Vi fann 1797 artiklar i dette arkivet.
Laurdag kveld var det tid for medlemsfest for Todalen Idrettslag. Det skjedde på Pakkhuset Kro, der det var duka for årets store skaldyrfest, og mellom 40 og 50 deltakarar gjorde eit skikkeleg innhogg i skaldyrkoldtbordet som verskapet hadde laga i stand.
På Pakkhuset kro er det duka for skaldyrfest laurdag kveld. Det er Todalen I.L. som inviterer sine medlemar til ein kveld fri for dagnad og andre plikter, og med skaldyr på menyen, fortel leiar Karin Halle. Rundt 50 er alt påmeld, men det er plass til fleire og det er berre å ta kontakt og melde seg på. Festa startar frå kl 19 og ca kl 21 blir det quiz….
Styret i Todalen I.L. inviterer alle medlemar til skaldyrfest laurdag 27. september på Pakkhuset Kro. Det siste året har det skjedd så mykje at no er det på tide at vi alle samlast til ei fest, der alle saman kan være gjestar og ha tid til å slappe av og kose seg, seier leiar i Todalen Idrettslag, Karin Halle. Ho nemner både treningsstudio, lysløpe, fotball, laksefestival og mykje meir – det har nærast vore dugnad og arbeid heile året, så no er det på tide med ein frikveld. Vi har så mykje å takke alle for!
Snart er det tid for «Hjortfest» igjen – 22. november er datoen for årets arrangement, melder Håvard Halset i Hjortfest-komiteen. I år er det jaktlaget på sørsida som er hjortfestkomitee, og vi kan vel vente oss ein skikkeleg smakebit både frå scena og frå kjøkkenet. I første omgang er det berre å sette av datoen, […]
Torsdag startar dametrimmen oppatt melder instruktør Turid Hals Sæther. Ho har finpussa på programmet og inviterer gamle og nye trimmarar til dametrim i gymsalen ved Todalen skule torsdager framover. Oppstart førstkomande torsdag kl 20.
Årets runde med laseriestemne vart søndag avslutta med Mesternes Mester på Bordholmen. Eit titals barn møtte opp og tok del i liknande øvelsar som ballongstafett, vassballongkasting og blandt anna uthaldingsøvelse med ball over hovudet.
Søya/Todalen møtte topplaget Averøykameratene 2 til hjemmekamp i 6. divisjon på Søyabanen mandag kveld. Det skulle etterhvert vise seg at motstanden ble i tøffeste laget i denne kampen. Kjappe spillere med godt balltempo, der flere har prøvd seg i 3. divisjon i år, ble som forventet vanskelig og kampen endte med tap 0-4.
Både måndag og onsdag blir det spela fotballkampar på Bordholmen. Måndag er det G12 Søya/Todalen som møter Halsa/Valsøyfjord, medan det onsdag er G10 Søya/Todalen mot Surnadal. Her blir det nok full fres begge dagar med avspark kl 18. Begge dagane vil det naturlegvis bli åpen kiosk med bakels å græt. Så om vêret held seg […]
På sist årsmøte til idrettslaget i vinter vart det bestemt at det skulle kjøpast inn meir utstyr til treningsrommet Hett & Svett. Etter nokre månader med diskusjon om kva det var behov for, vart det tidligere i sommer bestilt 5-6 nye apparat til rommet.
Deltakarane på Trollheimsmarsjen 2015 hadde ein drømmetur over fjellet. Turen over fjellet er stipulert til 5 timars turistmarsj, men det var mange som bruka mykje lengre tid – rett og slett for å nyte den fine dagen i langdrag, når dei forst hadde sjansen. 117 personer deltok i årets arrangement, og det er betydeleg fleire enn sist, – men berre vel halvparten av deltakartalet frå jubileumsåret 2008, da heile 231 var med.
Dei første deltakarane er forlengst på veg over fjellet frå Todalen til Ålvundeid som deltakarar i Trollheimsmarsjen 2014. Med sol frå blå himmel og rundt 15 varmegrader blir det nok ein kjemfin tur over fjellet til Leikvoll stadion på Ålvundeid. I 9.30-tida var det 70-80 deltakarar som hadde stukket til fjells, men det er høve til å starte fram til kl 11.00 frå Bordholmen stadion i Todalen.
Førstkomande søndag, 31. august går årets Trollheimsmarsj frå Todalen, over Vardan og til Ålvudeid. Dette er eit samarbeidsprosjekt mellom I.L. Ulvungen og Todalen I.L., og har start på Bordholmen og innkomst på Leikvoll stadion på Ålvundeid. På turen over fjellet legges det opp til konkurranse med natursti, og ved målgang er det trekning av fire gåvekort og mange andre premiar på startkortet.