Vi fann 9124 artiklar i dette arkivet.
Torsdag var det meldt på yr.no at temperaturen kunne krype over 30-talet, og det har han nok gjort fleire plassar. Jon Bruset kan rapportere om 30,4 varmegrader på Småhjellan i dag. Slike temperaturar er slett ikkje så vanleg, og sia han starta målingane i 1980 er det berre 5 dagar at det har skjedd, og berre 1 dag at det har vore varmare.
Årets største laks så langt i sesonger er det Magnus halle Johansen som er mann for. Saman med broren var han i Toåa på laksefiske eit døgn denne veka, og dei to prøva seg på forskjellige plassar oppover elva. I Fosstrøinn tok storlaksen på 8,3 kg på på spinnaren., til stor glede for Johansen som dermed fikk sin første laks for i år og sette ny personleg rekord.
Det var godt og varmt for gjengen som lærte fluekasting i dag. Det var Todalen elveeigarlag som stod som arrangør og dei hadde hyra inn Arve Evensen som instruktør for kurset. På dagens kurs var det både rutinerte fluefiskarar og meir nybynnarar i faget som var deltakarar, men felles for dei alle var at dei har laksefiske […]
Tysdag opna årets landsstemne i Norgers Bygdeungdomslag i Surnadal – eit stort område ved og rundt travbanen er arena for arrangementet, der Surnadal Bygdeungdomslag er vertskap for tusenvis av landsstemne deltarar frå heile landet. Her er det full rulle frå tysdag kveld og til avsluttninga natt til søndag 24. juli. NBU’s 71. årsmøte tjuvstarta alt måndag kveld i idrettshallen der Thora Voll Dombu frå Meldal var valt til ny leiar for Norges Bygdeungdomslag. Tidlegare leiar i NBU, Nils Håvard Øyåa og kona Karin Åsbø har begge vore aktive i NBU og inviterte alle fylkesleiarane heim til terrassen på Nordvik, der vi fikk helse på dei.
Kristen Bruset som til dagleg har sitt liv og virke i Veidekke var i full aktivitet med slåttaarbeid på kyrkjegarden i føremiddag, og i ein spøkefull tone lurte vi på om han hadde skaffa seg sommarjobb for å spe på levebrødet. Men det hadde seg ikkje slik, fortalte han. Kristen er valt inn i både soknerådet og fellesrådet, og det var bunnskråpa kasse som gjorde at han no var i gang med dugnadsslått på kyrkjegarden i Todalen.
Todalshyttas sommarkultur er i full gang. Laurdag kveld er det Asle Beck og Gunnar Westli som star på programmet. Asle Beck er todalsvenn, laksefiskar og ikkje minst Raus 2015-deltakar spiller på Todalshytta kommende lørdag.
I Vangsgutane nr. 31/1973 stoppar Vangsgutane på i Svinvika når dei er på tur heimatt til Todalen, og her treffer dei
ingen ringare enn Halvor Svinvik sjølv. I dag er det onsdag og langope til kl. 20, slik det er alle onsdagar i juli.
For Todalen I.L. er det tid for innkrevjing av medlemskontingent, melder styret. Den siste tiden har alle fått lagt i postkassen med info om medlemskontingenten for 2016.
Da vi stakk innom Todalshytta på føremiddagen i dag var det full aktivitet på kjøkkenet. Tysdag er balldag på kjøkkenet var Åse Øyen og Jan Larsen i fullgang med førebuingane til balldagen. Og det var ikkje berre ei lita ballgryte som var i emning, men det var storkasserollen som stod på omnen og gjorde seg klar for 60-70 posjonar med potetball.
Det nærmar seg ein ny «moltesesong» og vi har fått ein liten rapport frå Jon Bruset, som er ein hyppig fjellvandrar, om stoda i fjellheimen. Litt tidleg er det nok enno, men etter bilda å dømme så vil det nok snart være modne molter enkelte plassar.
Verneområdestyret for Trollheimen ønsker å kartlegge bruken av Trollheimen, slik at det kan leggjast betre tilrette for slik bruk som brukarane ønsker. I samband med dette er det kome opp kassar for slik informasjon og registrering. Vi har observert ein på vegen inn til Nauståfossen og no er det kome på plass ein på Talgøsetra – på stien som går opp til Bjøråskaret.
Eit begeistra publikum trossa regnbyene laurdag kveld og kom på friluftskonsert med jazzgitaristen Amund Maarud på Todalshytta – og jammen fekk dei valuta for pengane. Med Amund var det ”full trøkk” frå første akkord og publikum «var med» under heile konserten, – der han kjørte sitt soloshow.