Vi fann 9082 artiklar i dette arkivet.
Dette er ei gladsak, seier Gudmund Kårvatn, som endeleg har fått hala i land avtale med Norges Skiforbund om levering av klær til landslaga i telemark og randonee. No gler dei seg til samarbeidet med forbundet og sjølvsagt levering av utstyr til landslagsdeltakarane.
Talgø har sitt ferdigvarelager på industriområdet Lomoen ved Vinstra sentrum. Derfrå går distribusjonen av Talgø-produkt ut i den «store verden», kvar veke med 12 kjøreruter rundt heile Noreg, samt ei rute til Sverige. Eit eige selskap, Talgø Logistikk driftar lageret, som disponerer 20.000 m2 med lagerplass på eit tomteområde på rundt 54 dekar. No bygges det heilt ny E6 frå Fryasletta syd for Vinstra, til Sjoa som ligg nord for Vinstra. Den opnar hausten 2016, og da blir lageret på Lomoen liggjande midt i smørauga, seier konsernsjef Terje Talgø.
Frå og med torsdag 26. juni vil det bli pålegg om gjenutsetting av all holaks i vassdraga på Nordmøre, Sør-Trøndelag og i Trondheimsfjorden i Nord-Trøndelag. Dersom midtsesongsevalueringa viser at gytebestandsmålet ikkje blir nådd, blir i tillegg sesongen avkorta med 14 dagar.
Tysdag kveld var det slåttadugnad på Bordholmen. Tradisjonelt er det finpuss av anlegget før Todalsdagen, og det «surra» i kantkløpparar frå alle kantar da dugnaden stod på sitt høgste. Inne i klubbhuset var det også arbeid med rigging av kiosken og grillutstyret slik at ein kan utnytte full kapasitet på både produksjon og salg av mat og drikke utover laurdagen, når over 400 spealar med tilhørande støtteapparat og supportere må ha påfyll av energi.
På grunn av nødvendig arbeid på linjenettet, blir det strømutkobling torsdag 26.juni fra kl 22.00 til fredag morgen 27.juni kl 07.00 på følgende strekninger: Ranes, Kvendbø, Østbødalen, Stangvik, Torvik, Todalen og Kårvatn. Svorka beklager dette og håper det ikkje fører til alt for stor ulempe for dei berørte.
Det blir i kveld felles St. Hansfeiring på Bordholmen frå kl 18 og utover kvelden. Vêrgudane held på og kjem i godlage, og lovar betre vër utover ettermiddagen og kvelden, fortel arrangementskomiteen som er Terje Nordvik og Knut Bergli. Todalen idrettslag stiller med varm grill og publikum tek sjølv med seg grillmat, og trøbiler og […]
Ein kombinasjon av mykje nedbør og smelting av nysnø i fjella førte til stor vassføring i Toåa søndag morgon og utover føremiddagen. Vassføringa på målestasjonen ved Storfossen var på topp i 6.30-tida, med 55,7 m3/sek, men har sia går jamnt nedover.
I helga har det vore snekkardugnad på Skihytta. Ny terrasse stod på programmet, og dugnadsgjengen trossa reg- og snøvêr for å få gjort unna snekkararbeidet. Det er Todalen I.L. som eig skihytta og arbeidet har vore planlagt til denne helga. Det var også planlagt beising og målingsarbeid, men det må nok vente til det blir betre vêrtilhøve. Vi har fått e-post og bilder frå Terje Nordvik som er ledar i hyttestyret, og han skriv:
Laurdag kl 12.51 «snudde» sola, og dermed går det sakte med sikkert mot ein ny vinter. Forhåpentleg vis tek det ei god stund enda før vi får føling med vinteren, sjølv om det har kome snø ned til rundt 600 meter dei siste dagane. Men komande natt er nok den kortaste denne somaren, og etter kvart blir nok natta lenger og dagane kortare igjen.
Torsdag starta Norsk Laksefestival 2014, med fagdag om vilkårsrevisjonen for Surnavassdraget. Det var nok ein viktig dag for å belyse framtida for både Surna og andre elvar i området. Det dårlege laksefisket har nok ei samansett problemstilling. Det rammar ikkje berre laksefiskarane, men også Laksefestivalen, turistnæring og næringlivet elles. Laksefestivalen når nok høgdepunktet i dag, laurdag, med rikhaldig program både på dagtid og på kveldstid.
Torsdag ettermiddag nappa det skikkeleg på kroken til Ivar Borthen. Han stod med markstonga i Engjavadhølen, litt nedafor hengjebrua da storlaksen hogg på. Da den kom på vekta, slo den ut på rundt 8,5 kg og er dermed årets første storlaks som er komen på land. Det er no fin vassføring i Toåa, og det har utover veka kome fleire laksefiskarar som har etablert seg i elva. Vassføringa dei siste dagane har vore heilt oppe på 23 m3/sek, men etter som regnvêret har dabba av er elva no på sakte retur og i skrivande stund er det 17 m3/sek og riktig fin fiskarelv.
Måndag 23. juni startar Søya og Todalen skyttarlag sesongen med skyteprøver på lagets anlegg i Ranheimsvingen på Kvanne, melder styret. Det er sett opp 9 måndagar utover sommaren og hausten til skyteprøve og oppskyting til storviltjakta. Alle kveldar er det skyting frå kl 18.00 til kl 20.00