Vi fann 953 artiklar i dette arkivet.
OPPDATERT
Todalen sanitetsforening inviterer til ope møte i Todalen sanitetshus torsdag 23. august kl. 18.30. Tema for møtet er trening og trim for vaksne og eldre, og kor viktig dette er for å bevare ei god helse etter kvart som ein blir eldre. Fysioterapeut Ingrid Kvendset Hagen vil orientere om temaet og vise øvingar som har god effekt for helsa vår.
Første Kløverturen i haustsesongen 2018 var lagt til Svinvikrunden. Veret var godt, og 12 damer møttest for å gå tur, riktig kjekt å møtast turkledd igjen! Og det er alltid triveleg både med «nye» og «gamle» turgåarar – her er alle velkomne til å bli med ut på tur.
Møtet om trim, trening og helse for vaksne og eldre som skulle vere i Todalen sanitetshus tysdag 14. august, er UTSETT på grunn av sjukdom. Møtet blir no neste torsdag, altså 23. august kl. 18.30, i Todalen sanitetshus.
No er det tid for ny Kløvertursesong. Første turen i haustsesongen blir måndag 13. august. Som vanleg er det oppmøte Halsbua kl. 11.00, og turmålet er Svinvikrunden. Vi kjører i lag frå Hals og utover til Svinvika. Vi går heile eller delar av Svinvikrunden – litt etter ver og form. Er det fint ver, er det […]
Base for dagens Kløvertur var Sanitetshuset i Todalen. Her vart det turar i mange variantar: Rusletur i bustadfeltet på Kvennset, somme gikk ein kort runde og andre tok ein noko lenger tur. Ei tredje gruppe gjekk langt innover skogsvegen ovanfor Kvennsetgardane, medan den siste gruppa trong å gå motbakkar og gikk opp til trimposten ved Løfta. Men alle gjekk tur og alle var ute i frisk luft – det er målet med Kløverturane.
Måndag 18. juni inviterer Saniteten til RUSLETUR i Kvennsetøran bustadfelt. Denne gongen blir det oppmøte ved Sanitetshuset der vi skal ha base. Vi møtest til vanleg tid kl. 11.00.
No er det tid for ein ny runde med fotpleie i Todalen sanitetshus. Fotterapeut Pan Promchart Hoset kjem tysdag 26. juni og onsdag 27. juni. Ho har mange ledige timar båe desse dagane. Påmelding til Marit Sanden Søyset på telefon 980 36 391. Marit og Pan set pris på at folk melder seg på så […]
Gammelfabrikken, Fossheim, var base for dagens Kløverrusletur. Da turgåarane møttest på Kvennsetøran var det kald nordåvind, og det var litt usikkert om det var ver til trim og kaffelag ute i det fri.
Måndag 11. juni inviterer Saniteten til Kløverrusletur ved Gammelfabrikken, Fossheim. Her er det fint å gå rundt ved fabrikken eller utover vegen i retning Trudvang for rullatorbrukarar og andre som vil halde seg på flata. Ønsker ein gå ein brattare og lengre tur, kan ein gå i retning Tjønnmyrane eller Talgø eller ein runde ved fossen. Etter […]
Eit sikkert vårteikn er Sanitetskvinnenes sal av maiblomster. I dag var May Elisabeth Holten på plass utafor Matkroken, der ho bydde fram fleire typar maiblomster. På biletet er det Marit S. Søyset som er kunde og sikrar seg maiblomster både til bilen og til jakkeslaget.
Laurdag 5. mai blir det salg av maiblomster framfor Hals, både bilblomster, krans og pin. Sanitetskvinnene har seld maiblomster sidan 1909, og har skaffa over 200 millionar kroner til inntekt for folkehelsa. I år går inntekta til arbeid til beste for barn og unge landet over.
I dag slo Kløverturgjengen til med «plogging»! Dei trimma og plukka søppel i strandområdet rundt Småbåthamna og litt utover Stranda. «I dag slo vi minst «tre fluger i ein smekk»: vi trimma, plukka søppel og hadde det kjekt i lag!» – slik oppsummerte dei ryddeøkta.