Todalen Idrettslag Arkiv

KUST vant fortjent 3-0 mot Iskra Belarus fra Hviterussland, og sikret dermed plassen i A-sluttspillet. Scoringer ved Mads M Øyen (2) og Kristoffer Nordvik. Søya/Todalen/KvassUlvungen J14 vant også sin kamp tirsdag morgen med 2-1 mot Odda, og jentene har da fortsatt mulighet til A-sluttspill. For jentene scoret Rakel Kvande og Mari Gjul.

Da er allerede resultata etter 2. dag på Ekebergsletta og Norway Cup begynt å tikke inn. KUST G14 11’er laget har no på føremiddagen vunne sin kamp 3-0 mot Nordstrand 3. Laget spela svært godt med mange målsjansar i første omgang men det sto likevel 0-0 til pause. Frikk Hauglann Talgø starta 2. omgangen med 1-0 og sidan fekk Sindre Lundquist Aune og Pål Reiten inn kvart sitt mål.

Som tidlegare nemt er Norway Cup no starta for fullt på Ekebergsletta og andre nærliggande banar. 4200 kampar fordelt på 60 nasjoner, rungt 1600 lag og ca 30 000 unge fotballspelarar. Spelarane er innlosjerte på skular rundt om i nærområdet til banane, medan dei mange foreldra som er med nedover stort sett tek inn på hotell, hos slekt og venner eller nyter campinglivet i hovedstaden. Delegasjonen tilhøyrande dei to G14 laga og det eine J14 laget frå Søya/Todalen/Kvass/Ulvungen tel i år heile 150 personar.

Søya/Todalen/Kvass/Ulvungen J14 tapte 0-2 mot Fjellhamar i sin første kamp under årets Norway Cup. Jamn kamp spillemessig, men våre jenter klarte dessverre ikke å score på sjansene denne gang, skriv Knut Haugen i ein epost no i ettermiddag.

Campingsesongen er over oss for fullt, men belegget på Todalen Camping ved Bordholmen har nok ikkje nådd toppen enno. Terje Nordvik på Matkroken fortel om grei nok trafikk av turistar, men ikkje noko rekordår. No er det tildels for vått til å campe på graset på øversida av klubbhuset, så fleire har måtta stått på asfalten (på tennisbana).

IL Søya melder på sine nettsider at kampoppsetta for laga som skal nedover på Norway Cup siste helga i juli no er klare. Herifrå stiller tre lag med navnet Kvass/Ulvungen/Søya/Todalen; 2 G14 lag (7-er og 11-er) og eit J14. J14 møter tre norske lag i innleiande runde, mens G14-laga får møte utenlandsk motstand. Gaza Unrwa (Gaza/Palestina) og Iskra Belarus (Hviterussland) kan bli spennande motstandarar for gutane.

13 mann med stort og smått møtte opp på Matkroken i dag for å bli med på Trimgruppa i Todalen IL sin fellestur til Strengen. Arrangørene hadde på tidspunktet allerede hatt ein utsending på Strengen på morgonkvisten for å sjekke verforholda på toppen (les: Marit Haugen), så gjengen for avsted med betre verutsikter enn det som var på tidspunktet i Todalen.

Søndag 7. juli arrangerer Trimgruppa i Todalen IL familietur til Strengen.
Dei er så heldig å få med seg Jorid Haugen Ansnes som «kjentmann» på turen, så her blir nok området vist frå finsida!

Det er no sett fart på arbeidet med å få ferdig det nye treningssentret. Det blir i dei gamle lokala til Posten (-og før det BP’n), men i tillegg er lokala utvida med det arealet som var garasje bak postkontoret. Gunnar Nordvik og Lars Kvendset er i full gang med å sette inn nye vidauge i lokala, og i tilleg skal dei gjera klar og isolere taket og lekte ut for å legge panel på veggane. Resten av arbeidet blir dugnadsarbeid.

Laurdag var det over førti fotballkamper på Bordholmen. Det var full rulle heile dagen på 5 banar, og det var full innsats frå knøtter, miniputter og lillegutt/jente frå dommaren blåste i gang første kamp og til finalekampen mellom Rindal og Molde var blåst av på tampen av dagen. Alle fikk sin personlig premie som eit minne frå Todalsdagen 2013, og i lillegutturneringa var det flotte lagpokalar til bronsefinalistane og finalistane. I samband med premieutdelinga var det tradisjonell fotografering.

Ræta opp var kanskje hovudattraksjonen under laurdagens todalsdag-arrangement. 104 deltakarar stillt på startstreken da ordførar Mons Otnes smelte av startskotet og løparane kunne sette kursen ut frå Bordholmen i retning Halset-ræta. Nokre sette på «full speed» heilt frå starten, og Halvor Drøpping gjorde runden på 11,59 og sette ny løyperekord. Men dei fleste tok livet med ro og bruka den tida dei trong. Og det var kanskje fornuftig, for premieringa var lagt opp til at ein skulle koma så nær idealtida som muleg. Og den vart i år 42,49.

Det var knytta stor usikkerhet til laurdagens vêrmelding, men vêret vart mykje betre enn vi frykta. Det seier stemnegeneral Knut Bergli, som er glad for at Todalsdagen er gjennomført og han kan føye årets arrangement inn i rekkja av vellukka arrangement. Vi måtte nok tåle nokre regnbyger utover dagen, men ikkje verre enn at arrangementet kunne følgje tidplana som var oppsett og det var knapt ein einaste paraply å sjå på Bordholmen.