Todalen Idrettslag Arkiv

Søndag startar Norway Cup, verdas største fotballturnering, og i år stiller Søya/Todalen/Kvass/Ulvungen med to lag; eit G14 og eit G16. Ellers stiller Kvass/Ulvungen med eige J14 lag, og eit i samarbeid med Surnadal i klassen J16. Grundige forberedelsar er gjort, både spelemessig og i støtteaparatet i rundt. Lagledelsen har ordna i stand eit infohefte for alle involverte, slik at spelarar, trenarar og føresatte skal få ei best mogleg oppleving av arrangementet.

Måndag kveld kom fotballgruppa si nyinnvestering på Bordholmen. Bjørn Hauglann hadde vore på handel, og Knut Jarle Bergli vart den heldige montør. Undervegs i monteringa fekk han mange nyssgjerige blikk frå nokre trimmarar som held til på volleyballbanen. Dei hadde problem med å sjå kva i all verda det var han sette opp. Både dragar, vasski og leskjermar i ulike varianter vart foreslege. Men dette var kun fotball relatert, då det viste seg å vera markørar til trening.

Ola Kvendset melder om at det er gjort forsøk på å arrangere volleyballkveldar på Bordholmen. Dette er på måndager frå klokka 21 og utover. Det har tidlegare vore sagt oppstart 20, men med håp om å få med enda fleire flyttar dei det no fram ein time frå og med i kveld. Så da er det […]

Søndag 28. august er det klart for ny Trollheimsmarsj igjen, melder Kari Kvendset i Todalen I.L.  Det blir den fjerde i rekkja, og det er lurt å sette av helga til formålet. Arrangementet er eit samarbeid mellom Todalen I.L. og I.L. Ulvungen, med Trollheimstunnelen som sponsor.  Årets Trollheimsmarsj følger tradisjonelt opplegg med start på Bordholmen stadion i […]

Todalen I.L. melder at solsenga i gamle postkontoret er i drift igjen etter en liten reparasjon. Solsenga har myntautomat og det koster kr 60 for 20 minutter, og kr 30 for 10 minutter.

Torsdag kveld kom det inn lopper på løypande band til loppemarknaden på Bordholmen. Sjefsloppa sjølv, Borghild Talgø, var på plass og tok i mot dei som hadde lopper å levere. Ho oppfordra alle til å sjå gjennom kjellar og loft, og skuffer og skap etter lopper. Det er innlevering torsdag kveld, fredag kveld og det går også an å levere på laurdag. Dersom du har behov for hjelp er det berre å ringe Borghild Talgø på tlf 908 41 614 eller Jostein Bruset på tlf 416 21 177. Dei tek i mot alt muleg av gangbare lopper. Loppemarknaden startar laurdag kl 11 og er ope heile dagen.

2. juli er det klart for Todalsdagen 2011, med fotball, grilling og loppemarked. Her kjem kampoversikta for Todalsdagen 2011, med forbehald om mindre endringar og upresise lagnavn. En del klasser er få eller et påmeldt lag, og vi har matchet disse med passende motstandere så godt som mulig. Ta kontakt om det er noe du […]

Det var ein effektiv gjeng som var samla til dugnad på Bordholmen tysdag kveld. Det har vore tradisjon i over 40 år å rydde og fiffe opp anlegget til Todalshelga, som seinare vart Todalsdag som no skal arrangerast førstkomande laurdag. Med eit skikkeleg skippertak får ein gjort mykje på ein kveld som dette, sa Bjørn Hauglann som er stemnegeneral for niande året på rad. Tysdag kveld var det eit førtitals frammøtte, med massevis av utstyr og redskap av ymse slag. Dugnadgjengen vart delt i fleire arbeidslag, der nokre rydda kratt og skog, medan andre dreiv slått eller målinsgarbeid. Og eit par gjengar sette opp nytt solid gjerde rund heile Bordholmen stadion.

Tysdag kveld blir det dugnad på Bordholmen frå kl 17.30 og utover. Det er fotballgruppa og banekomiteen som er arrangør, og dei treng 10 sterke menn med slegge og spett, og de som føler seg kvalifisert stiller med slik utstyr, skriv Bjørn Hauglann til Todalen.no. 4 menn skal spikre ny utgard rundt Bordholmen, og det vil stå kappsag, spikarpistol og kompressor klar til bruk.

Vergudane viste seg ikkje akkurat frå si beste side under arrangementet av St Hans feiringa no i kveld. Litt nedbør og sur vind gjorde nok sitt til at ikkje så mange tok turen nedover til fellesarrangementet som Idrettslaget stod for. Dei held varme grillar, medan dei oppmøtte orda med grillmaten sin sjølv. I kiosken var Svein og Karen med nystekte bakels med smørgraut.

Todalen I.L. inviterer bygdafolket til St. Hans-feiring på Bordholmen torsdag 23. juni kl 18.00.  Det blir ordna med varme på grillen og kiosken er open for salg av kaffe, is og brus. Ta med eigen grillmat!  Fritt leide for borna med fotball, leik og bruk av trøbilane.  Alle er velkomne!

No er det tid for å rydde i skuffer, skap, loft og kjellar for å finne fram lopper til Todalsdagens store loppemarknad, seier Jostein Bruset og Borghild Talgø i «Loppekomiteen». Vi tek i mot lopper onsdag 29., torsdag 30., samt fredag 1. juli på Bordholmen. Treng du hjelp kan du ringe til Borghild 908 41 614 […]