dei kalla konserten som no står på programmet.

2. påskedag var både todalingar og andre samla til tradisjonell friluftsgudsteneste på Haugligardan. Det var godt med folk som hadde benka seg rundt borda og som kosa seg i sola og runt 10 varmegrader i lufta. Denne tradisjonen har vore eit fast innslag i påskefeiringa sia først på 2000-talet. Kaja Marie vart båren til dåpen i den stemningsfulle gudstenesta….

Unni Boksasp og Festivalkvartetten trefte eit begeistra publikum under påskekonserten i Todalen kyrkje. Konserten var premiere for påsketurneen som altså starta i Todalen kyrkje skjærtorsdag ettermiddag, og fortsette til Ålvundeid kyrkje om kvelden. Vidare skal dei til Nordlandet og Øre på langfredag. Festivalkvartetten starta konserten med Griegs Allegro før Unni Boksasp kom på podiet med folketonar etter lokal opphavt.

Unni Boksasp og festivalkvartetten dreg ut på Nordmørsturne i påska. Skjærtorsdag 2. april kl 16.30 kjem dei til Todalen kyrkje med sin påskekonsert. Om kvelden (kl 20.00) står Ålvundeid kyrkje for tur og langfredag er det Nordlandet og Øre som står for tur.

Todalen sokneråd har no endeleg fått bekrefta beløpet etter konfirmantanes bidrag i Kirkens Nødhjelp sin fasteaksjon på tirsdag. Og dei fem konfirmantane samla inn heile 9973 kroner på halvanna time. Dette er godt over fjorårets sum på 7678,- og soknerådet er storveies fornøgd med ungdommanes fenomenale innsats og ønsker nok ein gong og takke dei for jobben dei gjorde, seier Signe Marie Grønmyr frå soknerådet.