Todalen Idrettslag Arkiv

Billettsalet til julerevyen «Romjulsdrønn» er godt i gang, og vi har hatt skikkeleg respons, seier Knut Bergli i Fotballgruppa til T.I.L som er arrangør. Som tidlegare annonsert blir det to visningar – kl 16 utan gjesteartistar og hovudvisninga kl 20 med gjesteartistar. Billettane er lagt ut for sal på Matkroken i Todalen.

3. juledag er det godt å kome seg ut og få litt trim igjen, og kanskje treffe gamle kjente som du kan slå av ein prat med. Trimgruppa i Todalen Idrettslag inviterer alle til å bli med og delta, og byr på varm gløgg eller kakao. Gratis medalje til alle deltakarar – lotteri med flotte gevinstar. Start mellom 12.00 og 15.00.

Har du lyst til å prøve skiene, så er det fint føre og oppkøyrt løype frå Innerdalsmerket og oppover til Tristeinan, melder Arnt Ivar Brøndbo i Todalen I.L. Fint føre er det også i den nye lysløypa, men den er framleis utan lys så ein må nytte dagslyset eller bruke haulykt.

Denne veka starta sceneøvinga for julerevyen «Juledrønn» i Ungdomshuset. Revyen kjøres 3. juledag, og det er no klart at det blir 2 førestillingar – ei på ettermiddagen kl 16.00, og hovudførestillinga kl 20.00 på kvelden. Billettane er komne i sal på Matkroken L.Hals.

Laurdag ettermiddag var det tid for førjulskafè i Todalen ungdomshus. Det var Start 4H, FAU, PT-utvalet, idrettslaget, bondelaget og saniteten som hadde invitert sambygdingane til felles arrangement. Dei var spente på om folk hadde tid til eit lite avbrekk midt i julestrida, men det trong dei ikkje bekymre seg for.

Laurdag var det internasjonal julekafè i Todalen ungdomshus, der lag og organisasjonar inviterte både innfødte og innflytta sambygdinga til triveleg lag og sosialt samvær. Todalen idrettslag var ein av organisasjonane som stod attafor tiltaket, og dei nytta høvet til å dele ut utmerkingar til spreke medlemar som har oppnådd krava til merkeprøve. Sjølv om det var mange om det var utdelt fleire ytmerkingar som heng høgt kom nok Johan Kvendset i ein eigen divisjon.

Førstkommande laurdag inviterer fleire lag og organisasjonar i bygda til triveleg adventskaffe. Fleire har sikker registrert at ein har fått invitasjon i posten sist veke. Her er det 4H, FAU, PT-utvalget, Idrettslaget, Bondelaget og Saniteten som har gått i lag for å arrangere ei triveleg førjulsstund i Todalen Ungdomshus.

Ski-og friidrettsgruppa benytter laurdagens førjulskaffe i Todalen Ungdomshus til å dele ut premiar innan skimerketaking for 2014. Åshild Halle som er merkeansvarleg i idrettslaget seier ho ser fram til utdelinga, da dei denne gongen skal få lov til å dele ut fleire gjeve utmerkelsar til aktive skientusiastar i bygda.

Også vinteren 2015 står Todalen IL som arrangør av Norges Cuprenn i randoné. Todalen IL har fått to renn 14. og 15. februar, lagt til Kårvatn. Den 14. er det Randone Individuell, med samme opplegg som tidlegare år, mens det den 15. er det Sprint, som er nytt for arrangørane.

Dei minste har nok venta på snøen no, men vêrgudane har halde igjen, – og tykkjer nok det er litt tidleg enno. Da gjeld det å ta saka i egne hengder og lage snø, slik som «snømakarane» Knut Bergli og Finn Ranes har gjort. Laurdag vart det endeleg kuldegrader nok til å prøvekjøre den nye snøkanonen, – og produsere den første snøen. Snøkanonen er eit samarbeidsprosjekt mellom FAU, Todalen Idrettslag og Todalen oppvekstsenter.

Dametrimmen orienterer om at torsdagens trim utgår. Neste trimkveld blir dermed torsdag 4. desember kl 20.00. Siste kveld før jul er 11. desember.

Kvar måndagskveld foregår det barneleik i gymsalen i Todalen oppvekstsenter. Da er det full guffe med både gymnastikk og andre krumspring når smårollingane slår seg laus. Sist måndag var det rekordoppmøte, med 24 born og 10 foreldre, fortel Karin Halle som har sendt oss bilder frå aktiviteten.