Forside Arkiv

Etter at Toåa var stengt for fiske nokre dagar på grunn av lita vassføring og høg vasstemperatur, har det vore godt fiske den siste veka.  Den siste veka er det teke 10 laks og aure – det mestesmålaks – tilsaman er det no teke 40 laks og sjøaure i denne sesongen som har vore litt spesiell.

No er det knappe tre veker til Kårvatn Skyrace 2025, som arrangerast på Kårvatn laurdag 16. august.  Det ligg an til rekorddeltaking, og det har alt kome påmelding frå 40 deltakar som altså stiller på startstreken i gardstunet på Kårvatn.  Erik Kårvatn som er fast inventar på randonee-landslaget stiller til start på heimebane denne dagen, og er godt forbredet på det.  – Eg har aldri vore så godt trena som eg er no, og eg gler med til full rundtur i 29 km-løypa.

Dagens turtips går ut på å ta ein tur til Todalen og svinge ein tur oppom koselege Todalshytta. Her finn du eit rikhaldig menykart med mykje godt, – mellom anna todalsburger med nykværna kjøtt, og vår nyheit på menykartet – biffsnadder, som får fantastiske  tilbakemeldingar, seier Arve Evensen som er vertskap på Todalshytta.

Bjørn Heggset – utflytta nordmøring og ivrig dialektmann – er gjest på Sjøbruksmuseet i Bøfjorden søndag 27. juli. – Saman med Bøfjorden Historielag og Bernt Bøe løftar han fram heimspråket vårt i full prakt og foreslår måtar å skrive det på.

Frå midnatt, natt til laurdag, blir det opna for laksefiske igjen i Toåa.  Vasstemperaturen er gått ned og vassføringa er på veg opp igjen, dermed er det forsvarleg å opne oppatt for laksefiske, seier leiar i Todalen Elveeigarlag Stig Husby til Todalen.no.

I nattens mulm og mørke har fire hestar rømt frå sitt sommaropphald i Viastua. Hestane høyrer til hos Stall Åsbø på Nordvik, men er no på sommarbeite på Kvennset nokre veker.  I natt vart fristinga for stor, og dermed lista dei seg ut og tok ein tur på bygda. I løpet av natta har dei vore observert fleire plassar – mellom anna i Øyagrenda. 

Måndag ettermiddag melder Fjord1 på sine nettsider at rute 1061: Kvanne – Rykkjem er innstilt inntil vidare, grunna driftsproblem. Dette er andre gongen på få dagar at ferga blir innstilt, med dei problema dette medfører for dei reisande. 

Todalen Elvaeigalag har beslutta å stenge Toåa for fiske etter laks og aure frå midnatt måndag kveld.  Det skjer grunna lita vassføring og høg temperatur på vatnet.  I første omgan blir elva stengt i 4 døgn fram til fredag kveld ved midnatt, seier leiar i Todalen Elveeigarlag, Stig Husby. 

Rødt har vore på Todalsbesøk i dag – søndags kveld var dei i gapahuken i Båthølen på ope møte for å treffe Todalingane.  I rundt 30 graders varme er det ikkje så enkelt å samle folk til politiske møter.  Dei tre frå Rødt, var Mattis Himo som er 1.-kandidat til stortingsvalet for Møre og Romsdal. I tillegg var Edvard Breivik med som leiar for Rødt Møre og Romsdal, og leiar Roar Nes frå Surnadal Rødt.

Laurdag vart Aron Rodal noregsmeister i motbakkeløp i juniorklassen. Han gjekk i mål på tida 46,21 som også heldt til 10.-plass totalt av 193 startande.  Isak Drøpping kom i mål på tida 49,04 og 3.-plass i juniorklassen.  Flott innsats frå «randogjengen» i Trollheimen fjellsportklubb!

Det varme sommarvêret er nok årsak til at det har vore lyn og torden på ettermiddag og kveld i fleire dagar på rad.  Fredag kveld var det ekstra mykje, og eit ganske massivt torevêr gikk nedover bygda på seinkvelden.  Det var nok mange som var bkymra og som drog ut kontaktar for å spare ekeltrisk utastyr.  Toreveret såg ut til å gå fleire rundar og det vart eit skikkeleg regnvêr i kjølvatnet av torevere. Rundt midnatt var det meste over og det hørtes ut som den trekte unna. 

Grunna driftsproblem vert sambandet innstilt ut kvelden i dag 17. juli.  Det blir normal drift i morgon fredag 18. juli, skriv Fjord1 i ei melding.