Todalen Idrettslag Arkiv

Søndag 7. april inviterer Toåa Tursti til basar i Todalen Ungdomshus.  I den anledning blir det også byttemarked i kjelleretasjen. Her blir det muligheit for å levere inn bruka sportsutstyr som ein ikkje treng lenger, som kanskje nokon annan har behov for.

I dag var det utdeling av gåvemidlar frå Surnadal Sparebanks gåvefond. Ein god slump med pengar hamna som støtte til forskjellige prosjekt i bygda da gåvesjekken vart delt under ei enkel tilstelling i bankens lokaler. I år er det til saman 74 lag og organisasjonar som har fått gåve frå banken, liten eller stor alt etter kva det er søkt på. I statuttane står det at gåvene skal gå til allmennyttige formål, og vi prøver å vurdere dette etter beste evne, seier Liv Dalsegg i Surnadal Sparebank.

Leiar i Todalen idrettslag, Nils Ove Bruset, var stolt da han på årsmøtet kunne gi heider til to unge og talentfulle idrettsutøvarar frå Todalen. Dei to har i ein alder av 15 og 16 år alt konkurrert i utlandet i løpet av vinteren. Sindre Bruset deltok i januar i Open Dutch i taekwondo i Nederland, og Erik Kårvatn var med på landslaget i rando-VM i Sveits i mars.

Taler og godord, god mat og sosialt samvær sto på menyen da IL Søya inviterte til 100-årsmarkering i Bondehuset i går kveld. Kveldens toastmaster Svein Sæter losa dei vel 100 gjestane gjennom ein velykka festkveld der både idrettslaget, sponsorane og enkeltmedlemmane fekk sine velfortjente godord.

Todalen idrettslag avviklar sitt årsmøte i Todalen ungdomshus onsdag 27. mars. No er saklista klar, og blir offentleggjort her på Todalen.no. Den inneheld stort sett vanlege årsmøtesaker som årsmeldingar, rekneskap, val, vurdering av medlemskontingenten og driftsbudsjett for 2019.

Ola Dalsegg i skigruppa melder om fantastiske langrennsforhold på Tjønnmyra no i dag. Han har no teke runden med skjeldalsfresen rundt lysløypa og som de ser av innsendt bilde så er det meir som på ein internasjonal skistadion.

Rando-VM i Villars, Sveits nærmar seg slutten der dei i dag har konkurrert i greina vertikal. Todaling på startstreken også i dag, med gode prestasjonar i ei krevande løype. Dagens trasé var kanskje ikkje heilt etter «malen» som Todalen IL brukar, fortel Gudmund Kårvatn frå hotellet i Villars. – Traseen var til tider veldig bratt, og dertil veldig slak i andre parti, fortel han. God teknikk på diagonalgang var eit fortrinn, og ikkje minst valg av feller. Her vart det derfor lurt å velgje feller med god glid, framfor godt feste.

I dag har Randoneelandslaget vore i aksjon i VM løypene i Sveits igjen, og Todalen IL sin mann på startsstrek har nok ein gong levert eit sterkt løp i Individuell. Erik Kårvatn kom inn på ein respektabel 25. plass av 49 startande i klassen cadett ( junior). I dag forserte dei 850 høgdemeter i ein veldig […]

.Onsdag 27.03.2019 kl 19.00 er det Todalen IL sin tur til å halde årsmøte i Todalen Ungdomshus.
Fristen nærmar seg for saker som ønskes behandla på årsmøtet – siste frist er 13.03.19 for innmelding til styret v/Nils Ove Bruset

I dag har Erik Kårvatn debutert i randonee-VM i Villars, Sveits saman med resten av verdenseliten. Rundt 290 deltakarar fordelt på heile 31 nasjonar deltek, der Sveits, Italia og Frankrike er i ein divisjon for seg sjølv. Dagens øvelse var sprint, og både Erik og Edvard Sætran Solli gjennomførte ein fantastisk mesterskapsdebut i junorklassen, med kvar sine gode prologar som resulterte i ein 19. plass for Erik og 35. plass til Edvard.

På Tjønnmyra var det familiedag med Barn i løypa. Litt utrygg værtype gjorde at det var ikkje all verdens store deltaking, men dei som var der storkosa seg i nysnøen – enten på ski eller med akebrett eller rattkjelke. Sjølv om været er litt «pjusk» så er det godt når ein først kjem seg utendørs og på Tjønnmyra ligg det fantastisk godt til rette for uteaktivitetar.

Det er no nyoppkjørte skuterløyper frå Øyalia, via Snekkardalshalsen og til skihytta melder Terje Nordvik som i dag har med seg Torkjel Ansnes Moe og Einar Husby på tur. Dei anbefaler resten av oss til å ta seg ein skitur i helgas finver.  På Tjønnmyra blir det i løpet av ettermiddagen oppkjøyrt nye spor. Litt […]