Todalen Idrettslag Arkiv

Nils Ove Bruset vart laurdag kveld heidra av sambygdingane, da han i samband med den tradisjonelle hjortfesta vart tildelt heidersprisen ”Den Gyldne Patron”.Nils Ove var heilt uvitande og totalt overraska da han vart kalla opp på scena for å ta i mot ”den Gyldne Patron”. Heidersprisen blir delt ut på hjortfesta kvart år, og går til ein eller flere personar som har utmerka seg gjennom positivt arbeid for bygdesamfunnet på ein eller anna måte, sa Lars Stensby som var festleiar og delte ut prisen.

I kveld har det vore hardtørn med produksjon av hjortkjøttkaker til Hjortfesta laurdag kveld, så mykje av matstellet er gjort unna. Fleire hundre kjøttkaker er stekt og kokkane ga klart uttrykk for at det var slett ikkje noko blandingsprodukt. Ekte vare – med råvarer frå Husby- og Hallabergå kjem på festbordet laurdag kunne dei berette. Foruten middag er det mellom anna utdelinga av «Den gyldne patron» som står på programmet. Kven får denne hedersprisen i år?

Laurdag 28. november blir det ny hjortfest, melder Halle & Husby jaktlag som er årets vertskap. Det er Lars Stensby som er jaktlaget leiar, og han lover ei tradisjonell hjortfest og håpar at sambygdingane sett av kvelden for å treffast i hyggeleg lag på tampen av jaktsesongen. Vertskapet byr på god mat og drikke, og sjølvsag vil det bli varierte underhaldningsinnslag i løpet av kvelden.

Søndag kl 14 blir siste utetrening for gubbetrimmen.  Det skjer på Bordholmen, og vi håper på bra oppmøte – kom og bli med oppfordrar Ivar Helge Kvendset i Todalen I.L. som er arrangør.

Endeleg er den nye solsenga på plass i solsengrommet på Hett & Svett. Den gamle solsenga sa nemleg takk for seg tidlegare i år og Todalen idrettslag har vore i marknaden for å skaffe ei ny eller kanskje vi heller skal seie ei nyare solseng. No er ho på plass, og elektrikaren har sørg for oppdatering av installasjonen i solsengrommet – så no er det berre å stille seg i kø.

Etter 60 minutt med full fres skulle ein tru at det var greit og avslutte kveldens barneleik i gymsalen på skulen. Men det var det som vanleg ikkje stemning for. Dei oppmøtte ungane leika seg med ulike aktiviteter i eigen regi. Særleg attraktiv var nok den nyinnkjøpte trampetten som Todalen Idrettslag hadde kjøpt til skulen. Idrettslaget hadde også kjøpt inn nye solide småmål som takk for lånet av gymsalen.

Økonomigruppa i IL Søya arrangerer årets store basar med inntekt til alle gruppene i idrettslaget i Myrvang søndag 8. november kl 17.30. Her blir det som tidlegare år også utdelt deltakardiplom til alle spelarar i aldersbestemte klassar frå knøttar, til og med G/J12.

Trimgruppa saman med ski- og friidrettgruppa inviterte i dag bygdafolket til god gammeldags basar med utdeling av trimkrus og deltakarpremiar til så å seie alle ungane i bygda som gjennom både vinter og sommarsesong har delteke på gruppas arrangement. Desverre var det ikkje så alt for imponerande oppmøte, men dei som kom fekk i allefall støtta eit aktivt idrettslag og ikkje minst treft sambygdingane sine.

Laurdag hadde G14 Søya/Todalen/Kvass/Ulvungen si avslutning av ein lang fotballsesong. Dei var samla i Bondehuset i Stangvika, etter at dei fleste av dei tidlegare hadde delteke på IL Surnadal sin BUA-cup med blandalag. I Bondehuset hadde lagledarer og trenarar rigga i stand langbord med servering av både pizza, brus, kaffe og kaker.

Det var fart over aktivitetane i gymsalen i kveld – det var ikkje meir enn 4 som møtte på første trimkvelden, men dei hadde det artig. Med så få deltakarar vart det balleik den første kvelden, og her var det ingen som fekk noko gratis! Men berre to på kvart lag vart dei litt for få, men dei håpar at fleire blir med på trimkveldane i gymsalen etter kvart.

Trim-, ski- og friidrettsgruppa i Todalen Idrettsalg arrangerer basar i Todalen ungdomshus søndag 1. november kl 15.00. I tillegg til trasdisjonelt nummersalg er det utdeling av krus for trimaktivitetane og premiering for både «Barn i løypa» og lagseriestemna ( ca kl 16.00) Trekning ca kl 17.00.

No er det definitivt klart for oppstart av barneleik og gubbetrim igjen melder Knut Bergli. Han fortel at dei yngste har fått tid i gymsalen på skulen måndagar framover. Dette er for dei opp tl 4. klasse. Dei som er hakket eldre har fått tid på søndags kveldane. Altså dei frå 5. klasse og oppover. Her blir det ulike aktivitetar etter kva ungane sjølv ønsker.