Todalen sanitetsforening Arkiv

Saniteten arrangerte i dag sin førjulskaffe i Sanitetshuset. Rundt 40 stykker med stort og smått var samla til ei triveleg adventsstund med nissegraut og juleverkstad. Undervegs var det loddsal med utallige gevinstar og kaffeservering. Ellers var naturleg nok dei aller minste i sentrum, då det var utdeling av barnas lykkeskilling til dei som har vore født det siste året.

Søndag inviterer Todalen Sanitetsforening alle som har lyst til førjulstreff i Sanitetshuset. Dette er ein årleg tradisjon, der dei ungane som er fødde det inneværande år er spesielt inviterte for å få «Barnas lykkeskilling». I fjor vart det òg arrangert juleverkstad, noko som vart så populært at dei gjentek det i år og. Her vil det bli både klipping, liming og teikning, i tillegg til servering av nissegraut.

Fredag i denne veka og måndag og tysdag i neste er det fotterapi i Sanitetshuset igjen. Det er fotterapaut Olaug Bergheim Aspill som kjem denne gongen og, melder Todalen Sanitetsforening. Marit Sanden Søyset er den som held styr på timane, og ho kan fortelja at både fredag og måndag er fulle, men tirsdagen mellom 10.30 og 16.00 er det nokre ledige timar.

Dei to siste gongene Strikkekaffeen/Fredrikkekaffeen har vore arrangert har det vore godt oppmøte. Men engasjementet med Amandaprosjektet, der dei strikkar til fortidlegfødte barn, er også stor. Strikkepinnane går heilt klart ikkje berre når dei møtes desse laurdagane i sanitetshuset.

Tysdag ettermiddag opna Todalen Sanitetsforening dørene i Sanitetshuset for å ta imot julegåver som skal sendast med Estlandsforeninga. Ekteparet Jensvoll frå Rindal er saniteten sine kontaktar med foreninga, og dei lovar at gåvene kjem fram til dei ulike intitusjonane som foreninga driv i Estland. Sanitetsforeninga gjorde dette også i fjor, og med nesten 5 søppelsekkar fylte med julegåver i alle variantar kan ein vel seie at dette er eit varmande prosjekt.

Todalen Sanitetsforening ønsker å minne på att om turen til mammografi og/eller osteoporosemåling (beinskjør) i Kristiansund laurdag 12.november. Det vil  bli kjøyrd utover i privatbilar. Påmelding rettast til Kari Kvendset tlf. 71 66 38 81 / 92 84 48 42 før 7.november. Her er det inga aldresgrense for å vera med, då det heller er inga […]

Todalen Sanitetsforening dreg i gang julegaveinnsamling til Estlandsforeninga i år som i fjor. Dette er av same art som klesinnsamlinga, då julegavane bli sendt ned til Estland med Estlandsforeninga som har sine kontaktar i Rindal. Saniteten har i fleire år arrangert klesinnsamlingar, men ønska i fjor også å bidra enda meir med å sende julegåver nedover. Tirsdag ettermiddag er det difor høve til å svippe nedom Sanitetshuset med eit lite bidrag.

Strikkekaffeen som jamnleg møtes i Sanitetshuset på laurdagar har engasjert seg i strikking for fortidlegfødte barn. Dei har kasta seg med på «Amandaprosjektet». Dette er eit prosjekt starta av eit foreldrepar som hadde ei lita dotter som levde så og seie heile sitt liv på nyfødt/barne intensiven på Rikshospitalet. Her produserer dei bittesmå sokkar, luer og tepper, som er planlagt å leverast på nyfødtavdelinga ved St. Olav i Trondheim. Dei engasjerte damene presiserer at det slettes ikkje er nødvendig å møte opp i sanitetshuset. Ein kan delta i prosjektet uavhengig fra kvar ein er. Tanken var å kunne levere ei ladning til jul.

I går ettermiddag vart det arrangert Sanitetsbasar i Sanitetshuset. Mykje folk tok turen innom utover ettermiddagen, noko som resulterete i stigande basarsøg som nådde toppen ved trekninga klokka 17. Og med heile 57 gjevinstar på hovudbordet, 32 på barnebordet og 28 på «Dagens bord» var det ikkje mange som gjekk tomhendt derifrå. Komplette trekningslister ligg under.

I helga er det full fres i Todalen Sanitetshus. I dag er det strikkekaffe (Fredrikkekaffe) mellom 14-17, medan det søndag er basar mellom 14-18. Slik det ser ut no, kan det bli eit rekordstort basarbord. Så langt er det kome inn i underkant av 50 gevinstar, berre frå Surnadalsområdet. Her kan nemnast bøker, blomster,bagar, pyntegjenstandar og ulike gåvekort. Då blandt anna eit litt spesielt eit frå Trollheimslab for å sjekke vasskvaliteten på drikkevatnet i ein privat husstand.

Laurdag var Saniteten i full aksjon med førehandssalg av lodd til Sanitetsbasaren i sanitetshuset 2. oktober. I kaffekroken på ICA Todalen var Åshild Halle på plass med loddbøker og pengekasse, og kunne rapportere om godt salg til folk som var på laurdagshandel og andre som berre stakk innom kaffekroken. Som sagt blir det trekkjing i Sanitetshuset […]

I kveldinga gjekk den planlagte Løfta-turen av stabelen. Sanitetsforeninga hadde laga i stand natursti langs heile ruta, med spørsmål om laust og fast. Attmed nokre av postane var det også oppskore frukt og grønsaker. Denne turen er ein del av den nasjonale satsingsområdet til Norske Kvinners Sanitetsforening har kvar haust; Sanitetens veke. I år som i fjor er temaet trim og kosthald. Så då passa det no godt å bevege seg og ete litt sunt på turen.