Forside Arkiv

Går du med planer om å rydde kjellar, loft og garasje så passar det godt no! Neste laurdag (28. juni) er det nemleg loppemarknad på Borholmen, som ein del av Todalsdagen 2014. Og da tek vi mot lopper av alle slag, fortel Borghild Talgø som er ledar for loppemarknaden. Når vi skriv lopper av alle slag, så er det unnateke klær! Det er det nemleg Saniteten som tek seg av, med innsamling til Estland kvart år. Men koppar, kar, gamle bøker og andre ting du ikkje brukar lenger tek vi mot, seier Borghild.

Førehandssalet av billettar til Glittertindkonserten er kome i gang på Matkroken L. Hals, fortel stemnegeneral for Todalsdagen Knut Bergli. Han fortel at det har vore stor interesse for konserten, og han reknar med «stinn brakke» når Glittertind dreg i gang konserten i Todalen ungdomshus laurdag 28. juni kl 21.00.

Førstkomande torsdag 19. juni er siste bibliotekdag for Todalen filial før sommarferien, melder bibliotekar karen Johanne Talgø. Opningstida er som vanleg kl 18-20, og det er viktig at bøker og anna lånemateriell som forfell eller har forfalle, blir levert inn da. Dersom  nokon ikkje har lese ut boka og vil ha ho lenger, ta kontakt, mobil 913 37 168. […]

I ettermiddag var årets første laks i Toåa eit faktum, da Frank Hauggrind landa eit flott eksemplar på 4 kg. Det skjedde på Halsetøran, på høgde med Bordholmen stadion, og fangsten vart gjort på sluk. Laksefisket i Toåa starta natt til søndag, og den første laksen lot vente på seg til måndag før han slo til mot sluken til Frank. foto: Helene Ness/Todalshytta

I natt blir laksen «fredlaus» i Toåa. I Toåa og fleire av dei små lakseelvane på Nordmøre er starten litt seinare enn i Surna og Driva, som starta alt 1. juni. Fisketida i Toåa har dei siste åra vore frå og med 15. juni, til om med 15. august. Dette gjeld både laksefisket og aurefisket, fortel ledar i Todalen elveeigarlag Ola Bruset til Todalen.no. Bruset er spent på korleis årets sesong blir etter det bedrøvelege resultatet for fjorårets sesong.

Bror og Sindre hadde laurdag formiddag plassert seg midt i kundestraumen utafor Matkroken L. Hals. Dei er i gang med salg av lodd i SuperLotteriet, der trekninga skjer under Todalsdagen 28. juni. Dei var tydeleg på at lodda kosta 20 kroner, og at du kunne få 5 lodd for ein hundrelapp.

RBL Landbrukssenteret i Rindal har vakttelefon i sommer, og nå er siloslåtten i full gang! Vakttelefonen hos RBL Landbrukssenteret i Rindal er 48 31 96 12, det samme som den vanlige verkstedtelefonen. Åpningstid er til kl.21.00 på hverdager, og til kl.18.00 lørdag/søndag.

Torsdag 12. juni møttest Stavganggruppa ved Gammelfabrikken i Todalen, der vi vart ønskte velkomne av Jon Olav Ørsal før vi la i veg opp Gammelvegen opp Falla, med Bjørg og Per Bruset som vegvisarar. Snart kom vi inn på Dalavegen, og følgde denne til vi kom opp til Talgø gard, der vi snudde og sette snuten nedover att.

Denne veka har det kome på plass eit flunkande nytt buss-skur ved Todalskrysset.  Ragnar Halle fortel at Vegvesenet hadde ledige midlar til slike tiltak, og på eit møte rundt påsketidar vart det lufta eit ønske om eit krypinn på busstoppen der. No er det alt på plass, og det vil nok mange reisende som ventar […]

Eit skuleår er over, og det er tid for å markere dette i gymsalen ved Todalen oppvekstsenter. Det skjer altså torsdag kveld og startar kl 18.00. Skuleborna byr på underhaldning, og i tillegg blir det både ein kaffeserveing og loddsal.  Alle er velkomne!    

Kom du ikkje inn på Todalen.no i dag tidleg, så har det si naturlege forklaring. Servertrøbbel var årsaka, men no er problema løyst og det er normal trafikk på nettet igjen.

Innspurten på anleggsarbeid på lysløypeanlegget på Tjønnmyra er i gang. Etter at Per Gjeldnes Maskin har planert og pynta på løypetraseen dei siste vekene, er no arbeidet med lysanlegget starta. Kablar er alt gravd ned og det som står att er montering av pålar. Det arbeidet starta tysdag kveld, og da vi var oppom Tjønnmyra hadde dugnadsgjengen alt fått på plass dei første pålane.