Vi fann 221 artiklar i dette arkivet.
Gytebestandsmålet blir nådd med glans i Toåa denne sesongen, seier Ola Bruset, som er eleiar i Todalen elveeigarlag. Frå sesongstart 15. juni og fram til 10. juli er det teke 86 laks og 42 sjøaure i Toåa denne sesongen. Til same tid i fjor var tala 32 laks og 34 sjøaure. I år har det vore eit eventyrleg fiske og fin fiskarelv med god vassføring det meste av den første halvdel av sesongen.
Sjølv om fangstreultata ikkje kan måle seg med første veka, er det framleis jamnt og godt fiske i Toåa. Seinast torsdag dag vart det meldt inn laks på 5,8 kg og onsdag var det fleire fangstar. Den digitale rapporteringa er litt mangelfull, så vi har ikkje heilt oversikt, fortel Ola Bruset i Todalen elveeigarlag. Han oppfordrar alle til å melde inn fangstar som ikkje alt er rapporterte, da elveeigarlaget skal levere midtsesongevaluering til fylkesmannen.
Storlaksen Ethelbert vart eit døgn forsinka på NRKs lokalsending for Møre og Romsdal. Men tysdag kveld kom innslaget, og no kan du sjå lokalsendinga med innslag om avdukinga på nettsida til NRK. Klikk deg inn på denne linken.
I kveld blir det vist eit lite innslag frå torsdagens avduking av fiskestatua på Bruset. Dette skjer på distriktsnyheitene for NRK Møre og Romsdal klokka 18.45.
Du har kanskje oppdaga at det står ein godt innpakka sak på berget der den gamle Brusetløa stod. Torsdag kl 17 blir det nok mykje styr når den skal avdukast og trer fram i sin fulle prakt… Da kjem NRK og mykje folk for å sjå og høre om denne begivenheita. Den er nemleg 160 kg, og […]
Det er god stemning i laksefiskarleiren om dagen. Laksen bit på, villig vekk, og det er vel akkurat slik vi vil at det skal være. Dag 3 har ikkje vore noko unntak, og det rapporteres om godt fiske også i dag. Totalt nærmer vi oss fort 30-talet av laks som er komne på land, og det er ikkje mindre enn ein skikkeleg rekord i «nyare tid». Malling rapporeterer at no har alle gjestane på Todalshytta fått fisk på kroken.
Den gode starten på laksefisket i Toåa fortsetter på andre dagen. Vi har ikkje klart å skaffe full oversikt over fangsttala, men eit 20-tals laksar er nok komne i frysaren etter nok ei prodduktiv natt ved elvekanten. Og laksen ser ut til å fortsette å ta agnet som laksefiskarane har å by på. Det blir rapportert fangstar frå både nedre og øvre del av elva.
Første turen til Todalen og laksestart i Toåa blir nok eit minne for livet for Andreas Lindbek frå Halden. Han har tilhald på Todalshytta, saman med faren Rune og hans kamerat Frank Haugrim. Ved øvre Teindammen stod Andreas og frista laksen med flue og eihands fluestong, da den første laksen hogg seg fast i flua. Laksen var ikkje så stor, men det var den første laksen i Todalen for Andreas – og gleda var stor!
Allereie første timen kom det fleire laks på land under fiskestarten i Toåa i natt. Det var veldig godt fiske dei første timane og i løpet av natta kom det iallfal 8 laks som vi har fått rapportert – og dei aller fleste er tekne i den øvre delen av elva.
Ved midnatt startar årets elvefiske etter laks og Aure i Toåa. Etter den gode starten på laksefisket i Surna, der fisket starta 1. juni, er det sjølvsagt store forventningar i Toåa også. Eric Malling har opna dørene på Todalshytta for sesongen, og dei første gjestane er sjølvsagt laksefiskarar som skal bu der. Dei siste timane går sakte når du sit og ventar på at klokka skal nå midnatt, men Malling heldt kaffekjelen varm og praten gikk lett – og samtaleemnet var sjølvsagt laksen…
Tysdag kveld når vi når midnatt startar fisket etter laks i Toåa, og varer fram til 15. august. Det er nok mange som er spente på årets laksefiske og som er klare for å kaste ut snøret når laksefisket settes i gang. – Etter den gode starten som har vore i Surna i år, har […]
Onsdag var det aksjon med utsetting av befrukta rogn i Toåa. Tilsaman 23 000 augerogn vart sett ut i såkalla vibertboksar, der dei fortsett å utvikle seg til yngel og etter kvart forlet den trygge «heimen» dei har i boksen og tek seg ut i elvastraumen. Da startar den farefulle ferda – først ut i elva og seinare mot havet og oppvekst der. Det er nok mange som bukkar under på ferda, av mange årsaker, men nokre kjem kanskje att som fine laksar og kan være med og bidra til å føre genane vidare i Toåa.