Vi fann 1763 artiklar i dette arkivet.
2. påskedag var både todalingar og andre samla til tradisjonell friluftsgudsteneste på Haugligardan. Det var godt med folk som hadde benka seg rundt borda og som kosa seg i sola og runt 10 varmegrader i lufta. Denne tradisjonen har vore eit fast innslag i påskefeiringa sia først på 2000-talet. Kaja Marie vart båren til dåpen i den stemningsfulle gudstenesta….
Mellom 60 og 70 personar tok turen til Skihytta på langfredag. Litt utrygge vêrmeldingar bremsa nok deltakinga litt, men vêret var på sitt beste på ettermiddagen omkring den tida kjerringdilten starta kl 13.00. Heile 52 personar stillte på startstreken og det var nok lagt mange strategiar for å kome i mål på den hemmelege idealtida som rennleiar Ivar Helge Kvendset hadde sett.
Langfredag er den store dagen på Skihytta – da blir Kjerringdilten arrangert, og det blir kamp om å ta eit napp i vandrepokalen som er sett opp. I fjor var det så dårlege vêrutsikter til langfredag, at det offisielle programmmet vart avlyst, fortel hytteformann Terje Nordvik. Det siste nappet i vandrepokalen, var det Vilde Mikkelsen som tok i påska 2013. For den som ikkje er så kjent, så er Kjerringdilten eit langrenn som går på idealtid, og som har lange tradisjonar. Start er langfredag kl 13.00.
Fotballsesongen er snart i gang for fullt, og dei aller fleste aldersbestemte lag har forlengst starta oppkjøringa. Gutane på G14 Søya/Todalen/Kvass/Ulvungen hadde fredag til laurdag teambuilding med trening, felles middag, overnatting og treningskamp på plana. Etter trening på Banksletta fredag kveld dro dei til Stangvik skule for overnatting og sosialt samvær. Oppmennene hadde ordna med […]
Komande søndag går søndagsturen til Betna, med tur til fots rundt Bettennesset. Du kjører til Betna, og tek til venstre i krysset og finn parkeringsplass på skistadion rett nedpå flata der. Det er ein lett tur i flotte terreng – ein tur som passar til alle.
Det er no klart at Todalen I.L. kjem til å fortsette samarabeidet med Kvass/Ulvungen og I.L. Søya for komande fotballsesong. Avtalen om samarbeid er underteikna og det betyr ei felles satsing for følgjande lag: J12, J14, G14, J16, G16 og A-lag. Vidare blir det felles satsing for Todalen I.L. og Søya for G10, G12 og J12, medan Todalen I.L. stiller eige «superlag» for knøtter.
Styret i Todalen I.L. melder at årsmøtet som var beramma til torsdag i neste veke er utsett til etter påske. Årsaka er at ikkje alle sakene er klare til neste veke, og ny årsmøtedato er difor sett til torsdag 9. april kl 19:00 i Todalen ungdomshus.
Denne veka går søndagsturen til Valsøya i Halsa kommune. Du kjører til Betna og rett fram vidare utover etter E39 til Valsøya og parkeringsplassen ved Valsøytunet som ligg attmed vegen. Frå Todalen er det ei strekning på ca 75 km, og tek ein stor time å køyre. Her kan man gå kortere eller lengre turer på «øya» til fots. Bålplassen blir ved stranda på Hestholmen like ved parkeringsplassen. Her blir det fyrt opp i bålpanna og koka på kaffe fra svartkjel.
Arrangørstaben kan nok ein gong puste ut etter eit vellykka arrangement. Norgescupen som vart arrangert på Kårvatn er eit krevjande arrangement som krev mykje av arrangøren – det skal takast hensyn til kvalitetssikring av tider og data og ikkje minst sikkerheita for løparane og løypemannskapet. Nils Ove Bruset har vore rennleiar og har trekt i trådane for å få alle ting på plass. Han rosar mannskapet for både stor innsats og velvilje til å finne praktiske løysingar på dei mange utfordringane i forbindelse med arrangementet.
Olav Bakketun Tronvoll, Fjellmann IL vart også i dag, under dagens Norgescup Randonne sprint, for tøff for dei andre motstandarane som stilte på start på Kårvatn. Todalen IL, som leverte eit vellykka renn i går, la inn nok ein god søknad også i dag for vidare sammarbeid med NSF for framtidige renn på Kårvatn.
Godt føre ga god fart under dagens Norgescup i randonee på Kårvatn, men ingen kunne true Olav Bakketun Tronvoll i sporet opp til toppen av Tydalsnebba. Tronvoll var i tet heilt frå starten og forbi alle meldestasjonane oppover mot toppen. Dit brukte 1:21:16 og så bruka han 6minutt og 19 sekund på turen ned lia og i mål. Beste tid frå toppen og ned var det Martin bartnes som hadde, med 6:04 – han kom på 3.-plass i dagens konkurranse og var 6.38 etter i mål.
Fredag tok vi tempen på Kårvatn, arena for helgas NorgesCup i randonee. Her var alt under kontroll, både på butikken til Kårvatn Fjellustyr, på start og målområdet som ligg på bekkøya ved dalahaugen og mannskapet på som var i fjellet som vi hadde kontakt med pr telefon. Det er bra med snø – ein stor halvmeter på flat mark – både i start og målområdet, i Dalalia og i fjellet. Kort og godt fine forhold både for løparane og for publikum. Laurdag er det meldt sol og finvêr…..