Forside Arkiv

Dan første skikkelige kaldnatta i februar overraska nok mange. Den digitale temperaturmålaren her i huset viste -15,9 som minimumstemperatur, men Jon Bruset melder om -16,4 på Småhjellå i natt. Og kulda vil nok fortsette. Det er meldt minimumstemperaturar på rundt -10 i heile neste veke.

Sist i februar blir det høve til å utvida kokkekunstene sine. Då arranger Todalen Sanitetsforening kurs i asiatisk matlaging på nybegynnarnivå. Kurset er i første omgang mynta på damer, men ved behov er det visstnok ikkje noko i vegen for at karar kan ha sitt eige kurs. Kurshaldar blir Mali Nognut Brusethaug, så her er det berre å gle seg!

Arnt Ivar Brøndbo fortel til Todalen.no at det er kjørt opp skuterspor frå Innerdalsmerket til Tristeinan, og frå Øyalia til Skihytta. Han rapporterer fine forhold, med 15-20 cm nysnø utafor sporet. Fredag var det ganske sterk vind og snøfokk på fjellet, men værmeldinga til laurdag og søndag er bra, med vind på 1-2 m/s og […]

Skog-Kompaniet i Surnadal, som i 2010 fikk prisen «Årets Gazelle» i Møre og Romsdal, er nominert til ein ny pris. Denne gongen er det fylkesprisen «Årets Bedrift», som Møre og Romsdal Fylkeskommune deler ut det gjeld, skriv Driva.no. Kåringa skjer 8. mars, og Skog-Kompaniet er nominert saman med 14 andre bedrifter i fylket.

Det er fortsatt problem med lysanlegget i lysløypa, seier Frode Grønmyr i skigruppa. Lysanlegget slår seg av etter nokre minutt, når det blir slått på. Frode seier at det blir arbeidd med å få lysanlegget i orden, men det har foreløpig ikkje lukkast. Det er fine forhold i løypa, så han oppfordrar til å ta […]

Januar 2011 blei den beste månaden nokon gong for Todalen.no, og vi hadde totalt 17654 besøkande. Med det blei rekorden på 15503 frå november 2010 slått. Den beste dagen var 16. januar med 891 besøk, den nest beste dagen nokon gong.

Fylkesordførar Olav Bratland meiner fortsatt at Trollheimstunellen er mest aktuell som lang, etter at dei nye utgreiingane no er klargjorte. Her går det fram at lang tunell er prissatt til 1,5 mrd, medan det andre alternativet med kort tunnel og bru kom på 1,75 mrd.

Måndag 7. februar serverte Todalen Bondelag lunsj til små og store ved Todalen oppvekstsenter. Leiaren i bondelaget, Ståle, med medhjelparane Ingebrigt, Frode, Anders og Olav, serverte nydeleg kakao, godt heimbaka brød med sunt pålegg og utruleg god heimelaga jogurt. “Slik skulle vi hatt det kvar dag!” meinte ungane. Og nestleiaren i elevrådet, Frikk, takka for “kjøle go mat” og ønska bondelaget velkomne att neste år!

Vi har starta på 2011, og også dette året vil styret plukka ut nokre kandidatar til månadens bilete. Vinnarane vil som i fjor få eit eksklusivt Todalen.no-krus, og vi startar naturleg nok med månadens bilete for januar. Vi håpar dykk fortsett å senda inn bilete til oss.

Er du plaga med smerter i rygg eller nakke, eller har anna muskel eller skjelettplager har du mulegheit for å gjera noko med det på Surnadal Velværesenter no. Torsdag 17. februar startar dei nemleg opp med ryggskule, og i 8 torsdagar framover vil naprapat Micke Dahlgren sørge for at du får lære å trene opp […]

Todalen historielag inviterer til årsmøte torsdag 10. mars. Det skjer i Todalen ungdomshus, og startar kl 19.30. På saklista står vanlege årsmøtesaker, og innkomne saker. Har du ei sak du vil fremje på årsmøtet, så kan du levere den til ledar i historielaget, Maren Ansnes, innan 18. fabruar. På årsmøtet vil vil «Skannarpatrulja» (Ingri og […]

Frå I.L. Søya har vi fått statistikk over deltakinga i Søya-trimmen i 2010. I.L. Søya har til 7 trimpostar, der du kan gå til fots eller på ski og registrere deg med. Strengen vart i 2010 den mest populære posten med heile 2114 namn, tett fulgt av Storsetra med 1614 besøk. Tilsaman på dei 7 postane registrert 5243 besøk gjennom året. Det er plassert trimpostar på Haugasetra (41), Evjehaugen (64), Storåsen (542) , Strengen (2114), Åsbøsnytå (626), Storsetra (1614) og Bjønndulu (242).