Vi fann 9139 artiklar i dette arkivet.
Laurdag var det premiere for Kreativt Forums torgdag på plassen framfor kulturhuset. Det var liten respons både frå utstillarane og frå publikum, og det hadde nok si årsak i marknadsføringa, trudde Tove Merete Schei som var ein av initiativtakarane gjennom Kreativt Forum. – men vi er godt i gang, fortalte ho, og no satsar dei på større aktivitet på neste torgdag som blir laurdag 4. oktober. Seinar blir det torgdag første laurdag i kvar månad.
Denne hausten satsar dei på skihistorie og besøk på Skimuseet i Rindal. Det skjer onsdag 17. september. Det er absolutt vert å ta turen til Rindal sentrum, der det nye skimusett ligg. Senioruniversitet vil få både omvising og kaffe og svele – og høve til å friske opp mange minne frå gamle dagar.
Fredrik Sjøflot er ein av pionerane når det gjel bruk av elbil, og kanskje den første i Surnadal kommune. Han kjøpte nemleg sin første Think elbil i 2001, og har altså «gått på strum» i 13 år. No har han sin bil nummer 2, ein Peugeot. Men den første elbilen kom til Noreg alt i 1903, og ute i den store verden kom elbilar på slutten av 1800-talet. Satsinga på elbilar i stor stil kom først på 2000-talet og faktisk dei siste åra etter at satsinga på ladestasjonar starta.
Onsdag kl 13 er det ny runde med eldremiddag i Sanitetshuset, melder styret. Dei byr på god middag med dessert og etter på ei hyggestund med kaffe og noko å bita i. Ring gjerne og meld frå at du kjem til telefon 91337168 eller 71663598.
Laurdag var det vegdugnad og siste finpuss på Husby og Halle vassverk. Det er no over eit år sia den nye rensestasjonen og ny brønn vart ferdigstillt og godkjent av Mattilsynet. Denne gongen var det dugnad for å ta ei siste opprydding og grusing av den nye vegen opp til rensestasjonen.
Setningar i vegbanen er eit problem fleire plassar i bygda, men no blir det gjort noko med det på dei verste punkta. Ved Sissiå – like ved avkjøringa til småbåthana er det ei gammel stikkrenne som meir eller mindre har kollapsa, og dette har fårt til at det blir ein skikkeleg spretthopp for traktorar og vogntok med last. Ved Lauvåbrua er det også ein skikkeleg setning som skapar problem
Det er Kreativt Forum som står som arrangør for Torgdagen på Skei laurdag. Det skjer på torgplassen framfor Surnadal kulturhus, og der er det aktivitet frå kl 11.00 til kl 16.00, med salg av alle slags torgvarer; som egg, rømme, lefse, såpe, bakte poteter, antikviteter og mykje meir, melder Kreativt Forum
Stavganggruppa i Surnadal Pensjonistlag møttest torsdag 4. september i Svorka i Bæverdalen. Lars Magnar Bævre fortalde om Svorka, og kven kunne passa betre til dette enn nettopp han? Foreldra hans kjøpte nemleg Austistua to år etter at Lars Magnar var konfirmert, og han var sjølv eigar av garden frå 1971 til 2009.
Søndagens Trollheimsmarsj var ein ubetinga suksess og ei flott naturoppleving for dei som tok turen over fjellet frå Todalen til Ålvundeid. Dersom du tok deg litt tid til å sjå deg rundt, var det eit ypperleg høve til å bli betre kjent med Trollheimen. Det var klår luft og lite dis, du kunne sjå så langt «auge rakk» innover fjella.
«Prosjekt Stuå» er no i full gang av ekteparet Steffi og Carsten. Dei såg fram til å starte med arbeidet, etter at dei tok steget og kjøpte husa i sommar, og gjorde for alvor todlingar av seg. Laurdag starta Carsten med innvendig riving for fullt, for å sjå korleis ståa var. Og den var definitivt langt verre enn dei først antok. Store deler av tømmerveggane verka i første augekast fine, men etter eit par kakk med brekkjarnet, viste det seg at her hadde både biller og husbukk teke for seg.
Dr. Bekken, eller Tor Einar Bekken, tok nærast todalingane med storm da han heldt konsert og sesongavslutning på Todalshytta søndag kveld. Og publikum var rause med applausen da han briljerte på sitt el-piano med publikum på tunet framfor Todalshytta i halvannen time. Du verden for ei musikkalsk oppleving for oss som fekk høre og sjå Dr bekken i aksjon.
Deltakarane på Trollheimsmarsjen 2015 hadde ein drømmetur over fjellet. Turen over fjellet er stipulert til 5 timars turistmarsj, men det var mange som bruka mykje lengre tid – rett og slett for å nyte den fine dagen i langdrag, når dei forst hadde sjansen. 117 personer deltok i årets arrangement, og det er betydeleg fleire enn sist, – men berre vel halvparten av deltakartalet frå jubileumsåret 2008, da heile 231 var med.