Vi fann 9155 artiklar i dette arkivet.
Også i år fekk trimgruppa i Todalen IL fullklaff med sin årlege romjulsmarsj. Med ein gradestokk som viste i underkant av 10 minus og topp sparkføre var det nesten 180 personar som tok den tradisjonelle turen rundt bygda. I Sandstadkrysset og på Bruset var det som vanleg drikkestasjonar der deltakarane fekk kakao eller gløgg i koppane. Her var det også quiz, med allsidige spørsmål som det var bortimot umuleg å svare på.
Det vart stor aktivitet og ein travel gjen vi trefte i Ungdomshuset i ettermiddag. Øvingane til julerevyen «Rikets tilstand», som går 3. juledag, er komen i sluttfasen, og det er stort sett finpuss som står att no. Vi tjuvkika litt på scenekanten medan øvingane pågikk, og det lover bra. Vi kan garantere mykje lun humor og artige innslag frå scena. Billettsalet ser også bra ut, men det er enno ledige billettar å få kjøpt på Matkroken Todalen.
På Pakkhuset Kro er det open krokveld med quiz 2. juledag. Quizkonkurransen startar kl 20.00. Ta turen til Todalsøra på Pakkhuset Kro, og treff naboen, – eller nokon som du kanskje ikkje har treft på ei stund!
Julesnøen kom litt seint, men godt. Natt til 2. juledag er julesnøen komen på plass, med rundt 10 cm tørr og fin snø som lyser opp i landskapet. men ny tyder vêrmeldinga på at vi har fått det vi skal ha av snøvêr i første omgang og det blir fint vintervêr og sørleg vindretning utover neste veke. Først eit par dagar med kuldegrader og så blir det mildare med varmegrader frå tysdag (5. juledag). Blir det slik som yr.no viser så blir det ypperlege forhold til romjulsmarsjen 3. juledag.
Todalen sokneråd minner om julegudstenesta med sokneprest Bernt Venås i Todalen kyrkje på julaftan. Den startar kl 13.30, og det blir takkoffer til kyrkjelydsarbeidet. Alle er velkomne!
Tysdag kveld var ein gjeng samla til eit mini-skredkurs på Falløya. Det var Jan Vidar Øyen som auste av sine kunnskaper om skred og skredfare til nokre av sine venner. Det viktigaste du gjer nå du skal ut på tur i vinterfjellet er å planlegge turen. Det kan du gjera frå sofaen, med kart og info frå varsom.no, samt at du har formålstjenleg utstyr til å hjelpe deg sjølv og andre om uhellet er ute.
Todalen I.L. går ei travel jul med mange aktivitetar i møte. Dei startar alt 3. juledag kl 12, med romjulsmarsjen som første post. her er det start mellom 12 og 15, deretter blir det julerevy med to forestillinga kl 15 og 20 – og 6. juledag (30. desember) blir det juletrefest i ungdomshuset mellom kl 14 og 16.
I samband med jula er det litt regulering av opningstidene på Matkroken Todalen. Før jul – tysdag 22. desember er det vanleg opningstid 9 – 18, men onsdag 23. er det langdag frå 9 – 19 og julaftan 24. desember er opningstida 9 – 13. Første juledag er butikken stengt. I romjula er opningstidene litt endra og det finn du oppsett på nedafor. Drivstoff kan du sjølvsagt fylle kvar dag – heile døgnet – med kortautomaten på HalsOil.
Er du ute etter hyttetomt i Todalen er det lurt å følge med på det som skjer på hyttefronten på nettet. På Facebook-portalen ”Hyttetomter i Todalen” vil du etter kvart finne fleire alternativ, der det blir presentert både hyttefelt som alt er klare for utbygging og felt som er under planlegging….
No er billettane til Todalen IL’s tradisjonsrike romjulsrevy lagt ut for sal på Matkroken. Årets julerevy går av stabelen 3. juledag – 27. desember – og er i år kalla for «Rikets tilstand» og ber sitt namn med rette, fortel revygjengen som vi trefte i ungdomshuset tysdag kveld og som no er i full gang med øvingane.
Det er kanskje ei litt uvanleg tid å etterlyse eigar av bærplukkarutstyr, men saka er iallfall at Marit Sanden Søyset var i Øyalia for å finne seg juletre her om dagen. Fangsten vart både juletre – og ei attgløymt bærplukkar……
Todalen sanitetsforening fikk ei raus gåve på 10.000 kroner med Svorka, og dei trong ikkje spekulere lenge på kva dei skulle bruke pengane til. Omtrent samtidig kom det beskjed om at tronge kommunale budsjett gjorde at svangerskapskurs som skulle starte 6. januar var avlyst. Dermed var det klart kva pengane skulle brukast til – nemleg svangerskapskurs! Todalen sanitetsforening fikk med seg Gjensidige Surnadal og dei spanderer 10.000 kroner kvar og dermed blir det svangerskapskurs som tidlegare planlagt den 6. januar – til stor glede for dei gravide i kommunen.