Vi fann 9330 artiklar i dette arkivet.
Todalen historielag er godt i rute med årsskriftet for 2025, og inviterer på bokslepp i Todalen ungdomshus søndag 9. november kl 15:00. Årets hefte har 84 sider med mykje godt og variert stoff, som er presentert på ein fin måte. Leiar John Moe tykkjer det er bra at dei har klart å rekruttere ein ungdommeleg redaktør, som fekk Endre Talgø på trua til å ta jobben.
Ved gapahuken i Båthølen er ein ny kvilebenk på plass. Det er Pensjonistforbundet Surnadal som er sponsor, og det er altså «Toåa tursti» som er mottakar. Torsdag var det montering av skilt på benken, for å vise kva opphav den har. Wenche Kvendset representerte Pensjonistforbundet Surnadal og Jon Husby representerte mottakar.
Pressemelding Du mitt Nordmøre 2025
Det er jubileumsår for Du mitt Nordmøre i 2025. Den første utgåva kom ut i 1966, med Erling Skjølberg i spissen for ei gruppe eldsjeler. Det som i starten var eit hefte på 56 sider, har vist seg livskraftig og med åra vorte til ei heil bok som finst i mange hyller rundt om på Nordmøre.
I årets julehefte av Vangsgutane er Larris «back in business» med sine fantestreker og mange rare påfunn, og godt er det! Han markerer seg godt under årets happening som er basert på ein tradisjonell fiskekonkurranse i Toåa, som har base på Todalshytta slik som i engelsktida. Larris er som vanleg oppfinnsom og ein stor fantstav – men og litt uvøren og litt uheldig.
Første måndagen i november var det sol frå klår himmel, vindstille og heilt nydeleg turver.
Søndag kveld var det allehelgensgudsteneste i Todalen kyrkje, der ein kjem saman for å minnast dei som har gått bort i løpet av det siste året. Borghild Talgø som er soknerådsleiar ønska velkomen til alle og spesielt til etterlatte som var invitert til å ta del i minnegudstenesta. Liturg var prost Vidar W. Rygh, som hadde med seg kateket Aud Brynhild Indset og organistvikar Bodil Kvam Åsbø under gudstenesta.
Måndag 3. november går startskotet for ein ny julesesong på Hageland Surnadal. Sia starten i 2013 er det altså 13. gong at julelysa tennes og julehandelen er i gong for alvor. Og aldri har det vel vore større utval i julevarer enn det er i år – mellom anna kan vi skilte med norges største utval i kunstige juletre – både store og små og med og utan julelys, seieer Anita Talgø som er butikksjef på hagesentret.
Søndag er det allehelgensgudstenester i kyrkjene. Midt i vemodige minne om dei vi har mista, tenner vi lys for håpet.
Todalen sanitetsforening inviterer til kløvertur måndag 3. november. Oppmøte ved Matkroken og start derifrå kl. 11:00. Alle er velkomne til å bli med ut på tur!
Todalen sanitetsforening inviterte til strikkekaffe første laurdagen i november. Oppmøtet var riktig godt.
Fredag kom det 7.500 nye og kjønnssorterte Todalingar til Pestua gard. At kjønnssorteringa skjer før egga blir ruga er siste nytt i bransjen, og dette er det første innsett her på Nordmøre og kanskje i heile fylket, seier Erling Brenne i Trøndelag kyllingoppdrett som er leverandør av verpeklare høner til Pestua Gard og Anders A. Karlsen.
Torsdag kveld samla Svarrabærje Teaterlag fullt hus til premieren for jubileumsrevyen «Storfemti» i Surnadal kulturhus. No er det berre nokre få plassar att på dei to neste førestillingane som går fredag- og laurdags kveld. Etter ein vellukka generalprøve onsdag kveld var revygjengen spente på publikums dom før førestillinga i kveld.