Todalen Bondelag Arkiv

Søndag 21. august blir det open gard i Pestua. Det er Todalen Bondelag som er arrangør, med Maren, Asbjørn, Anders og Ingunn som vertskap. I Pestua drives det med kjøtt- og eggproduksjon, og det vil bli omvisning i oksefjøset denne dagen. I tilleg vil det nok bli mange slags dyr å sjå, mellom anna lama, kanin og lam for å nemna noko, og dette vil skje i samarbeid med Start 4H der det er fleire av medlemane som har forskjellige husdyr som prosjekt i år.

Todalen samdrift starta andreslåtten i dag. Det gjelder å nytte finvêret sier Ståle Ansnes som er ein av drivarane ved samdrifta. Han fortel at graset er kome langt nok, men at avlinga er berre «midt i laget». Yr.no melder bra vêr til og med laurdag, men i neste veke er det meir utrygt.

I dag var det blautkake i Viastua. Premieredagen for oppstart av den nye mjølkeroboten må markerast såpass. Selbyggen Oddbjørn Stamnes frå Selbu har jobba 3-4 veker med montering av ny mjølkerobot i Viastufjøset. Dette er ei stor investering, godt over ein million, og sammen med ny automatisk kraftforstall vil nok det nye utstyret lette arbeidet etter kvart. Det tek nok litt tid for kyrne å bli vant til dette, men etter kvart blir det nok kø framfor mjølkeroboten. Heile systemet er datastyrt, og held kontroll med kva kyr som er mjølka, og kor mykje kraftfor dei har fått.

Det er travle tider i fjøset til Gudmund Kvendset i Viastua. Et trettital kyr skal kalve i løpet av sommaren, og til tillegg førebus utbygging av fjøset, og da blir det ein travel anleggsperiode for å kome under tak før vinteren kjem. Onsdag var det imidlertid ei spesiell hending på garden, da ei kvige fikk tvillingkalvar ute på beite. Kalvane var født ca 3 veker for tidleg, og ein kan vel si at det var lettvektere i ordets rette forstand. Den minst kalven som var kukalv, var berre 18 kg. Den andre var 2-3 kg tyngre.

På tampen av veka kom dei fleste i gang med siloslåtten. Været har ikkje vore optimalt dei siste dagane, men yr.no lover egentleg ikkje noko betring med det første, seier Ståle Ansnes, ledar i Todalen Bondelag. Todalen Samdrift hadde håp om å fylle siloen før dei tok helg. Aasmund Longva Kvendset var i gang med å lage siloballer, medan Olav Halle hadde besøk av reparatør da vi tok ein lynrunde rundt bygda laurdag ettermiddag.

Fellesfjøset (Todalen samdrift) har motteke 20-årsplakett for levering av elitemjølk. Dette er ei utmerking frå Tine for levering av mjølk av beste kvalitet gjennom mange år. Fellesfjøset har motteke dei høgste utmerkingane for godt fjøsstell og god mjølkeproduksjon. 20-årsplaketten vart overrekt under Tine sitt regionmøte i Stjørdal 30. mars. Frode Grønmyr og Ståle Ansnes var til stades for å motta plaketten, medan Kristen Ørsal var heime og hadde ansvaret for gardsdrifta. Fellesfjøset har tidlegare motteke Sølvtina, som er den høgste utmerkinga for levering av elitemjølk. Dei har også motteke Røktarprisen i Surnadal.

I Austistua hos Olav Halle var gode råd dyre når gjødselkjellaren gikk full ein månad før våronna kunne starte, og ordnær møkkakjøring kunne ta til. Redninga vart å kjøre ca 100 m3 til Bruset der gjødselkjellaren står tom i år. Olav fortel at det i hans besetning blir rundt 7-800 m3 med møkk i løpet av vinteren, og han reknar med at ca 100 m3 må kjørast ut no, for at det skal halde fram til våronna tek til i månadsskiftet mai/juni.

Det er ikkje berre i Sanitetshuset det foregår fotpleie. Det er nødvendig å pynte på klauvene til kyrne også, og det behovet har forsteka seg etter at det vart pålegg om å bruke gummimatter i båsane, fortel Frode Grønmyr hos Todalen Samdrift. Gummimattene gir mindre slitasje på klauvene, og klauvene må skjerast ned for å sikre god beistilling […]

Tirsdag formiddag markerte Surnadal Bondelag og Todalen Bondelag budstikkestafetten som Norges Bondelag arrangerer. Etter at stafetten startet i Rindal i går, var det i dag markering i Surnadal. Da viste leder i Surnadal Bondelag, Oddvar Mikkelsen, nestleder i Todalen Bondelag, Ingebrigt Ramsøy, Mona Rosvold fra Surnadal Kommune og Ola Krangnes fra Surnadal Sparebank at de står sammen i kravene fra Norges Bondelag.

Både Ståle Ansnes ved Todalen samdrift og Gudmund K. Kvendset i Viastua er godt nøgd med avlinga i andreslåtten, som no er i full gang. Graset har kome for fullt dei siste dagane, og for å nytte det godværet har slåttaarbeidet pågått heile helga og fortsett denne veka. Todalen.no tok ein runde kveldsrunde rundt bygda for å sjå på aktiviteten.

Med finvêret kom siloslåtten igang. Det kalde og fuktige vêret vi har hatt den siste tida har gjeve god grasvokster, og no er tida inne for å starte slåtten. På Kvennset hos Olaug Kvendset var to traktorar i sving med ballpressing og ballpakking i tysdag kveld. Tidlegare på dagen hadde slåmaskina vore i sving.